اقتراح بخصوص أقسم كليات الهندسة

[fmg00000]

المشاركة الأصلية كتبت بواسطة حلم المجتهدين متشكرر اخوي ع الاهتماام وانا مأأيد الفكرررة تقبل مروري

حياك الله
بس اذا ممكن تقول لنا السبب ؟؟؟

[بدر 2000]

طبعا بالتاكيد لا اويد هذه الفكره و السبب بسيط انه مالها داعي والمنتدى ماشي تمام هذا اولا ثانيا لو في شخص عنده استفسار عن المواد العامة ويش يسوي ههههه علما بان نصف المواد الي ندرسها تقريبا مواد عامة

[M093B]

أخوي أنت يهمك من مع أو ضد الفكره .. أما اللي مايهمه الأمر فلا فائده منه ويمكنك معرفته من خلال المشاهده للموضوع ..

عموما تم التصويت

[تهندسي تكهربي]

انا لا أؤيد ,,,
لانو في اول شي الان عدة فروع لكليات الهندسة هذي اللي ممكن تتقسم ,,,
ثاني شي في اخبار وفي استفسارات ومواضيع عامة لا تخص قسم معين او العكس تخص الاقسام جميعها ,,,
ثالث شي ممكن مثلا طلاب الكهرباء يخشون على طول على قسم الكهرباء وبيصير نوع من الانعزال عن باقي التخصصات والمواضيع الهندسية ,,, مثلا اغلبنا الان يدخل كلية الهندسة ومو عارف ايش صاير في باقي الكليات والا قسام ,,,

انا اقول انو التصويت موجود واذا تم الموضوع فانا مع الاغلبية والجماعة واحنا يد وحدة يعني في الاخير لازم الكل يرضون بالقرار النهائي سواء تقسيم او لا ...

تقبلوا مروري بكل محبة .

[The BeSt]

طبعا مؤيد للفكرَة ,,

اصَلا الفكرة فيْ بآلي منَ فترَة , وسبقتنيَ في طرحَهآ

عَ العموُم ,, أتمنىَ أن يتم تنفيذهَا ;)

موُفقينْ

\

[The BeSt]

حآبَ اضيف نقطَه ,,

المقصوَد ,, إضافة أقسآم لتخصصَات الكليَة

مع بقاء هذا المنتدىَ للموآضيع العآمة

" يعني الاقسام مثلهَا مثل قسِم المواضيَع المميزة "

\

[تهندسي تكهربي]

انا عندي سؤال : هل كل الطلاب بيدخلون اقسام كل التخصصات يعني مثلا انا تخصصي كهرباء ومنزل مادة صناعية ومثلا جا خبر انو المادة الفلانية في قسم الصناعية تم تاجيل الاختبار ( حتقولوا يكون هذا الخبر في القسم العام اذا ايش الفايدة من التقسيم ) او اي موضوع اخر مثلا تم اكتشاف الحاجة الفلانية في قسم الهندسة الكيميائية مثلا ,,, انا تخصصي كهرباء مثلا ما راح اشارك في باقي المواضيع للتخصصات الاخرى ,,,

الفائدة الوحيدة من التقسيم انو بيكوون معلومات عن القسم فقط وباقي المواضيع بتكون في القسم العام ,,,

وبالنسبة للمعلومات القسم مليان مواضيع عن كل قسم ,,,,

اكرر انا في الاخير مع التصويت الاعلى وكل ردودي في هذا الموضوع مجرد وجهة نظر ,,,
تقبلوا مروري

[vip_temaa]

ونبغى قسم لطلاب الماستر في كل تخصص

[البرق الاصفر]

بالنسبة لانعزال الطلاب كل واحد في قسمه عاد دا الشي يرجع للطالب نفسه
فان كان يحب المساعدة وتقديم العون حتلاقيه يلفلف الاقسام كلها ويشوف اي استفسار يقدر يرد عليه او اي مساعدة يقدر يقدمها وان ماكان همه الا نفسه عاد اكيد حيدخل قسمه ولا تشوفه في الاقسام التانية

يعني مو شرط ان صار تقسيم حيكون في انعزال لانه الطالب اللي يعزل نفسه مو التقسيم اللي يعزله
وانا حبيت وعجبتني فكرة انه القسم دا نخليه للمواد العامة وبصراحة كنت حاطرحها بس الاخ سبقني

وبالنسبة لمثال لو تاجل اختبار مادة فلانية ولنفرض مادة انتاج مثلا فالمفروض يكون اعلانها في قسم الانتاج مو في القسم العام فاللي عنده اختبار ويبغى يعرف شي عنه يفترض انه يلاقي اي موضوع قد انشئ للمادة في قسم المادة وليس في العام الا ان كانت المادة من المواد العامة

[fmg00000]

أشكركم جميعا على مروركم
والموضوع منور بردودكم
على العموم الفائدة هي التنظيم والتصنيف وسهولة الحصول على المعلومة ومنتظرين باقي الشباب يصوتوا عشان الادارة توافق
وحياكم الله