عاجل ومهم للحلوين خلال هذا الاسبوع

[نيكييتا]

السلام عليكم ورحمة الله وبركاته

ياشباب هذا الشي اللي صار في الانجليزي كله ظلم في ظلم احنا سوينا مستويات
الانجليزي عشان كل واحد يختبر على قد مستواه وينجح بمستوى اعلى وما يتحطم
ومو هما قالوا توزيع الدرجات من بداية السنة يكون 50% بيد الاستاذة و50%على الاختبارات
و اليوم يقولوا 30%ولا 70%
طيب
مو هما قالوا المستوى الاول لو جابوا درجات من 15 الى 10 يعني مستواكي كويس يعني حليتي
واحنا جايبين في الاختبارات مابين 15 و10 يقوموا يعطونا f وليش من البداية يحددوا مستوى اذا ماكانوا راح يعطونا على قد مستوانا وينجحونا
واليوم لمن رحنا نراجع ما يخلوك تراجع غير درجة الدوري 3
ولمن تجي تسال عن توزيع الدرجات يقولوا ما يعرفوا
ولازم ترواحوا تراجعوا عند شطر الطلاب
طيب في معلومة اليوم سمعتها ويقولوا انها اكيدة 100%
انهم ماحسبوا اعمال السنه بس حسبوا درجات الاختبار
يعني احنا نكرف طوااااااااااااااااااال الترم واختبار في اختبار
وفي النهايه مايدونا منها ولا شي
شفتوا كيف الظلم
يعني اللي ماخذين الـ f ممكن يكونوا ناجحين
واللي ناجحين ودرجتهم مو عاجبتهم ممكن يكونوا احسن وترفع من المعدل
اقل شي يدونا منها 20% ولا يوفوا بكلامهم من بداية السنه وتكون 50 من الاختبار و50 من اعمال السنة
هذي هيا النقطة الهامه
وترى هذا الاسبوع اخر اسبوع في المراجعه عشان كذا لازم الكل على بكرة او بعدوا يكونوا هناك
انا وصحباتي من بكرة وبعدوا راح نكون في الجامعه
اللي يبغى ينجح او يرفع المعدل ويشيل الظلم احنا هناك عند مبنى 40 في الجامعه
لازم نروح كلنا ونرفع شكوى ونلحق نفسنا ونقدر نطلع حقنا من الظالمين
من الساعه 9 لازم نكون كلنا يد وحده
ونقدر نوصل صوتنا ونرفع الظلم
خلال هذي اليومين والا راح ناكل الظلم ونسكت ونبكي طوال اليوم وماراح نستفيد شي في الاخر

.................................................

[University girls]

اي والله من جد ظلم لازم بكره كلنا نكون هناك العميده بنفسها قالت لو شفت العدد كبير اكثر من 50 اقدر اكلمهم يغيروا النظام وقالت الي يعرف احد في قسم البنين يكلمهم يمكن يقدروا يغيروا شئ وأعطاتنا رقم مكتب د / أسامه الطيب خلينا نروح بكرا يمكن يحسوا فينا ويغروا ها الظلم الي احنا فيه.
والله اليوم مررره انقهرت مراجعة بس الدوري الثالث ويقولولنا النهائي مو عندنا عند البنين وكل ماسالناهم عن شئ يقلوا مانعرف ولا الي ضحكني من جد لمى سالنها عن طريقة حساب الدرجات تقول سر بالله درجاتي سر حسبي الله ونعم والوكيل فيهم وبس.
لازم نكون كلنا يد وحده ولا بصير مصيرنا زي مصير البنات الي دفعة 09 الي خلصوا 3 اترام والحين بينظوي قيدهم وهم مالهم ذنب.
يااااااااااااااااااااااااااااااناس كيف ندرس طول الترم شئ ونختبر شئ ثاني والله لو بالعربي يجبولي شئ مادرستوا ماراح احلوا كيف بالانجليزي.
حسبنا الله ونعم الوكيل

[طلوبة الجامعه]

أنا معكم والله الجااامعه ظالمينا واحنا سااكتين ولازم مانخليهم يهضمون حقوقنا وأتوقع انهم يعطون الدرجااات من راسهم الله لا يسامحهم واذااحنا مابيدنا حيله الله يسلط عليهم احنا أول سنه لنا ويفاجئون باانضمه ماتدخل العقل صراحه وعلى فكره احنا سألنا الاستاااذه حقتنا وقلنا لها كيف تحسبون الدرجااات أعطتنا جواب والله مااقتنعنا فيه وقالت احنا ندخل الدرجات في الكمبيوتر وفيله برنامج وهو يحسب الدرجااات .........وبس المفروض مانسكت عن احقوقنا .. الله ينصرنا على من ظلمنا

[miss memo]

وانا بعد درجتي الانقلش مره مو عاجبتني بس انا من الشرقيه ومقدر اجي بس ياليت اذا تقدرون تعطوني رقم العماده بابا يبغى يكلمهم لانه هذا ظلم والله ظلم

[روح الربيع]

undefined

[روح الربيع]

وجع ان شاءالله الحين نداوم يوميا ثلاث ساعات عشان آخرتها نختبر في شي خارج المنهج وتطلع درجاتنا منها الي طبعا زي الزفت حسسسسسسسسسسسسسسسبي الله عليهم الله لا يسامحهم بليز الي عندها إيميل الدكتور أسامة ترسلي هو ع الخاص أنا انتظره ~

[just_girl]

انا كمان ماعندي مانع بكرة بكون اول الموجودين لاتنسون كلمتني وحدة من استاذاتي وقالت
لازم اهلينا يروحوا قسم الرجال لدكتور اسمة عبد الرحيم كن زارا
والله يابنات الاستاذة الي كلمتها معترضه على هالنظام وتقول هي ماتقدر تسوي شي لوحدها
لازم نوقف معاها والله يجزاها خير انها واقفة معانا وانا بنزلكم رابط
شكوى اطبعوا الورقة وجيبوها معاكم الجامعة بكرة ضروري
وتعبينها مع استاذاتك

http://www.kau-eli.com/ELI.Grievance.Form.Revised2.pdf

لاتسكتون على حقكم وربي في ظلم احنا قسمو درجاتنا على 4 والاولاد على 2
لازم نتكلم ولاتنسوى تخلو اهاليكم يروحوا لعبد الرحيم الله لايرحمه

[طالبه ثانوي .,]

قدهآ وقدوووووووووووووود يآبنآت

والله اثلجتوا صصدري بتعاونكم لبى قلوبكم

من اليوم جالسة اقنع بنات العلمي لكن الله يهديهم قالبين الموضوع بالعلمي لشششات

ماقول اللا اللي يده بالنار موب اللي يده بالثلج < اذا كان المثل صصح

والله ماخلولنا عقول


وان ششاء الله بطبع النموذج

وبكون اول الموجودين بكرا ان ششاء الله


بس وين اروح اول ماوصل الجامعه للمعهد ؟

[طالبه ثانوي .,]

ماقصروا طلاب العلمي ..

هذا ايميل مدير الجامعه

almodyr@kau.edu.sa
اشتكوا فيه يابنات
لازم 200 رسالة توصله
عشان ينتبه للمشكلة ويحاول يحل مشكلة الانجليش

[جنى الشريف]

انا مو في جده ولا كان جيت معاكم بس بساعدكم باللي اقدر عليه برج اهله بالرسايل وبدور احد يكلم الاخ اللي ما يتسمى ..