ياليت احصل عندكم اجابه على سؤالي ضروي جدا جدا

[الـقـيـصـر]

السلام عليكم ورحمة الله وبركاته

اخواني انا سجلت بالجامعه انتساب والحمد الله اليوم دخلت وتم قبولي ولازم ارسل اوراقي قبل 21/9

لكن انا عندي مشكله بعد العيد ماقدر اكون متواجد ضروف عمل ولمده 3 شهور او اربع شهور


هل بأستطاعتي الانسحاب في اول ترم او لا ؟ وكيف تتم طريقة الانسحاب ؟


اتمنى الاجابة

[أنا وبس1]

أنا أشوف ياأخوي انه موضروري تنسحب بس بعد الدوره التأهيليه الي يسونها لكم ادخل على المنتدى وشوف وش الي ناقصك والاخوااااان ماراح يقصرون معك على العموم ارسل معامله الكترونيه للجامعه بخصوص موضوعك واذا تقدر تروح الجامعه يكون أحسن وعلى فكره لاتكون على نياتك اذا سألت موظف وقالك مايمديك لاتصدقه اسال واحد ثاني وثالث بعد اذا تقدر لان هاذي ماهي بجامعه هاذي متاااااااااااااهااااااااااااات والشاطر الي يعرفلهم ترا اخواني كانوا زي كذا كل ماسألوا موظف عن شي قالهم لااااااااااااا وراحوا لواحد ثاني ساعدهم وعاونهم وبالتوفيق انشاء الله

[الـقـيـصـر]

بعد الدوره التأهيليه

طيب اخوي الدوره هذي بتكون بعد الحج او قبل

لاني بعد الحج عندي شبه تفرغ

ويوم خميس وجمعه ولا وسط الاسبوع

[أنا وبس1]

والله مادري بس لابدأ الترم تنزل مواعيد هاذي الدورات وتكون وسط الاسبوع

[الـقـيـصـر]

والله مشكله اخاف ياخوي ارسل المبلغ


ومايخلوني اسحب ترم وفي الاخير فصل

[العلم والعالم]

بالنسبة للإنسحاب عن أول فصل دراسي كنظام ممنوع الإنسحاب للمستجد لكن هناك تجاوزات لأني أعرف طالب إعتذر عن أول فصل وهو مستجد

لكن لازم تراجع الجامعة بهذا الخصوص والجهه المسئولة عن ذلك هي عمادة القبول والتسجيل وبالتحديد وكيل الكلية لشئون الإنتساب تراجع الوكيل وتشرح له ظروفك وهو يحدد ذلك هل يقبل إعتذارك أم يرفضة


أما بالنسبة للدورات التأهيلية فهي غير ملزمة الحضور والطالب بالخيار هل يحضرها أم لا

لكنها مفيدة جدا وللمعلومية ثلاثة أرباع المنتسبين لا يحضرون الدورات التأهيلية

والدورات تعقد مرتين بالفصل الدراسي الواحد الأولى في بداية الفصل والثانية في نهاية وحضور واحده كافي


ومدة الواحده إسبوعين كاملين من السبت الى الخميس ومن ثم من السبت الثاني الى الخميس الثاني

أما مواعيد الدورات للفصل القادم فالتقويم لم ينزل حتى الآن حتى نعرف مواعيدها لكن الفصل قبل الماضي الدورة الأولى لطلاب كلية الإقتصاد في 20/10 /1428 والدورة الثانية في 21/12/1428 وبالنسبة للفصل القادم فأكيد راح تكون الدورة الأولى على بداية شهر ذي القعدة والثانية على بداية محرم قد يكون قبل ذلك بقليل أو بعده

نتمنى لك التوفيق

[الـقـيـصـر]

شكرا لك برسل المبلغ


بس تقديراُ متى بتكون الاختبارات يعني ممكن في شهر 2

[أنا وبس1]

أيه أخوي تقريبا بشهر 2لاني شفت تقويم المدارس وحنا نبدأ قبلهم باسبوع تقريبا

[الـقـيـصـر]

دام كذا يمديني


جزاكم الله خير ورحم الله والديكم

[وش كثر اعاني]

الشباب كفوا ووفوا وزي ماقالو لك الاختبارات راح تكون تقريبا من 10/2