حل وشرح بسيط لأسئلة (النسبة) (الزكاة) (الميراث) سههههل

[azoz samba]

بخصوص مو ضوع النسبـــــة :

اذا جاك أي سؤال للنسبة :

يتقاضى موظف راتب شهريا قدره 8000 يصرف منها 6000 ويوفر الباقي

اوجدي نسبة ما يصرفه في الشهر الى راتبه الشهري


اقرأي السؤال تلقين الاجابة فيه ! ! !

مثلآ في السؤال اللي فوق يقولك : أوجدي نسبة ما يصرفه بالشهر الى راتبه الشهر

يعني : مايصرفة بالشهر (قسمة) راتبه الشهري

جاك سؤال مثلآ أوجدي نسبة السيارة على الطيارة

يعني : السيارة (قسمة) الطيارة

سؤال أوجدي نسبة الهند على الصيـــن

يعني : الهند (قسمة) الصيــن

................

واحيانآ يطلب منك النسبة بطريقة ثانية :

بأعطيك القوانين بطريقة سهله وانتي بس عليك انك تعوضين بالسؤال فقط ! !


اذا جاك سؤال يطلب النسبة المؤية ((( ولقيتي السؤال بصيغة كسر )))

على طول يا بطلـــه بعمتنــا الآلـــه الحاسبة تاخذين الكسر اللي بالسؤال وتضربية في 100% .. وتطلع لك الاجابة

..........

واذا جا سؤال يطلب أوجدي النسبة المؤية للمكسب أو الربح أو الخسارة . . .

الحـــل : المكسب أو الربح و الخسارة (قسمـــــــــــــة) قيمة الشـــــــراء (ضـــرب) 100%

................

وآخر شي اذا جا سؤال يقول أوجدي النسبة المؤية لشئ مـــا (يعني أي شي إن شاء الله جني أو عفريــت ) ...

الحـــل : الشئ او الجنـــــــي أو عفريــــت (قسمـــة) المجموع (ضـــرب) 100%


وكل الاسئلــــة تعوضين فقط بالأستاذة الآلـــة الحاسبة اللي معك ....

يا نااااااااااااااااس سؤال الزكـــــاة اذا جا في الاختبـــار معناته هدية منهم لك !! !

أي سؤال تلقين فيه ما مقدار الزكـــــاة ! !

الحـــل : على طول وانتي مغمضه بدون ما تكملين السؤال .....
تضربين المبلغ في 1\40 ........ او بطريقة أسهل المبلغ (قسمة) 40 ... وتطلع الاجابة

مثــــــال:
ما مقدار الزكاة على مبلغ 5600 ريال ومضى عليه الحول هو :
A. 140 b.180 c.200 d.120

الحل:

المبلغ ( قسمة ) 40 = 5600 (قسمة) 40 = 140 ريال

* الرقم اللي نقسم عليه (40) هو دائمآ ثابن ما يتغير يا بنات *

*

طيب والحين بخصوص موضوع الميراث .... موضوع سهل وتافه جدآ

راح يجي السؤال يقولك :

اذا توفى رجل وترك ميراث قدره 13000 ريال , وترك زوجة و أم وأب وابن وثلاثة بنات , (((( فإن نصيب الأم هو ))))

.....
أو
......
اذا توفة أمرأه وتركت ميراث قدره 15000 ريال , وتركت زوج و أم وأب وابن وثلاثة بنات , (((( فإن نصيب الزوج هو ))))

يا بنااااااات :

اذا طلب نصيب الزوجه تقسمين المبلـــغ (( الميراث)) على 8

اذا طلب نصيب الأم أو الأب تقسمين المبلغ((الميراث)) على 6

اذا طلب نصيب الزوج تقسمين المبلغ (( الميراث )) على 4

وبـــــــــــــــس

أتمنى ان شرحي للموضوع كان بسيط و أن المعلومة وصلت بسهولة ......


تحياتي للجميع .... والله يوفقكم يا رب

عزوز

[ساعدوني رايكم يهمني]

مشكووووووور

صحيح هي اسهل شي الحمدلله

[naholh]

يعطيك العافيه سهلتها مررررررره الله يوفقك يارب

[فتاه تحت ضوء القمر]

شكرا ياعزوووووور
اما الجني والعفريت بسم الله عليه مالقيت شي ثاني غيره

[r_r]

الله يعطيك العافيه
الف شككككككككككككككككر
جت بوقتها

[ساعدوني رايكم يهمني]

المشاركة الأصلية كتبت بواسطة فتاه تحت ضوء القمر شكرا ياعزوووووور اما الجني والعفريت بسم الله عليه مالقيت شي ثاني غيره

ياشيخه تغيير جو بدل الرياضيات

[فاقده امل الانتظام]

انا الفرايض والمواريث خلاص خبره سنه كامله فيها فحطنا الين ماقلنا خلاااااص هههههههههههههه مررره ذا القسم مافتحته احلى شي انه جابوه في الرياضيات
ويسلموووو ع الشرح الرائع

[м ί ş н 3 ι ¬]

انصحكم تركزو على الربح والخسارة ومعدل الزياده بالراتب جات عليها سؤالين والله خبصت فيها خخخخخخ


والله يعطيك العافيه ع الافاده

[azoz samba]

بالتوفيق للجميع يا رب ...............

واي شي غير مفهوم او ما وصلة المعلومه علموني وراح اعيد واشرح اكثر .....

تحياتي
عزوز