بدي مين يطمني بلييييييز

[دافئ الإحساس]

المشاركة الأصلية كتبت بواسطة l0rdy اولا: شد حيلك الترم الجاي وموبعيدة ان شاء الله انك تدخل الطب ثانيا :مدام انت حاط في راسك شي بتحققه ان شاء الله ولا تخلي الاحباط يسيطر عليك خلي الامل كبيــر بربك وربي بوفقك ثالثا : بحكيلك حكاية اخويا اللي اتخرج ولله الحمد من جامعة عزوز هندسة طبية بس ماتخرج منها الا بعد طلع الروح قعد في الجامعة 7 سنين لمن خلص كيف اول شي ماجاب معدل عالي ودخل تخصص مشي حالك ةبعدها حول على الحاسب ولقي انو كثير داخلين حاسب وماراح يحصل فرص عمل كثير وشد حيله وجاب فيله معدل عالي وحول على الهندسة وكمل وخلص على خير فلا تفقد الامل حتى لو تفحط في الجامعة كم سنه بس ادخل اللي تبغاه (وشكلي انا بطلع زيه هههه بس 6 سنين ان شاء الله ماتكثر ) وبالتوفيق يارب وسوري طولت عليك

تسلمي والله ما قصرتي

الله يسعدك ياارب

[دافئ الإحساس]

المشاركة الأصلية كتبت بواسطة cherry نوب ما عليك .. بس لا تكون اناني لمن تدورك على الجبل المناسب بجده لا تنسى انك اتناديني ... لالالا بس بمزح ربي معااك وانت قدها ماشاء الله بشوف بكلامك الاصرار وصدقني حتجيبها بس لا تنسى اول ما يطلعلك التخصص انك اتبشرنا

الله يسمعك منك إن شاء الله اجيبها

ورااح ابشركم

على طووول

والله يوفقك

ويوفق الجميع

[Super amazing]

حلم الطفوله..انت هدمته بنفسك
لو من جد كنت ميت عالطب ونفسك فيه كان جبت درجات حلوووه..
ناس ماتذاكر وتجي قبل يوم الامتحان باسبوع ويذاكرون ويقولون نحنا نتعب ونسهر ومانجيب معدل..

((جنت على نفسها))

اتحمل غلطك وشوفلك تخصص ثاني...مافي شئ يجي بالسهل..

موفق,,

[دافئ الإحساس]

المشاركة الأصلية كتبت بواسطة super amazing حلم الطفوله..انت هدمته بنفسك لو من جد كنت ميت عالطب ونفسك فيه كان جبت درجات حلوووه.. ناس ماتذاكر وتجي قبل يوم الامتحان باسبوع ويذاكرون ويقولون نحنا نتعب ونسهر ومانجيب معدل.. ((جنت على نفسها)) اتحمل غلطك وشوفلك تخصص ثاني...مافي شئ يجي بالسهل.. موفق,,

هوا صحيح انو كلامك يقهر

واذا كنتي قدامي مدري اش راح

اسوي فيكي

امزززززح ههههههه

بش شوفي يااختي

احب اذكرك بشئ

ياريت يكون في شئ اسموا مراعاة

فاهمة اش يعني

يعني انا انسان جبت الدرجات ديكا

لظروف عندي

يعني افهمي غصبن عني ظروف اقوى مني

يعني الاقيها من هنا ولا من هنا

خليها عليها لكن الحمدلله كلوا اتعدل

لكن بعد متى الحمدلله بس

فلمن ما اجيب درجه طيبه مو معناتو خلاص

تقفليها >.>االله يقفلها على الشيطان

انا المهم راح اشد حيلي إن شاء الله في الترم الجاي

وإن شاء الله خير

وبعدين تعالي هنا

انتي الوحيدة اللي مقفلتها على وجهي

كل البنات والشباب ساعدوني

انتي بس قفلتيها على وجهييي

ليييييييييييييييييييييييييه

اش سويتلك

دنا غلبااااااااااااااان

[رهف الاحساس]

انا حنزل موضوع سار لواحد يقربلي الييوم لسع وصلني الخبر مررررررة حلو اقراءه واعرف انو الدنيا ماوقفت
وبالتوفيييييييييييييق

[Super amazing]

المشاركة الأصلية كتبت بواسطة دافئ الإحساس هوا صحيح انو كلامك يقهر واذا كنتي قدامي مدري اش راح اسوي فيكي امزززززح ههههههه بش شوفي يااختي احب اذكرك بشئ ياريت يكون في شئ اسموا مراعاة فاهمة اش يعني يعني انا انسان جبت الدرجات ديكا لظروف عندي يعني افهمي غصبن عني ظروف اقوى مني يعني الاقيها من هنا ولا من هنا خليها عليها لكن الحمدلله كلوا اتعدل لكن بعد متى الحمدلله بس فلمن ما اجيب درجه طيبه مو معناتو خلاص تقفليها >.>االله يقفلها على الشيطان انا المهم راح اشد حيلي إن شاء الله في الترم الجاي وإن شاء الله خير وبعدين تعالي هنا انتي الوحيدة اللي مقفلتها على وجهي كل البنات والشباب ساعدوني انتي بس قفلتيها على وجهييي ليييييييييييييييييييييييييه اش سويتلك دنا غلبااااااااااااااان

اهلا..
معلش اخووي لني دفييت بقووه عليك..
بس والله من القهر..
انا انقهر لما الواحد يضيع حلم طفولته واهله..عشان الاهمال او اي ظرف كان..
الله اعلم ايش هيا الظرووف اللي حصلت لك...بس الواحد لازم يتغلب على ظرووفه..
بعدين..اسفه اذا عاتبتك بقووه لأني صراحه طفشت من مواساة كثير من الاعضاء يعني لين متى نقووول خلاص خيرها بغيرها
لازم شووي نكون صريحين..ونعطي في الوجه..
((بس ترى لسه في امل على تخصصك.. اللي تبغاه..حتى لو كان 1% لاتضيعه تقدر تجيب 5 من 5 الترم الجاي))..........

بالتوفيق يادكتوور,,

[super girl]

أخوي انا ابغى اقولك شغله
اذا ربي ماكتب لك الطب في ذي الجامعه
عندك ميه جامعه بتقبلك طب بالرآحـة !
يعني ماوقفت على عبدالعزيز
اول شي اذا ماربي اراد لك وانرفع معدلك الترم الثاني
تقدر تاخذ منحه على اي كليه اهليه تدرس طب .. زي مثلا ابن سينا او البترجي
اعرف ناس كانو تحضيري وماجابو معدلات .. اخذو منحه على ابن سينا .. وهم الحين يدرسون طب وزي الفل
وعشان يعادلون لك المواد لازم تجيب درجات حلوة يعني مو تتكل على انك خلاص حتحول
وكمان يختبرونك اختبار تجريبي في البدايه عشان يقررون راح تدخل على طول سنه ثاني
ولا تبدأ من سنه أولى
والحمد لله اكيد مقدور عليه
ف ان شاء الله الطب مضمون اهم شي تكون عندك اراده
اذا مو في عبدالعزيز في غيره ..
وبالتوفيق لكم ..

[دافئ الإحساس]

المشاركة الأصلية كتبت بواسطة super amazing اهلا.. معلش اخووي لني دفييت بقووه عليك.. بس والله من القهر.. انا انقهر لما الواحد يضيع حلم طفولته واهله..عشان الاهمال او اي ظرف كان.. الله اعلم ايش هيا الظرووف اللي حصلت لك...بس الواحد لازم يتغلب على ظرووفه.. بعدين..اسفه اذا عاتبتك بقووه لأني صراحه طفشت من مواساة كثير من الاعضاء يعني لين متى نقووول خلاص خيرها بغيرها لازم شووي نكون صريحين..ونعطي في الوجه.. ((بس ترى لسه في امل على تخصصك.. اللي تبغاه..حتى لو كان 1% لاتضيعه تقدر تجيب 5 من 5 الترم الجاي)).......... بالتوفيق يادكتوور,,

ايوا ياااااهووووووو

هادا الكلام الحلو

يسلم بؤك اي والله

ونقول إن شاء الله ياارب

وانا عارف انك زهقتي من بعض الاعضاء ومن شكاويهم

لكن لازم تطيييب الخاطر

مو ولا مو مو؟

ثنكس

[دافئ الإحساس]

المشاركة الأصلية كتبت بواسطة super girl أخوي انا ابغى اقولك شغله اذا ربي ماكتب لك الطب في ذي الجامعه عندك ميه جامعه بتقبلك طب بالرآحـة ! يعني ماوقفت على عبدالعزيز اول شي اذا ماربي اراد لك وانرفع معدلك الترم الثاني تقدر تاخذ منحه على اي كليه اهليه تدرس طب .. زي مثلا ابن سينا او البترجي اعرف ناس كانو تحضيري وماجابو معدلات .. اخذو منحه على ابن سينا .. وهم الحين يدرسون طب وزي الفل وعشان يعادلون لك المواد لازم تجيب درجات حلوة يعني مو تتكل على انك خلاص حتحول وكمان يختبرونك اختبار تجريبي في البدايه عشان يقررون راح تدخل على طول سنه ثاني ولا تبدأ من سنه أولى والحمد لله اكيد مقدور عليه ف ان شاء الله الطب مضمون اهم شي تكون عندك اراده اذا مو في عبدالعزيز في غيره .. وبالتوفيق لكم ..

اي والله انك صادقة

ماجات على اللي ما تتسمى

جامعة الملك عبدالعزيز

بس شوفي الله يعطيكي العافيه

بهرجتك للمنحة

في البترجي وغيرو

بس كييف طريقتها لاني مني فاهم فيها ولاشئ

فإذا انتي فاهمة فيها

فقوليلي هيييا

بالتفصيل الله يسعدك

ومعليش اذا راح اغلبك معايا

[e.emo0o]

من وجهة نظري انو بامكانك تدخل طب
لانو اغلب الدفعه تقريبا درجاتها نازله
وعلى الاقل لو مادخلت طب بامكانك انو تدخل مثلا تمريض
بس اضمن نفسك في كليه صحيه بعدين جيب معدل عالي
وحول طب بس المهم انو تضمن نفسك في وحده من الكليات الصحيه
والله يوفقك يارب
وادا عني انا قررت انو انسحب وارجع السنه السنه الجايه إن شاء الله
لاني راسبه في الكيمياء <<وهيه اهم حاجه
يعني انا اللي ماعندي امل