دكتور عماد الحسن ما رايك في هذه الدورات

[خبير الانتساب]

مافادتني فيها يادكتور

[عماد الحسن]

المشاركة الأصلية كتبت بواسطة خبير الانتساب دكتور عماد المهم في الدورة عدد ساعاتها ام عدد الايام؟؟؟

في الحقيقة لا أعرف نظام المفاضلة للقسم ولكن في جميع المجالات تهتم الجهات المسئولة بالناحيتين وهي عدد الساعات وعدد الدورات، والأفضل لكم هو الدورات القصيرة حتى تكون سيرتك فيها أكبر عدد من الدورات.

[معلمة مكه]

خبير الانتساب : خليك على هذا الحماس والاهتمام بتحقيق اهدافك وقوي ثقتك بالله لأن النتيجة راح تكون قبولك في البرنامج بأذن الله ...

[Brainiac]

المشاركة الأصلية كتبت بواسطة خبير الانتساب اخي brainiac ماشاء الله اللهم لاحسد بس ممكن تساعدني امنيتي انقبل من فين درست الكفايات والقدرات وماهي الكتب المساعدة او الطريقة واين اخدت الدورات وهل كانت مختمة لانه في مركز اسمه الاصيل للتدريب قلي الشهادات ماتجي مختمه من التدريب التقني لكن في رقم الترخيص حقهم على الشهادة كده ينفع ولا تعتبر غير معتمدة ومبروك وشكرا على تعاونك

هلا بك أخوي..واعذرني أني تأخرت بالرد بس توني انتبه لردك....

بصراحة الكفايات ما درست ... لان انا دراستي في البكالوريوس كانت كلها انجليزي.. والشي هذا ساعدني كثير... بس ممكن تاخذ كورسات انجليزي ... وانا جداً انصح بكورسات المجلس الثقافي البريطاني... لانهم مقارنة بأغلب المعاهد الباقية ، يشتغلون بضمير ( المجلس الثقافي البريطاني تشرف عليه الحكومة البريطانية).

بخصوص القدرات ، اشتريت كتاب ب 25 ريال اسمه دليل اختبارات القدرات ( قريت عنه بموقع "قياس" نفسه ورحت اشتريه).... وبرضو فيه منتدى اسمه "منتديات يزيد التعليمية" ، اغلب تركيزهم على اختبارات القدرات وطريقة الحل.... وبرضو فيه تجميع لاسئلة كثيرة جت في اختبارات سابقة.


بخصوص الدورات ، مش شرط تكون مختمه .... ولكن كلما كان اسم المعهد اقوى ، كلما يفيد اكثر ...وانا دوراتي كانت عن طريق جهة عملي ... وكان يتم تقديمها عن طريق معاهد في البحرين ، دبي ، سنغافورة............. بس برضو اخذت كورسات في المعهد المصرفي ( يتبع لمؤسسة النقد العربي السعودي) ... وبرضو شغلهم مرتب وشهاداتهم كويسة.

اعطيك مثال: يعني لو تقارن بين دورة في معهد الاصيل...... ودورة في نيو هورايزن ...... اكيد تبع نيو هورايزن بتكون أفضل لان المعهد معروف ومشهور والكل يعرفه ... وممكن تكون معهد الاصيل دوراته أقوى بس ما اظن في كثير يعرفونه

بالتوفيق ان شاء الله... ويا رب تكون من المقبولين بأذن الله