من الذي له اهتمام بالقانون

[بحر الحرية]

المشاركة الأصلية كتبت بواسطة abdulaziz_1990 بحر الحرية ، عجبتني فكرة مسجل محاضرات سهل الحمل وخفيف الوزن ، لو عندك خلفية عن شيئ جودته عالية بغض النظر عن السعر ، دلني عليه جزاك الله خيرا .

أهلين يا عبد العزيز..
أنا بصراحة ما قد استخدمتها الفكرة، لكن أخويه لمن كان ف محاضرات الطب، كان يسجل دايما، والجهاز اللي معاه مسجل رقمي جابه من الخارج مو من السعودية، لكن أتوقع إنها موجودة هنا، يمكن تلقاها ف اكسترا أو فروع سوني، وفيه تراا شركات كتير تعمل مسجلات رقمية، بس أهم شي خد حاجة فيها جودة عشان تعيش مكان وبعدين يكون فيها الصوت واضح واللقط قوي،

لكن اللي عند أخويه نوعيته sony icd-ux80.

وما أعرف مميزاته كتير، لكن اللي اعرفه إنه يحولك الصوت لمقطع mb3، ونفس الجهاز مزود بوصلة usb، بحيث إنك تقدر تسحب الملفات على الكمبيوتر.

عنده كمان واحد تاني sony icd-ux70، وكلها له مميزات حلوة، وهياا تقريبن قريبة من بعض.

فيه عندك creative zen plus، بس ما قد جربها، بس يقلي إنه فيه طلاب معاه كانوا بيستخدموها.

إنشاا الله أكون أفدتك، وتراا دي الأجهزة قبل فترة يعني قديمة شوية، يعني دحين أكيد طلعت أطور منها ف المسجلات الرقمية، بس خد الشي اللي تستفيد منه، لأنوو في بعضهاا تجيك غالية وفيها مميزات مره عالية انتاا كطالب جامعي ما تستفيد منها شي.

أتمنى لك التوفيق عزيزي؛؛