70 ألف موظف حكومي غير سعودي في «الصحة» و«التعليم»

[نضال]

اليوم انا حامش على التعليم ..

المشكلة أولا و اخيرا مشكلة اعداد ... صحيح ان اللي اتكلم عنه الراقي موجود ... لكن اذا كنا نتكلم عن 70 الف وظيفة .. فالمشكلة تكاد لا تذكر ...

المشكلة الحقيقية في التأهيل .. من فترة جاني واحد يبغى وظيفة ..

سألته ايش مؤهلاتك ؟؟ ثانوي

فين اشتغلت ؟؟ في محل ملابس ..

ايش دوراتك .. ولا شي ..

طيب .. حاولت اشوف اذا كان دا الشخص عنده مهارات ...

سألته سؤال بسيط جدا .. ايش كنت تعمل في محل الملابس ؟ ايش المهارة اللي اكتسبتها ؟

الجواب كان .. كنا نبيع ملابس ... يعني .. يجونا ناس نبيع لهم ملابس ...

حتى مهارات ما كان فيه ..

أدخل على الشخصية ..

سألته ايش المواقف اللي واجهتك في المحل ؟؟

قالي .. يعني .. كنا نبيع ملابس ..


شخص زي دا .. مافي امل امسكه وظيفه ..

يمكن فيه عجز في اعداد الناس المؤهلة انها تمسك وظايف حكومية .. لكن فيه عجز اكبر لاعداد السعوديين اللي تمسك الوظايف في القطاع الخاص ..

قطاع التأمين لحاله اكبر دليل على كلامي ..

قابلت ناس في قطاع التأمين يقولوا بالحرف الواحد .. جيب لي شاب سعودي عنده خبرة تأمين و انا اوظفه !

السؤال هنا فين جامعاتنا ؟

صناعة جديدة دخلت البلد و مافي جامعة سعودية قدرت توفر التخصص !

[dr_love]

اضربلك جنسية لبنانية وشوف الوظايف اللي تنزل عليك زي الرز والراتب اللي وزير العمل يمكن راتبه = بدلات راتب اللبناني
او عالاقل هندي
الشركة اللي كنت فيها كنت استلم راتب يقل عن 5000 ريال بعد مامشيت وظفو هندي يستلم مع البدلات حوالي 8000 ريال وسلملي عالسعودة
يحقلهم السعوديين يهاجرو للامارات وقطر وعمان عالاقل تستلم راتب يناسب الشهادة اللي درستها
شرط الخبرة هذا شرط تعجيزي حتى اللي معاهم ماجستير من امريكا سمعت مو لاقيين وظايف الا بالواسطة هذا وشخص متعلم وجاي من بلد تعتبر الاولى في التطور لكن الله يخلف على بلدنا خيرها لغيرها
شوفو حجم الحوالات اللي من الاجانب بالمليارات ياريت نقتدي بمصر عالاقل اللي 70% عالاقل من الوظائف يشغلها مصري في كل مكان من المدير للفراش اللهم الا بعض الشركات الكبيرة ممكن تحصل مدير اجنبي

المشاركة الأصلية كتبت بواسطة نضال اليوم انا حامش على التعليم .. المشكلة الحقيقية في التأهيل .. من فترة جاني واحد يبغى وظيفة .. سألته ايش مؤهلاتك ؟؟ ثانوي فين اشتغلت ؟؟ في محل ملابس .. ايش دوراتك .. ولا شي .. طيب .. حاولت اشوف اذا كان دا الشخص عنده مهارات ... سألته سؤال بسيط جدا .. ايش كنت تعمل في محل الملابس ؟ ايش المهارة اللي اكتسبتها ؟ الجواب كان .. كنا نبيع ملابس ... يعني .. يجونا ناس نبيع لهم ملابس ... حتى مهارات ما كان فيه .. أدخل على الشخصية .. سألته ايش المواقف اللي واجهتك في المحل ؟؟ قالي .. يعني .. كنا نبيع ملابس .. شخص زي دا .. مافي امل امسكه وظيفه ..

ارحم الولد دا مافي محل ماجبت سيرته تلقاه ندم عاليوم اللي فكر يقدم فيه عندكم : بعدين اعذره مؤهله ثانوي ومايدري ايش الاسئلة اللي حينسألها يعني بالنسبة له نقلة كبيرة من محل ملابس لبنك فرق بين الارض والسما