مساعدة بخصوص الماجستير التنفيذي رجاء

[واحد هادي]

المشاركة الأصلية كتبت بواسطة meme_3223 ...........

ألف ألف شكر وماقصرتي أختي الكريمة

[تشيدام]

اخي الكريم بالنسبة لي
اشتريت كتاب القدرات للطلاب التدريبي وكتاب الامين وذاكرتهم خصوصا حل المسائل الرياضية
بالاضافة الاطلاع على موقع على النت تجميع اسئلة القدرات ولله الحمد حصلت على 76 بالتوفيق ان شاء الله

[واحد هادي]

السلام عليكم ورحمة الله

أولا أشكركم جميعا على التعاون الرائع والمجهود الجبار خاااااااااااصة من الأخت ميمي

الان في مشكله جديدة وياليت أسمع نصيحتكم ورأيكم يااااااااااااااااااااااليت وأرجوكم تعطوني نصيحتكم مو تقولو مثل ماتحب

أولا... أنا سجلت في اختبار القدرات ان شاء الله يوم الأحد القادم... واختبار الانجليزي يوم الأربعاء... راح أدخل عمياني لانه مافي أي شي أذاكر منه ولو ان أخي الغالي مووج وعدني انه يقابلني ويعطيني ملفات تساعدني لكن للأسف الظاهر انه اشنغل والله يكون بعونه وعوننا جميعا... كذلك طلبت الكتاب من المؤلف وان شاء الله يوصلني وأجلس اذاكر فيه الين وقت الاختبار الثاني ولو في مجال ادخل مره ثالثه ماراح أقول لا عشان اجيب اعلى درجه ممكنه... ايش رأيكم؟؟؟

ثانيا... أنا معاي دبلوم الكلية التقنية هندسة انتاج... كذلك معاي بكالوريس تقنية المعلومات والحاسب الالي.... لو فرضنا اني ابغى ادخل ماجستير عادي... انصحوني في أحد الخيارات التالية أرجوكم

1-إدارة الأعمال بالمقررات الدراسية والرسالة
2-إدارة الأعمال بالمقررات الدراسية والمشروع البحثي

الاثنين اللي فوق ايش الفرق بينهم وأي فيهم أسهل

3-الإدارة العامة بالمقررات الدراسية والرسالة
4-الأنظمة بالمقررات الدراسية والرسالة<<< ايش هذا التخصص؟؟؟

5-هندسة الإنتاج وتصميم النظم الميكانيكية بالمقررات الدراسية والرسالة

6-علوم الحاسبات بالمقررات الدراسية والرسالة

أخيرا تحت هذي النقطة... في تخصص اسمه تقنية معلومات ادارية... أحد يعرف وين الاقيه ولا تحت أي كلية؟؟؟


ثالثا... مثل ماقلت من قبل انا دوامي شفتات أو نوبات.. لكن ممكن أحاول أتفق مع إدارتي انه يكون دوامي متبادل بين الصباح والليل... يعني فترة العصر أكون على طوووووول فاضي... هل هذا يكفي؟؟؟ يعني هل أكيد ان كل محاضرات الماجستير في العصر والمساء أم ممكن تجي في الصباح؟؟؟


رابعا... هل هناك تسجيل للماجستير العادي في الترم الثاني ولا كمان لازم أنتظر سنه كاملة؟؟؟

خامسا... بصراحة أنا دفعت تكاليف البكالوريس واللي كانت تقريبا 50 الف ريال ولكن على مدار 4 سنوات وحكاية اني أدفع 88 الف ريال على سنتين راح تكون مره مره مره صعبة... عشان كذا... ممكن أعرف حكاية المنحة كيف تتم وكيف أقدر احصل عليها وكيف أقدم عليها؟؟؟

والله العظيم أنا مره مره اسف للازعاج واني ضايقتكم وتعبتكم معاي بس أنا ضااااايع وما أبغى انتظر الين يجي وقت أقول ياليتني ما تأخرت... مريت بمواقف في حياتي تخليني اجهز من (قبل الهنا بسنه) مثل مايقول المثل

اسف مره أخرى واذا تعرفو طريق أو شخص معين أروح له ويجاوب على كل الأسئلة ويعطيني كل النصائح اللازمة ويساعدني أرجوكم لا تبخلو علي وأنا عارف انكم أهل كرم ومروة

بالتوفيق للجميع

أبو الجود

[moooj]

السلام عليكم ورحمة الله وبركاته

الله ييسر لك أخي وتتوفق في الاختبار

اعتذر بالفعل مشغول اليومين هذي

بخصوص الملفات أبشر بها

انت تقول الاختبار يوم الأحد ، ولهذا ان شاء الله تكون عندك قبلها بوقت كاف

ليس لدي المعلومة الكاملة حول التخصصات التي ذكرت

بخصوص المنحة ليس لها طلب خاص

الفكرة أن خادم الحرمين الشريفين تكفل بدفع رسوم التعليم الموازي للجامعات ( أي البرامج المدفوعة )

يعني التعليم العالي يدفع الرسوم للجامعات بحسب الأعداد المقبولة لديهم وليس هناك تقديم عليها

بحيث عند قبول الطلاب بالبرنامج المدفوع مثل وضعنا الآن ندرس نحن مجاني غير أن البرنامج

مدفوع من التعليم العالي ، بتوجيهات الملك حفظه الله .

بكرة تعرف اسبانيا وألمانيا ولأن لدي بعض الأشغال الأخرى فما أقدر أقول لك نتقابل

يوم الخميس يمكن موعد مناسب .... خليك متابع معنا هنا بالمنتدى عشان نكون على تواصل

ونحدد ساعة معينة يا الخميس يا الجمعة نتقابل ....... وتذكر ستار بكس على الكورنيش بجانب الشيراتون

وفقكم الله تعالى

[تشيدام]

ا- اختبار القدرات بمجرد مذاكره الكتاب وحتصل على درجة طيبة باذن الله
2-اختبار ستيب يعتبر سهل جدا ليس بمستوى التوفل او الايلتس خصوصا لمن كانت دراستهم بالانجلش
3-اظن المشروع البحثي والرسالة خاص بماجستير ادارة الاعمال العام الي دوامه في الصباح وهو مجاني والتقديم عليه كل ترم وهو يختلف عن الماجستير ادارة الاعمال التنفيذي لكن الفرق بينهم اترك لاهل المعرفة (الاستاذ عماد)الاجابة على هذا السؤال وعن الخيارات الاخرى
4-الماجستير الخاص دراسته مسائية من 5 العصر تبدأ اقصد هنا ادراة الاعمال التفيذية بعد الاطلاع على موقعهم وجداولهم الدراسية
5-من ناحية المنحة الملكية ما يحتاج لها تقديم بمجرد تشوف اسمك من ضمن المقبولين في الماجستير الخاص خلاص انت تشملك المنحة .
6- بالتوفيق للجميع والله يجعلنا من المقبولين يارب

[No CoMmEnT]

هلا اخوي ابو جود

انا بعد عندي اختبار يوم الاحد بجامعة الملك عبدالعزيز مبنى 125

انا عني اذاكر من cd رام 1 وكتاب الأمين ونزلتها هنا بالمنتدى

خذها وذاكر منها وان شاء الله بتعين خير

موفق

[No CoMmEnT]

هذا رابط المراجع اخوي

http://www.skaau.com/vb/showthread.php?t=219814

[واحد هادي]

المشاركة الأصلية كتبت بواسطة تشيدام ا- اختبار القدرات بمجرد مذاكره الكتاب وحتصل على درجة طيبة باذن الله 2-اختبار ستيب يعتبر سهل جدا ليس بمستوى التوفل او الايلتس خصوصا لمن كانت دراستهم بالانجلش 3-اظن المشروع البحثي والرسالة خاص بماجستير ادارة الاعمال العام الي دوامه في الصباح وهو مجاني والتقديم عليه كل ترم وهو يختلف عن الماجستير ادارة الاعمال التنفيذي لكن الفرق بينهم اترك لاهل المعرفة (الاستاذ عماد)الاجابة على هذا السؤال وعن الخيارات الاخرى 4-الماجستير الخاص دراسته مسائية من 5 العصر تبدأ اقصد هنا ادراة الاعمال التفيذية بعد الاطلاع على موقعهم وجداولهم الدراسية 5-من ناحية المنحة الملكية ما يحتاج لها تقديم بمجرد تشوف اسمك من ضمن المقبولين في الماجستير الخاص خلاص انت تشملك المنحة . 6- بالتوفيق للجميع والله يجعلنا من المقبولين يارب

ألف ألف ألف شكر اختي الكريمة وماقصرتي على المعلومات الرائعة وجزاك الله كل الخير

[واحد هادي]

المشاركة الأصلية كتبت بواسطة no comment هلا اخوي ابو جود انا بعد عندي اختبار يوم الاحد بجامعة الملك عبدالعزيز مبنى 125 انا عني اذاكر من cd رام 1 وكتاب الأمين ونزلتها هنا بالمنتدى خذها وذاكر منها وان شاء الله بتعين خير موفق

الله يوفقنا جميعا أخي الكريم والاختبار الحمدلله عدى على خير لكن للأسف الى اليوم ماطلعت النتائج لا القدرات ولا الكفايات ولا اي ااااااااااات منهم :)

بالتوفيق

أبو الجود

[عماد الحسن]

موفقين أخي الكريم http://www.skaau.com/vb/member.php?u=54521

ولا داعي للزعل لأنك أديت اللي عليك ... والتوفيق من الله.