ارجو مساعدتي بخصوص التسجيل

[ndooooo]

وش اللي اكتبه في نوع الاختبار اللي هو اختبار اللغه ...والدرجة وتاريخ الاختبار ثانيا بخصوص الهويه انا كتبت رقم السجل المدني حقي لان ما عندي بطاقة ونوعها كتبت بطاقة احوال طيب تاريخ الاصدار وش اللي اكتبه . ثالثا التعليم الجامعي كتبت كلية التربية طيب الكليه والقسم وش اللي اكتبه بليززززززززز ردو

[ndooooo]

وكمان انا معلمة بمدجرسة حكومية اكتب في خانة جهة العمل وزارة التربية والتعليم صحيح ولا وش اللي اكتبه

[وطن KSA]

وش اللي اكتبه في نوع الاختبار اللي هو اختبار اللغه ...والدرجة وتاريخ الاختبار
اتركيها فاضية ..

بخصوص الهويه انا كتبت رقم السجل المدني حقي لان ما عندي بطاقة ونوعها كتبت بطاقة احوال طيب تاريخ الاصدار وش اللي اكتبه

اذا ماعندك بطاقة أحوال..
اكتبي السجل المدني حقك ونوع الهوية اختاري بطاقة عائلة
بالنسبة لتاريخ الإصدار
اذا بتقدمين بكرت العائلة حق الوالد أو زوجك اذا كنتي متزوجة عندك فوق في بداية الكرت على اليمين تاريخ الإصدار هذا سجليه في استمارة التسجيل
ثالثا التعليم الجامعي كتبت كلية التربية طيب الكليه والقسم وش اللي اكتبه بليززززززززز ردو
يااختي سجلي اسم الكلية والقسم اللي متخرجة منه وبرضه التخصص مثلاً القسم فيزياء والتخصص فيزياء
لان في بعض الأقسام لها تخصصات دقيقة تحت مسمى التخصص العام زي مثلاً قسم الأحياء عندهم ثلاث تخصصات أحياء دقيقة وحيوان ونبات عشان كذا طالبة الأحياء تعبي القسم احياء والتخصص تكتب واحد من الثلاثة التخصصات هذي
انا وضحت لك بالتفصيل لأني ما اأعرف وش تخصصك بالضبط
وكمان انا معلمة بمدرسة حكومية اكتب في خانة جهة العمل وزارة التربية والتعليم صحيح ولا وش اللي اكتبه
صح عليك أكتبي وزارة التربية والتعليم ..
بس ترى لازم تجيبين موافقة من جهة عملك بالتفرغ لدراسة الماجستير لأنه صباحي ..

ان شاء الله اتضحت الرؤيا ..
موفقة لكل خير