ندآاآء للي بتروح بكرة تراجع درجة الانجلش ^^

[روح الربيع]

سلآاام
كيفكم ياصبايآ ؟؟
بعد مانزلت درجت الانجلش والأغلبية مو عاجبتهم درجاتهم اذا ماكانوا كلهم وأنا قرأت انه في مجموعة بيروحوا بكرة يراجعوا الله يسعدكم الي تروح تقلي اش سار معاها وهل تغيرت الدرجة وكل شي وتكتبه هنا في هذا الموضوع اذا ما عليكم أمر وبالمرة أسألوهم كيف حسبوا الدرجات الله يجزاكم خير وان شآءالله ترجع حقوقنا بإذنه تعالى ~ تحياتي =)

[نآيف]

..

..

أحمدو ربكمـ ع النجاح ..
وربي الانجلش صعب الواحد يعديه انا اتكلمـ عن أنجلش الجامعه ..
نصيحه اللي نجحت تريح نفسها وترتاح لأنها حتى لو راجعت ماراح تستفيد إلا تعب وبس ..!

[روح الربيع]

أكيييد الحمدلله ~
بس ولو لازم يوصلهم اعتراضنا ونحسسهم بغلطهم بأي طريقة ~ لأنه أصلا الأسئلة وطريقة الاختبار من البداية غلط فأكيد رح تكون النتيجة غلط ~ وحتى لو ماسار معانا شي ع الأقل مايتكرر الي حاصل مع غيرنا ~

[My World]

والله ياروح اتذكر البنات اللي يبغى يروحوا والجامعه فاتحه اكيد
ان شاء الله وحدة منهم تدخل وتبشركــــــــــــــــــــــــــــــــــــــــــــ ــــــــ

[روح الربيع]

^^
ان شآءالله ~
مشكورة

[روح الربيع]

؟؟؟؟؟؟؟؟؟؟

[أمووول]

انا رحت ومافي فايده حسبي الله عليهم شرشحونا من مبنى لمبنى وفي النهايه قلنا بنراجع اوراقنا قالوا استنوا وقت ما ألطعنا يمكن ساعه قالوا ماعندنا الا درجة الدوري الثالث قلت يالله بدخل وربي ينافخون عليك بسرعه بسرعه ويتريقون على البنات اللي برا ورحت عند السكرتيره حقت عميده الجامعه وقدمت شكوى ورحت مبنى اللغه ورفعت شكوى ثانيه وماندري وش النهايه انا عندي احساس اوراقنا بنروح في الزباله وربي يقهرون كل ماقلنا شي قالوا مو عندنا في قسم الاولاد طيب بروح قسم الاولاد بس فيييييييييين اروح؟؟؟؟

[نانو بيبي]

لو سمحتي يا اموول انا ودي اروح بكرا ..بكرا هما موجودين يعني اقدر اراجع

وفي اي مبنى بالله؟؟؟

وهل الجامعه فاضيه ولا فيه ناس مداومين


وجزاك الله خير

[أمووول]

والله انا بعد رايحه بكره وعلى فكره نقلوا معهد اللغه مبنى 40 ورا الاقتصاد المنزلي مبنى جديد وعلى فكره تدخلينه كأنه مافيه احد بس انتي ادخلي وأسألي واليوم كانوا يراجعون في غرفة الاجتماعات وعلى ما اعتقد اليوم اخر يوم في المراجعه بس من كثرة البنات سمعتهم اليوم يقولو تعالوا بكره..

[روح الربيع]

حسبي الله ونعم الوكيل ع العموم جزاك الله خير أمول والله يعوضك ان شاءالله وتشكرات لكل الي مروا =)