تجمع بناات الكليه الصحيه في عزوز

[neamo]

بسم الله الرحمن الرحيم
انا طالبه علمي سنه تحضيريه ونفسي ادخل كليتكم بس مررررره محتاره
وابغى مساعدتكم
انا نفسي ادخل قسم اعالج فيه مريضاات بس يعني حريم بس ويكون عندي مكتبي الخاص
ويكون راتبها عالي مو مشكله ادا كان نفس المستشفى فيها رجاال بس انا مااكون معاهم بغرفه واحده وهل كل الاقساام فيها شفتات ولو كان فيها لحد كم تتوقعو ونفسي كمان تقولولي ليش الشرقيه عندهم اقسام مو عندنا زي تقنيه القلب ومدري ايش الاعصاب وحاجاات مره حلو
وكمان ايش هو القسم الي من جد لو تخرجت منو الاقي وظايف وكل قسم كم عدد سنوات الدراسه وكم عدد المواد في كل قسم
ومعليش على الاطاله بس مره محتاجتكم ومشكوررين مقدما

[neamo]

بنات لو سمحتو ابغى تتفاعلو معايا

[lolosilvergirl]

السلام عليكم ورحمة الله وبركاته
كيف حالك ياحبوبه....بالنسبه لسؤالك تقريبا الاقسام الصحية كلها فيها اختلاط اذا اشتغلت في مستشفى
اما اذا كنت ما تحبي الاختلاط فاذا دخلت طب ممكن تفتحي عياده خاصه فيك وتكون طبعا للنساء
والمهم انك تدخلي في قسم انتي تكوني حابتو وبالمناسبه الاقسام الي في الشرقيه مررره كويسه وانا انصحك تدخلي واحد منها انا قابلت وحده بنوته ايام التدريب وقالت انها درست بالشرقيه قسم اسمو بكالوريوس علاج طبيعي للصدر القسم مره حلو وجات تدرب في جده وماشاء الله عليها قبل ماتنهي فترة التدريب الا وهي مطلوبة للتوظيف إن شاء الله اكون افدتك
والله يوفق الجميع

[white lily]

هااااااااااااااااااااااي حياتي
بالنسبه لاقسام العلوم الطبيه التطبيقيه اربع اقسام
مختبرات وعلاج طبيعي وتغذيه واشعه
ودراستها تكون سنه تحضيري +3 سنوات دراسه +سنه امتياز تكون تطبيق
وبالنسبه لقسم التغذيه هوللبنات فقط اذا حبيتي تبعدي عن الاختلاط
وان شاء الله تكوني استفدتي مني
ودحين انتي تحضيري لازم تشدي حيلك حتى تدخلي القسم اللي تحبيه
بالتوفيق

[weddah]

يا هلا فيكِ يا عسل

احنا في العلاج الطبيعي نعالج مريضات وغالبا في المستشفيات يكون القسم خاص بالنساء
تعرفي لأنه ممكن يفسخوا عشان العلاج وكدا
فيكون قسم مغلق او دور كامل كله نسائي

بعض المستشفيات عادي فيها تعالجي رجال بس الأغلب منفصل زي ما قلتلك

واللي أعرفه أن العلاج الطبيعي ما فيه شفتات
الدوام يكون عادي حسب المكان
لأن مافي أحد يحتاج طوارئ علاج طبيعي

وربي يوفقك ان شاء الله في التحضيري وتدخلي التخصص اللي يناسبك
ولا تنسي حيصير فيه ارشاد وتعريف بكل الكليات والاقسام
لازم تحضري وتستفيدي

[neamo]

بنااااااات مرررررررره مشكورات ع الاجابه
بس بودي اعرف الحين لو ان شاء الله درست وتوظفت (تغذيه )
الدووووام حقنا فيلو شفتات ولالا