بخصوص مادة حرة

[أحب المساعدة]

حبيباتي الله يسعدكم افيدوني في هذه المادة كمادة حرة فقة العبادات (1) isls 231 3 12,30 -2ح- ل la منيرة المريطب كيف المادة في الاختبارات و الواجبات و الاهم طبعا الدرجات و الحضور و الغياب الله يوفق من تفيدنا بالسعادة في الدارين اللهم امين وان يرزقها رب العباد بكل ما تتماه اللهم امين

نبراس النسيج


حبيبتي
الاختبارات .. دوري 1 و دوري 2 ونهائي
طبعا الاسئلة موضوعية
يحتاج تركزي في الاسئلة لانه الفقه يحتاج تركيز
ممكن كلمه وحده تخبص العبارة
بس عموما د/منيرة ماتجيب الا من شرحها
يعني لا تذاكري الا من شرحها
لانه الكتاب كلامه كثير
واحلى شيء فيها محاضرتها مممممممممتعة
يعني ان ركزتي معاها في المحاضرة مايحتاج يوم الاختبار الا تثبيت المعلومة بس


الواجبات .. تطلب منك اي نشاط انتي تختاريه وعليه 10 درجات على ما أظن
إما انه تعملي عرض بور
أو تشاركي في لجنة التوعية أو أي لجنة دعوية أو تحفيظ قرآن لمدة ساعات محددة
أو فكرة دعوية جديدة
أو ميداليات تسبيح وذكر وإستغفار
أي شيء له فايدة سواء شيء محسوس زي الميداليات أو شيء أنتي تسويه وتقولي لها عليه زي تحفيظ القرآن
هي تحب الافكار الجديدة
يعني من ناحية الواجبات ماعندها غير هذا التكليف وجدا مممممممممتع
ما تلزمك بشيء معين ومتساهله في درجة النشاط

الحضور و الغياب .. ما عندها درجات على الحضور و الغياب بس تحضر عشان الحرمان
وايامنا كانت تعطي بونس للي ماغابت ولا محاضرة
طبعا ما تقول انها حتعطي بونس الا في نهاية الترم
عشان لا يحرصوا البنات على الحضور للبونس ويضيع اجرهم
عموما انتي لو حضرتي محاضرتين معها حتستمتعي بمحاضرتها وماحتفوتي ولا محاضرة


هذه اجابات لتساؤلاتك
^ـ^


وإذا عندك اي سؤال انا جاهزة




شوفي حبيبتي هذه المادة راح تستفيدي منها كثييييييييييييييييييييييير
والله الا الآن وانا ادعيلها كانت معلوماتها مهمة وسهلة وتعطيك الزبدة
وتفهمك دينك و عباداتك صح

بس كمادة حره فقه السيرة اسهل لانها تتكلم عن الرسول عليه الصلاة والسلام


انا قلت لك عشان ما تقولي ما اتممت نصيحتك على الوجه المطلوب
كل مادة ولها ميزاتها
بس انا لو خيروني بين السيرة و العبادات
طبعا حاختار العبادات
لانه يفيدني في حياتي كثيييييييييير لانه يتكلم عن الطهارة في الوضوء والغُسل مالحيض ... والصلاة سواء الكسوف أو الجنازة أو الجمعة أو العيدين ... و الجنائز وحكم زيارة القبور
والله اشياء نحتاج نعرف زبدة خلافات العلماء فيها عشان نعبد ربنا على علم



اعذريني طولت عليك
بس حبيت افيدك قدر المستطاع


موفقه حبيبتي
^ـ^