(سأفيد وأستفيد) لبنوتات إداري وإنساني خطة(ب) في جدة

[G Albaidahi]

وابغكم تعلمون كيف اصور جدولي وانزله عشان تفهمني اشياء كثيره

أهلين سمسومة أنا عندي Windows 7 وهدا النظام في أداة رائعة اسمها ( أداة القطع )

وأكيد الكثير يعرفوها وهي بإختصار تقوم بإقتصاص (( حلوة اقتصاص ))

الجزء اللي تحتاجية من أي مكان في شاشة الكمبيوتر وتحفظه كصورة وبالإمتداد اللي تبغيه

عموماً إدا ماهي موجودة على جهازك تقدري تنزليها من النت لأنها مرة حتفيدك

وترى انا عندي مشكلة في الجهاز حرف (الدال ) قصدي اللي فوقه نقطة ما ينكتب من الكيبورد

وجاري إيجاد حل للمشكلة حبيت أوضح عشان بعض كلماتي بالدال وتنكتب بالدال (( حاسة محد فهم _مشي حالك ))

وبالمسبه للملخصات متى راح تنزل

أنا شفت ملخصات دفعة العام (2010) والله ناس فلة ودوافير ما شاء الله عليهم

وإن شاء الله نكون زيهم

والمناهج تغير وإلا مثل حقت العااام

بعض الكتب تغيرت وبعضها لا

أنا أختي العام تحضيري أخدت كتبها {مشكلة الدال اللي حكيت قصتها }

بس طبعاً ما راح أعتمدها إلا لما أتأكد


وفي الأخير يا جداويات حبيت انو كل وحدة تكتب معلومات أكثر عن نفسها

عشان نتعرف على بعض أكثر

وراح أبدأ

الاسم / G

سنة التخرج / 1423هـ

التخصص / علمي

النسبة / 89.38

الوظيفة الحالية / معلمة كمبيوتر

هل لك قريبات أو صديقات في نفس الجامعة / سجلت أنا وأخويا بس للأسف هو خطة (أ )

وأنا خطة ( ب ) , ونفس الموضوع مع أعز صديقاتي مو نفس الخطة ( شايفين الحظ أخويا وصديقتي نفس الخطة )

وعرفت كمان أنو 4 ممن أعرفهم معايا في نفس الخطة ( ب ) , وطبعا متفائلة بالأخوات اللي من المنتدى نكون صديقات

ما هو التخصص الدي ستختارينه ( إن شاء الله ) / English

وبالتوفيق يا حلوات

أختكم / G