يابنات اللي ما انقبلوا بالانجلش

[miss jeddah]

يا بنات ياحلوات الله يسعدكم مين راحت الجامعه امس عشان تخصص الانجليزي وايش صار معاها لانو انا قدمت اول وبعدين طبعا سحبوا التخصص مني لان معدلي ناقص شويه صغيره بس حسبي الله ونعم الوكيل والمهم طبعا اجبرت اختار علم نفس خوفا من انهم يحطوني في اي شي تاني وانا خير شر مادخلت الا عشان الانجلش فمني عارفه ايش اسوي وماادري يرضوا يحولوني كليه تانيه والا لازم ادرس ترم الله يسعدكم ويوفقكم يارب ويسهل اموركم جاوبوني

[sosa20o0o5]

ياعسل في كثييييييييير زيك المهم بكره في اختبار لللانتساب تعالي بدري وسجلي اسمك في مبنى 8 من 9 الى 11 غرفه 800 812 813 826 اختبار تحريري وشفوي ويشوفو مين الي مستواها تمام عشان تدخل واللله ييسرلي وييسرلك ولكل الي زينا

[عـ,,,ـل]

في اختبار تحديد مستوى ازا اجتزتي ممكن يخصصوكي انجليزي

بس انا اللي اعرفو انو البنات من زمان راحو وسجلو اساميهم اللي يبغو يختبرو

وماعرف ازا كان اختبرو خلاص ولالا

ان شالله احد يفيدك

[sosa20o0o5]

لا ياعسل لسا ما اختبرنا بكره الاختبار وصح انو كثير سجلو اساميهم من بدري حتى انا سجت اسمي من بدري بس برضو في كثير من برا جده وماقدرو يسجلو اساميهم وقالولهم مو مشكله تجو بكره من بدري وتسجلو اساميكم وعلى طول تدخلو الاختبار

[miss jeddah]

تسلموا يا حلواتي على الخبر الحلو دا الله يبشركم بالخير ويسعدكم يارب ويوفقكم جميعا ويسهل اموركم يارب ويسلموووووووو على المرور والاهتمام للرد جزاكم الله كل خير

[sosa20o0o5]

العفو ياعسوله كلنا مع بعض يدي بيد انشاالله

[برتني]

انا توي اليوم سجلت .. وبكرى الاختبار بس اللي درجاتها بالمادة اقل من 80 مايسمحو لها تسجل اسمها

وبعدين اختبرو اليوم بنات الانتظام وقالو جابو لهم اكتبي برقراف عن good teacher

ولا في لا مقابله ولا يحزنون ..

بس بصراحة بصراحة حسيتهم كذابين بس يبغو يسكتونا بالاختبار .. راح يكتبو النتيجة <<< لم ينجح احد خخخخ

[miss jeddah]

حسبي الله عليهم نفسي افهم شي واحد يعني في عماده تطوير ومدري ايش اي تطوير واي تنظيم واي مصداقيه اصلا بس مااقول غير لا حول ولا قوه الا بالله بس انا بروح بكره تشوف ايش قصتهم مع اني عارفه الرد مسبقا لا كلامهم بس ينعاد كانه شريط فاضي ولا هما مفكرين الاا بالرسوم والمصيبه مهتمين بالانتظام اللي هما بيدفعوالهم ونسيونا احنا اللي بندفعلهم ههههههههههههههه من جد شر البليه ما يضحك ,اعذروني بس والله من القهر ومن اللي بشوفه وساكته واتفرج على مهزله رهيبه وخلينا نشوف آخرها معاهم