- إستفسار بسيط عن الكتب :$

[Angelitta]

أنا يا قلبو رحت اليوم الحمد لله ..

دخلت علينا دكتورة الثقافة ..

اسمها رحاب بدوي ..

شكلها طيبة الحمد لله بس صارمة ونظامية بالعربي نمشي معاها عدل بس طيوبة ..

المهم قالت لنا اشترو كتاب الثقافة الجديد طبعة السنة 31/32 لدكتور علي با دحدح ودكتور محمد با جابر عشان غيرو في المنهج ..

وعرفت بنفسها وبس ..

برضو أخدنا محاضرة إنجلش دكتورة ميريام بريطانية وما تعرف عربي >> دا أحسن شي عشان ننجبر نتعلم مفردات ..

طبعا أكيد في البداية حــ نكون مكسر :) وبعدين نتحسن إن شاء الله ..

وبس قالت نشتري الكتاب واسمو Heady Way Plus >> أتوقع كدا لقطتو بدون ما أكتبو من الدفرنة :)

لون أخضر لكم أتوقع لأنو مستوى أول ..

بس إذا كنتو اختبرتو معانا اختبار تحديد المستوى وطلعت لكم مستوياتكم ..

خلاص اشترو كل وحدة على حسب مستواها ..

وإحنا الحمد لله خلصنا معاها يونيت واحد ما شاء الله وسهل الحمد لله وتافه ..

وقالت لأنو لازم كل مستوى يخلص في 6 أسابيع ونختبر بعدها عشان ننتقل للي بعدو إن شاء الله ..

عشان كدا لازم بسرعة ..

وزي منتي عارفة أصلا إحنا يوميا عندنا 3 محاضرات إنجلش ..

فــ يعني اشترو الكتاب ..

وحاولو تقروه وتفهموه ترى لسة يونيت ون مررا سهل وأخدنا منو أشياء كتير في الثنوي ..

صراحة مو شي جديد ..

عشان كدا نصيحة لكم عشان تمشو معانا أول بأول وكمان حلو في الهوم وورك بوك ( الكتاب التاني ) اليونيت الأول لأنو إحنا أدتنا هوا واجب >> من بدري :)

وقالت دايما لو ما مدانا نحلو في الكلاس عشان التايم تروحو الهوم وتحلو ..

والله يسير ..

وبث ..

أنا خطة أ سوري دا اللي أقدر أفيدكم بي :)

بالتوفيق يا رب للكل ..