مين بتروح وترجع من الجامعة وما عندها صديقات؟!

[حنين الود]

اولا ..الموضوع مره جنآن الشي التآني أتوقع كل البنآت يمروآ أو مروآ بالشي دآ مآدري إيش إسمو بس هوآ مشكله في التوآصل يجينآ من عقده تعقدنآهآ أو موقف مر بينآ ويأثر على نفسيآتنآ..زيك مثلا يآيسوم الموقف إلي تكلمتي عنو لسسسى مأثر في نفسيتك وبآين عليكي وحده طيبه بالمره , بس برضو البنت القويه تحآول تتعدى المشكله بأقل ضرر وتخلي الشي دآ مآيأثر على نفسيتك وعبري عن الغضب الي جوآتك بأي طريقه مو تسكتي وتجآملي وتصآفحي ومدري إيش لأن الأشكآل دي مآينفع معآهم الكلآم دآ عبري بأي شي بينيلهم إنك فآهمة ولآتخليهم يفرحوآ برجوعك لأنهم لمآ يفرحوآ يحسبوكي تنسي وكل شي إنتهى لآزم يعرفوآ الغلط بحق النآس أبدآ مايتعوض لأنهم بتفكيرهم الغبي بس يستغلوآ وبسس بينيلهم إنك رآجعة لهم بس عشآن (ربنآ) وبس والمفروض محد يسمحلهم يستغلوه أبدآويفهموآ إنو لو أنا أعطيكي شي إيوه لأني أنا كريمه مو لأنك ذكيه وعرفتي تطلبيني كويس أو تضحكي عليه ..فيه مقولة لعمر بن الخطآب رضي الله عنه يقول لست بالخب ولا الخب يخدعني ..يعني أنا مو غبي بس كمآن الغبي مايقدر يضحك عليه ويخدعني ..بصرآحه في بنآت في قسمنآ مصلحجيآت بطريقه عجيبه يعني يآخدوآ وبس ..وشي إسمو عطآء في قآموسهم إنسيه ..وأكيد وأنا بقول الكلآم دآ تفتكروآ وجوه وأشكآل معينه مرت عليكم
يحبوآ بس يآخدوآ ويطلبوآ وبسسسس.. وزي مآقآلت ام حمدآن الأشكال الغبيه دي معروفه من شكلها ..لأنو طمع وحب الدنيا سبحآن الله يبآن فيهم ..
النوع التآني الي يصآحبوآ البنت على أسآس المظهر والشكل ..برضو أحسهم نآس أغبيآء بجد لأنهم يبحثوآ عن الشكل وبسس ..وتقدر البنت تميزهم بسسهوووولة ..ودولآ مسآكين بجد مسآآآآكييين ..
من نآحيه الكلآم على المظهر المظهر والشكل أكيد مهم ويعطي الإنطبآع الأول للشخص ..وهو أهم إنطبآع بصرآحة مو يعني نجي الجآمعة مكيآج كآمل وعفآنه على الوجه كأنها لوحه رسم ولا العطر قوي ويزعج العآلم لأ ..بس شكل مرتب ونظيف ومحترم ..
انا ماعندي مشكله اتعرف على بنآت وتصير صدآقآت بس المشكله زي مآقآلت بسوم مآ أحسهم صديقآت مررره ..بس أنا عندي تعبير خآص في الحآله الي أمر فيهآ يعني مو الصديقآت الي أنا أحتآجهم أو أنآ أبحث عنهم في حيآتي بس مآأهتم بالمشكله دي وأطنشهآ وانشغل بشي تآني..بس على العكس أختي مثلا طيبه وأخلاقها كويسه بس مشكلتها صحبآتهآ كآنوآ كلهم من الشكل وآآآو بس بصرآحه تحسي فيهم كمية سذآجة مو طبيعيه شي حلو وفآآآآرغ مآفيه ثقآفه أو شي كويس ..لمآ دخلت إنجليزي وإنشغلت فيه بدت تبعد عنهم الحمدلله ..بس عندهآ مشكله أشوفها مو بسيطه مآتقدر تطلب أحد ولآشي ولآتقدر تتوآصل مع أي بنت ويبدأ الترم وينتهي مآعندها رقم ولا إيميل ولآبنت ومآتحب تطلب البنآت أي شي ولآ أي مسآعده..مع إنو مره حبوبه وخفيفه دم بس لمآ أشوفها في الجامعة شي تآني وشخصيه تآنيه بالمره..وبالنسبة للطآلبآت والصدآقآت منskauu فيه بنآت تعرفت عليهم من المنتدى بالصدفه ..وأحسهم مره عسولات بس برضو صدآقه وحب في الله مو زي الصدآقه الي أنا اتمنآهآ يعني تكون زي اختك وتقوليلها همومك بس حبوبآت وأفتخر بصدآقآتهم ..
يسوم تفتكري لمآ تكلمنآ قبل الصيفي وسألتيني لو أنا عندي صيفي أو لأ والله العظيم كان نفسي يكون وحده من الموآد الي بقيت لي في الصيف عشآن أخدها ونتسلى ونذآكر مع بعض بمآ إنو حيكون أخر ترم لكي في الجآمعة بسلآمتك ..
فيه كلآم كتيييير نفسي أقوله بس أخاف يشيلوآ الإشرآف من كتر كلآمي

[wed0o0]

المشاركة الأصلية كتبت بواسطة حنين الود ..بس عندهآ مشكله أشوفها مو بسيطه مآتقدر تطلب أحد ولآشي ولآتقدر تتوآصل مع أي بنت ويبدأ الترم وينتهي مآعندها رقم ولا إيميل ولآبنت ومآتحب تطلب البنآت أي شي ولآ أي مسآعده..مع إنو مره حبوبه وخفيفه دم بس لمآ أشوفها في الجامعة شي تآني وشخصيه تآنيه بالمره.

يوووووووووووووووه تصدقي حسبت نفسي اختك!