ساعدووووووووووووووووووووووني

[حياتي؟؟؟]

السلام عليكم

تكفون الي عندها شرح للريدنق102 حق استخدام النقطه والفاصله........الخ تحطو ليا ضروووووووووري

[بليغ حمدي]

النقطة تكون بعد الجملة التامة.. يعني بين جملة وجملة
الفاصلة تكون في نفس الجملة نحطها عشان نفصل بين اجزاء الجملة او لمن يكون في تعداد زي في الكتاب
ص92 people use e-mail to communicate with the families ,friends,co-wokers.
كان زي التعداد قمنا فصلنا بين أجزاه... بين familes , friends, co-workers
او نحطها لمن يكون عندنا عدد عشان يسهلنا قرأته
....
question mark ؟؟ تنحط بعد السؤال...اذا مانتي قادرة تطلعين السؤال ركزي ع الكلمة الاولى
اذا كانت وحدة من WH-word زي (what-where.. وطقتهم) او How-Who
او ابتدأت الجملة بـ Is-Are-Am
معناته سؤال تقومين تحطين علامة الاستفهام بعدها
colon:فاصلة منقوطة ..غالبا لمن يكون عندنا قائمة بأشياء ونبغا نقولها زي بالعربي مثلا
مواد طلاب السنة التحضيرية:انجليزي,عربي,رياضيات..
semicolon ; لمن يكون في جملتين منفصلة لكنها متشابهة نقوم نستخدم النوع هذا من الفواصل
ترجمتها الحرفية بالعربي (نص النقطتين الرأسيتين) لانها بين النقطة والفاصلة
زي مثال الكتاب ص93 رقم 5 قدام القاعدة تلاقينه ترجمته
في 1971,راي تاملسون كتب أول ايميل ; وفي 2001, 9ز8 بليون ايميل كانوا ينرسلون في اليوم الواحد.
هذي جملتين مختلفة مو جملة وحدة وفي نفس الوقت معناها متشابه
يعني لو مكانت معانيها متشابهه كان حطينا نقطة بعد كل وحدة جملة
ولو كانت كلها جملة وحدة كان حطينا بينهم فاصلة.
quotation marks " " تنحط لمن نبغا نقتبس كلام احد حتلاقين غالبا قبلها كلمة said
او تستخدم في الكلمات اللي ممكن القارئ مايفهمها زي في مثال الكتاب مكتوب "emoticons" الكلمة هذي اصلا مالها معنى غالبا بس هي دمج بين كلمتين emotion و icon الرموز التعبيرية
بس لاتشيلين همها كثير حتلاقينها تجي في الكلمات الغريبة ان شاء الله مايجيبون كلمات من بره الكتاب عليها
.........
apostrophe نستخدمها للدلالة ع الملكية
مثال Ahmad'book
او لمن نبغا نختصر مثال you will= you'll
do not=don't..is not=isn't
are not=aren't
................
parentheses تجي لمن يكون عندنا كلمة في الجملة ونبغا نوضحها مثال i went to bab makkah ( bab makkah - an old part of jeddah)yesterday
ترجمة الجملة انا رحت لباب مكة ( باب مكة- منطقة قديمة في جدة ) امس << لاتتريقين على جملتي خخ
تنحط للمعلومات اللي ممكن الواحد مايعرفها يعني لو في اجنبي وقرأ الجملة ذي ماحيعرف باب مكة وكذا يعني خخ
احسني بلحطة انا وشرحي
ماعلينا مابغا احطم نفسي على اخر شي :D نكمل
exclamation point ! علامة التعجب تستخدم بعد نهاية الجملة لمن يكون اخر الجملة شي امم له علاقة بالمشاعر
دورتلك على اغنية عربية عشان اشرح عليها مالقيت شي يمشي مع العلامة خخ
مثلا زي he is so happy ! << على فكرة العلامة كان مفروض تجي بعد happy بس ماعرفت اجيبها بعدها
وكذا يعني
وصلى الله وبارك

[حياتي؟؟؟]

مشكوووووووووووووووووور ربي يوفقك دنيا واخره ماقصرت ياخوي.بس معلللللليش لو عندك شرح للريدنق كلو الي معانا حطلي هوا معليش بتعبك بس توقعت الباقي سهل وذحين لمن جيت اذاكرو شويه مافهمتو

[بليغ حمدي]

ايوة الله يجزاكي خير اكثر شي احتاجه الدعوة
من عيوني
واختك على فكرة مو اخوكي
اخاف تدعيلي كذا وماتوصل الدعوة خخ

[بليغ حمدي]

وعلى فكرة حل اسئلة الدكتور
هذي اسئلة دكتور المادة عطاها الطلاب
وهم الله يجزاهم خير نزلوها

[حياتي؟؟؟]

مشكوره اختي وربي يوفقك وتحولي انتظام