َqqqqأسعله وودي اجوبه لهم!!qqqq

[Dr~NanoOok]

q اش اسماء كتب سنه2؟؟

تقريبا ما حتحتاجوا تشتروا كتب.. أغلبها من الشيتات اللي حيعطوكم هيا الدكاترة
واذا مررررره يعني تقدروا تصوروا الجزئية اللي تبغوها من الكتاب

نصيحة مني
كتبي حقت سنة ثانية ما استفدت منها "^^
وياليتني وفّرت فلوسها في كتب التخصص الأسنانية اللي ححتاجها على مر السنوات

<< على فكرة كتب الطب أسعارها تتراوح مابين 150 ريال إلى 500-800 ريال

لكن في كتب مهمة لازم تشتروها.. وهي عبارة عن كتب مبسطة
من اصدار نفس جامعتنا ودكاترتها
وكانت للمواد التالية Histology - Embryology
وبالنسبة لأسمائها فحيعطوكم هيا الدكاترة
أو أسألي د.مزاج امكن عنده الأسماء

لأن كتبي مو موجودة عندي دحين

qلازم نداوم باللبس من اول يوم؟؟

لا.. المهم تجوا باللاب كوت
وتحته البسوا بنطلون أو تنورة ما فرقت
والكلية حتقولكم على السكرب والزي
وامكن حيفرولكم هي بسعر أرخص
<< ذكرت التفصيل حقتها بموضوعي بالقسم

q ومتى حتبدا الدراسه الفعليه؟؟بعد المدارس بأسبوع ولا زي التحضيري مع المدارس؟؟

حنبدأ معاهم بالضبط
يوم 16 شوال
<< خلااااااص ما في دلع زي التحضيري والجامعة التانية
هناك أول اسبوع عندهم لعب وحق حذف واضافة
أما احنا لأ .. الجدول جاهز وثابت من الشؤوون الطلابية

وامكن من أول يوم حتبدأوا محاضرات.. فلازم تحضروا