مجموعة قصايد الشاعر((دايم السيف))

[احبك لو تجافيني]

السلام عليكم ورحمه الله وبركاته

اخواني واخواتي

اليوم جايب لكم مجموعة قصايد للشاعر الكبير ((خالد الفيصل ))

وحاب اجمع قصايد الشاعر كلها في ذا الموضوع

واللي عنده قصيده مو موجوده ضمن هالقصايد يرد فيها



(غـريـب والله)

غـريـب والله يـا حبيبـي هـوانـا

نستعذب الأشواق ما نطفـي الشـوق

شـوقـي وشوقـك هايمٍ في سمانـا

في ناظري حيره وفي ناظرك مـوق

نطـرد سرابٍ في صحاري ظـمانا

لا فيـه ميـرادٍ ولا حاصـلٍ ذوق

يـومٍ يـبعّدنـا ويـومٍ دعـانـا

ويـوم يلبّسنا خيال الهـوى طـوق

طيـفٍ يرغّـبنـا وطيـفٍ نهـانـا

فوق الثرى نمشي وحلم الهوى فوق

خيالنـا من كـل نبعٍ سقـانـا

وأيامنا تسوق عبراتنـا سـوق

ميعادنـا عند التمنّـي نسانـا

وظروفنا تزرع على دربنا عوق

________________________________________
فدوة عيونك

فدوة عيونك لو غدت روح مغليك
وش عاد لوراحت لعينك عشاير
ابيع مايغلى على الكون واشريك
واسوق لى جتنى علومك بشاير
وازعل جميع الناس بالحيل وارضيك
واصبر ولودارت على الدواير
وآخذ من ايامي لك ايام واعطيك
وان راح عمري لك فلا هو خساير
____________________________
كل مانسنس

كلما نسنس من الغربي هبوب حمل النسمة سلام

وان لمحت سهيل في عرض الجنوب .. عانق رموز الغرام

لك حبيب ما نسا .. كلمته دايم عسى

اطلب الله وارتجيه .. صبح يومي والمسا

كل زين اشهاده وانتم بعيد منوتي ليتك معي

وان سهرت الليل اهوجس بك واعيد هل لاجلك مدمعي

وانت هاجس خاطري .. وانت فرحة ناظري

يا قريب ويا بعيد .. فيك امس وحاضري

نشوتك تلعب مع قطر المطر .. وانتشى قطره معك

والسحاب يطاردك بين الشجر خالق الزين ابدعك

الندى في وجنتك .. صار عطر بلمستك

والهوى غنى طرب .. تستثيره بسمتك

كلما ضمت عيوني منك طيف يا بعد كل الطيوف

قلت ما مثلك على الدنيا وصيف لا حشا مالك وصوف

لا سحاب ولا مطر .. لا نسيم ولا زهر ..

لا طيور ولا زهر .. ولا مع باقي البشر ..
لو نسيت

لو نسيت العمر ما انسى دمعتك

صرخة ذابت من عيونك دموع

ترتعش مرتاعة في وجنتك

وانتفض قلبي لها بين الضلوع

أزعجت صمت الليالي عبرتك

بالخفا ثوره وبالظاهر خشوع

تسكب الدمعه وتظمى نظرتك

مشهد النظرة وهي تظمى يروع

يا ضياع العمر ضيعة بسمتك

ضاع معها خافق مثلك جزوع

ليت من يمتص جارح لحظتك

والفرح يشعل دياجيرك شموع

________________________________________
سريت

سريت ليل الهوى لين انبلج نوره

امشي على الجدي وتسامرني القمرا

طعس وغدير وقمر ونجوم منثوره

انفاس نجد بها جرح الدهر يبرا

يا نجد الاحباب لك حدر القمر صوره

طفلة هلال وبنت اربع عشر بدرا

حبيبتي نجد عيني فيك معذوره

معشوقة القلب فيها للنظر سحرا

فضة شعاع القمر في نجد مسحوره

من شاف لمع قمر في خدة سمرا
______
طال السفر

والمنتظر مل صبره

والشوق يا محبوب في ناظري شاب

رد النظر

خليت بالكف جمره

سعيرها في داخل القلب شباب

عز الخبر

والمهتوي ضاق صدره

يا من يرد العلم عن هاك الأحباب

طيفه عبر

ما أرسل مع الطيف عذره

هو خاطره من لوعتي ما بعد طاب

هو ما ذكر

أن الجفا فيه كسره

للخافق اللي من هوى صاحبه ذاب

يا ما سهر

طرفي على حبس عبره

اردها والوجد للدمع جذاب

دمعٍ حدر

جاله على المنع جسره

عظيم وجدي للدمع شرع الباب

يوم وشهر

عزاه والعمر مره

والناس واجد لكن الولف غلاب
7
7
7
اح ـــبك لو تجافيني

[ستأتي أيامي]

مجهود أكثر من رائع ..
إحساسه مرهف جدا
سريت .. طال السفر..>>> إبدااااااااااااااااااااااااااااااااااااااااااااااا ع
همسة ..
[color="white"]نشوتك تلعب مع قطر المطر .. وانتشى قطره معك
قرأتها نُشُوتَك يعني زي ما نشوت الكورة هههههههههههههههههههههههههههههه
من الحماس للمباراة اليوم خخخخخ..[/color]
أكرر إعجابي بمجهودك ..