محبطة جدا جدا جدا آآآآآآآآآآآه بس

[Mr.Ambitious]

لو تحلمي بطب الاسنان او ما تفكري تدرسي غيرو

عادي وخير يا طير لو عدتي السنة وراحت سنة ع الفاضي

تتعوض السنة دي بالاترام الصيفية

دا مستقبلك سنة تروح ولا عمر يروح

انا ريحت سنة واستفدت منها انقلش لاني لمن اتخرجت كنت عارف اني ماحفلح وما اعرف انقليزي

واللي ينصحك تستمري تحصليهم درجاتهم عالية مو عارفين شعورك

معاكي الين 16 | 7 لو حابة تسحبي ملفك

وبالخبرة اللي اخدتيها من دي السنة حتستفيدي منها

وتقدري من خبرتك تجيبي معدل عالي السنة الجاية و تدخلي الدينستري

او براحتك كملي وحتلاقي نفسك بتخصص تكرفي فيه 4 سنين وبالاخر لا معدل ولا بواسطة تحصلي وظيفة

دا رأيي ونصيحتي ليها واتمنى تتقبلوه

وشكرا

[A.r.s]

مو معقولة تكوني مهزوزه لهذه الدرجة

ماراح من عمرك الشي الكثير لكن انتي تعرفي ايش ميولك ؟؟؟
اذا كنت تعشقي طب الأسنان نصيحتي تخشي تخصص يمديك تحولي منو
لأن التسجيل لإختبار التحصيلي قفل .
اهم شي لاتنسي تصلي في الليل وتدعي والله ميخيب احد .

[لآرين~]

سلام
اولا يعطيكم العافيه يارب على الردود والله يوفقكم دنيا واخره
ثانيا مو مرره ميتة على طب الاسنان ...بس كان واحد من طموحاتي
بس اهم شي اني ابغا اتخصص في مجال طبي
يعني يكون شغلي في المستشفيات
هاذا ميوولي
ويارب يكتبلي الي فيه الخير >>>ادعوولي

آآآآآآآه ياحزني >>>يارب عوضني
اختكم :لارين

[sarona sweet]

السلام عليكم ورحمة الله وبركاته يا اختي الغالية

اول حاجة أبغى أقول لك حاجة بسيطة عني...الله يسلمك أنا في الثانوية ما كنت أنتازل عن الإمتياز وأعتبر من البنات الممتازات

وفي ثالث ثالث ثانوي أخذت 98 ومن العشر الأوائل...

و روحت للجامعة وقلت أكيد أنا ماراح أتنازل عن 90 درجة وعن المعدل 5

وكل إختبار مذاكرة وسهر وتوتر وشدة أعصاب وفوق هذا اكتر شيء أجيبه 21
طيب الواحد إيش يسوي اخذنا بالأسباب وتوكلنا على مسبب الأسباب وربي أراد لنا شيء معين والحمدلله على كل حال...

إنتي يا عسولة باين عليك بنوتة شطورة والشاطر لازم تحصل له لحظة سقوط في حياته
إنتي داحينت شوفي إيش هيا السلبيات و حوليها إلى إجابيات وتوكلي على ربك

حكاية إنك تسحبي مرررررررره لا...يعني لو سحبت وجلست في البيت سنة كاملة حتوقلي يا ليتني كملت أحسن لي خدي الإحصاء ترم صيفي وأخلصي منه وإن شاء الله حتكون نفسيتك احسن في الإجازة...

وإذا على طب أسنان ربي ماأردا لك هوا وإذا علوم طبية ماهم مشددين مررره في المعدل تبع الدخول للكلية إن الله ربي يسهل لك وتنقلبي...

غاليتي لك مني خاااااااااالص دعائي لك بالتوفيق والنجاح في الدنيا والأخرة
ولكل بنت تعبت وشدت حليها وحاولت وجاهدت عشان نفسها وعشان أمها وأبوها إن شاء الله ربي يوفق الجميع وكل وحده تدخل التخصص إللي تبغاه

أسعدكم ربي

[لآرين~]

تسلمووالله يوفقكم يارب ~
saroona sweet تسلمي ياحياتي والله يوفقك ياارب