خالي يبغى مساعدتكم ياهل جده ومتأمل فيكم

[طالب الرضا]

بسم الله الرحمن

الحمد لله والصلاة والسلام على اشرف الانبياء والمرسلين نبينا محمد وعلى آاله وصحبه وسلم تسليما كثيرا الى يوم الدين امــــــــــــــــــــــــــــــــــ بعد ــــــــــــــــــــــــــــــــــــــآ

كيف حالكم ياآهل جده عسآكم بخير

معكم اخوكم في الله طالب الرضا من الخرج طالب في جامعة الخرج مستوى اول قسم القانون وابشركم نجحت ومعدل فوق الاربعه ولله الحمد والمنه

في يوم من الايام جالسين احنا ونسولف مع خوالي عن الدراسه الا ويجيك خالي ويشور على خال الثاني ليه ما تدرس جامعه وتصير جامعي قال قدام ياولد وهذا خالي طموح جدا جدا جدا ويبغى يوصل لا اعلي شي مهما كانت الظروف واي شي يعيقه قال طالبك ياولد اختي الي هو انا قلت سم قال تكفى ابيك تسجلني بجامعة الملك عبدالعزيز شي يقاله انتساب ويبي قسم علوم اداريه عاد قلت مالي الا اهل جده اهل الرخا والشده وابيكم تجاوبون على ذي الاسئله طالبا من الله الي يرد ويجاوب علي ان الله يرزقه بأعلى معدل واعلى نسبه يارب ياكريم والي ما يجاوب .... خخ العب عليكم بس طاليكم جاوبوا علي وفرحوا خالي المسكين والاسئله هي كالتالي :-
س1 _ وش معنى انتساب وهل لازم ادرس بجده ؟
س2_ كم مدة الدراسه ؟ وهل فيه مكافآه ؟
س3_ وشهي المواد الي ادرسها وهل اقدر اختار علوم اداريه علطول وادرسها ؟
س4 _ عمر خالي فوق ال45 عادي يدرس ؟
س5 _ والله ماادري وش بعد لكن اي معلومه تخص الانتساب او طريقه نفس الانتساب لان انا ما اعرف فيه شي ابدا ابدا ابدا تكفون تكفون عطوني اياها
س6_ تاريخ التسجيل متى واخر موعد للتسجيل ماهي المتطلبات للتسجيل وهل اقدر اسجل عن طريق النت موقع الجامعه او لازم حضوري

تكفون اذا باقي شي ماكتبته ذكروني فيه الله يجزاكم خير ويوفقكم راجيا من الله ان اجد اجابه افرح بها خالي والصلاة والسلام على اشرف الانبياء والمرسليييييين

[ابومشخص]

س1 _ وش معنى انتساب وهل لازم ادرس بجده ؟

الانتساب ياطويل العمر تدرس في بيتكم وتجي الاختبارات فقط مافي فصول ولا في شي بس كل 6 شهور تعال اختبر

س2_ كم مدة الدراسه ؟ وهل فيه مكافآه ؟


مدة الدراسه 4 سنين ومافيه مكافأه تدفع عن كل ترم 6 شهور تدفع 3 الاف ريال واصحاب الاحتياجات الخاصه يسقطون عنهم الرسوم

س3_ وشهي المواد الي ادرسها وهل اقدر اختار علوم اداريه علطول وادرسها ؟


اول سنه تحضيريه مجموعة مواد اجباريه وسهله جدا
ومن السنه الثانية تختار اداريه او غيره اللي لك رغبه فيه
س4 _ عمر خالي فوق ال45 عادي يدرس ؟



فيه ناس اختبرو معي ظنتي انهم اكبر بعد بس لها طريقه مانيب اعرفها جرب راجع الادارة لو بالتلفون استفسار
س5 _ والله ماادري وش بعد لكن اي معلومه تخص الانتساب او طريقه نفس الانتساب لان انا ما اعرف فيه شي ابدا ابدا ابدا تكفون تكفون عطوني اياها



تسجل عن طريق موقع الجامعه وبالموقع تلقا كل البيانات اللي تحتاجها


س6_ تاريخ التسجيل متى واخر موعد للتسجيل ماهي المتطلبات للتسجيل وهل اقدر اسجل عن طريق النت موقع الجامعه او لازم حضوري



التسجيل على النت والله العالم انه مفتوح الحين مافيه حضور كل شي بالنت

[(CHELSEA)]

ما قصر اخوي ( ابو مشخص ) كفى ووفى عطاك العلم كله ..