انطباعكم عن هذه المواد إذا تكرمتم + أي نصيحة لا تبخلوا علينا بها

[Apple]

×


وعليكم السلام ورحمة الله وبركاته


مرحبًا أخيتي الغالية هندش

المعذرة لعدم وجود من تدعم أسئلتك

(مع إنو الأولاد الله يحفظهم ما قصروا) بس أستاذاتنا غير واللي يدرسونا دكتورات ما ينزل لنا دكاترة إلا للمواد اللي مو ماسكها إلا هم

خصوصًا في المستويات الأولى، ما عدا مناهج اللغة والأدب نازلة مع رجال

<< لو نزلت مع الد. مختار الغوث

لا تاخديها
المحاضرات مملة جدًا وتجيب النوم ~_~
الأسئلة مو صعبة ، يبغالها حفظ بس

والباقيين حقون نظرية الأدب وهيك في المستويات اللي فوق ما أعرف عنها كتير


،

نجي لدكتوراتنا

نحو 1 .. غالبًا ينزل مع د. وفاء

الدكتورة مره نايس في الشرح وحبوبه

بس لازم تصاحبيها وتبيني إنك مهتمه عشان تحبك وتعطيك 95 ^_^ .. ولازم تحضري الدرس << خدي معلومات عشان تشوفك شاطره

أدب جاهلي

غالبًا نازل مع الد. دلال بخش ربي يسعدها
بس هي مسافرة دحين ، فماعندي علم راح تنزل مع مين ؟


العروض والقافية

تنزل مع د. صباح باعامر

رائعة المادة ورائعة الدكتورة

بس الأسئلة قليلة وعلى كل سؤال 5 درجات

يعني لازم تكوني حافظة صم + فاهمة عشان تجيبي درجات

والمادة لاتخافي منها سهلة جدًا لو ركزتي من البداية وفهمتيها


الثقافة 3

سهلة وحلوه

إذا نزلت لك مع الد. إيمان غيريها ، كل محاضرة تعيد شرح المحاضرات اللي فاتت

وآخر السنة كروتت لنا نص المنهج اللي لسه ما انشرح في محاضرة وحده

أخدتها مع أ. راوية ،، أخلاق وفله بس تحب الانضباط


علم نفس اجتماعي .. حلوة مرة

أخدتها مع أ. آلاء الشريف

ما أنصحك تاخديها أول سمستر .. لأنو كرف وأول مره تفهمي كيف تشتغلي وهيك

وكمان حاولي تاخدي كل سميستر 6 مواد لا أكثر

أصلاً يا دوووووب شغل القسم كتير ويحتاج قراءة


نحو 2 مع د. فريدة معاجيني .. أقول لك بالفم المليان

الله يعينك .. شرحها ملفلف بس تعطيك معلومات حلوة

وتسوي اختبارات قصيرة ترفع درجاتك

يعني تعطيك حقك آخر الترم وتراها دقيييييييقة مره ،



أدب صدر الإسلام مرررره حبوووب وحلو بس طويل ودسم

لأنو صدر الإسلام والأموي مع بعض

ومع د. ابتسام جدًا سهل ، لكن دحين سار مع د. عبير وأنا ما قد جربتها

مامدحوها لي إلا كم بنت والباقي ما يحبها ~_~


بلاغة 1 . مع د. سميرة

وفي إشاعة بدكتورة جديدة والله أعلم ^^

مع الدكتورة سميرة حلو ، بس شرح ثانوي

لكنها بروفيسورة الله يحفظها وتعطيك قد ما تحتاجي ما تزيد


علوم قرآن لسّه ما درستها

ماخدتها دا الترم إن شاء الله

ثقافة 4 لسّه ما أتشرفنا

المعجم << على إني أخدتو أول سمستر وعققققدني مرّهـ في القسم

إلا إنو عجبني مره ومفييييد لك في نهاية المطاف

الدروس الأولى ممله نوعًا ما لكن لازم تحفظي طريقة كل مدرسة

بعدين إذا دخلتي على علم الدلالة .. مررره حلو بس طوييييل ويلخبط

لكن والله الدكتورات مراعيات وعافات حالنا فتساعدك كتير وما تخليك تذاكري كل شي << طبعًا بطريقة غير مباشرة

أخدتها مع د. خلود ربي يسعدها .. إبدااااع

وكمان الأسلوب وتحليل النصوص

أخدتها مع د. دلال بخش ^^

لكن زي ما قلت هي مسافرة ولو بدك تاخديها خديها مع الد. جيهان ، مدحوها لي لكن ما درست معاها

وأتعاملت معاها مره في مسابقة المساجلة الشعرية ، إنسانة محترمة ورائعة

؛

بالنسبة لاجتماع مواد زي (أدب صدر الإسلام وأدب عباسي) ممكن

لكن مره ما أنصجك

هو أدب واحد وتكرفي كرف مو صاحي وطول وقتك في المكتبة

لدرجة الناس تحسبك تشتغلي فيها

وكمان أحبذ تاخدي كل واحد فوقتو ما تقدمي شي على شي

؛

والتخصص

إذا كنتي تحبين العربية ولا تتوقعين دراسة كالثانوية

فأهلاً وسهلاً بكِ

نحنُ طالبات قسم الله العربية جميعًا أخواتك وفي خدمتك

أي أسئلة لا تترددي فيها

ونقابلك إن شاء الله في الجامعة


تفاح ــة


×