استفسار عن الجدول؟ ماجاء ايقونة الحذف والاضافة لمن فتحت الادوس طلع كذا

[ريشة رسامة]

التسجيلالمادةأسم المادةالوحداتالأيامالوقتالمبنىالغرفةالنوع01/10/2010 isls 438 01 الفقه المقارن 2 s.m.... 15.00 16.30 008 822e h 01/10/2010 isls 444 01 فقه العقوبات 2 .s.t... 17.10 18.40 008 813e h 01/10/2010 isls 452 01 نصوص اسلامية باللغة الانجليزية 3 s.m.w.. 16.30 17.50 008 813e h 01/10/2010 isls 454 01 التدريب العملي (2) 3 .s.t... 19.20 21.20 004 405e h 01/10/2010 psy 345 03 علم نفس الشخصية 3 s.m.w.. 18.00 19.20 004 403e h عدد الساعات الفعلية ========>13

[ريشة رسامة]

هل يحتاج الحضور الى الجامعة او شراء الكتب او الملخصات هل المواد سهلة او صعبة لانها مو زي الخطة الدراسية او مايحتاج الحظور الى الجامعة هل هيا سنترا؟

[سـمـرـرـر..!]

السلام عليكم.. المواد على حسب الماده وطريقه شرح الأستاذه.. حاولي تختاري استاذاتك اللي ليهم سمعه حسنه .. وينجحو .. ومايصعبو عالبنات.. وحتى لو ماقدرتي تغيري استاذاتك عادي .. المواد مو صعبه مرا.. في كدا وكدا..
فعندك .. الفقه المقارن. اغلب البنات لسى الماده جديده عليهم .. وكمان فقه العقوبات.. الا ادا بتسئلي بنات قد درسوها وتخرجو.. ماده علم النفس .. مرا سهله المغمضه تنجح فيها..
والتدريب العملي.. ماعرف بالنسبه ليكم الإنتساب.. لاكن انا سئلت القسم (انتظام) قالو رح يكون نظري وتطبيقي داخل الكليه .. يعني في مواد تكون نظريه عن طرق التدريس واشياء زي كدا.. ووالجزء العملي لسى بيفكرو يحطو عملي او يكتفو بالنظري... لانو دحين مافي تطبيق بمدارس زي السنه اللي راحت.. لو حصل ونزلو تطبيق .. رح يكون تشرحي قدام استاذتك.. يعني زي الإخبار العملي داخل المحاضرات.. بس ماعرف عنكم انتو الإنتساب.. بس اذا زينا.. اكيد رح تكونو كدا.. بس اوقاتكم غير واستاذاتكم يمكن غير .. بس لاتخافي مهما يشرحولك كل شي..

وبالنسبه للحظور ..النظام في كليتنا (الأداب فرع الفيصليه) ممنوع الإنتساب يداومو كل يوم.. بس يسمحولك تدخلي ادا عندك مراجعه او جداول او تقابلي استاذه.,. وادا دخلتي جوا الكليه روحي عند استاذه كل ماده عندك .. واستئذني منها انك تحضري لها كل يوم.. (ادا تحبي) .. وادا سمحت لك .. خليها تطبع لك تصريح .. قوليلها عشان الدخول من البوابه.. وبكدا يكون عندك تصاريح تظهريه مع بطاقتك الجامعيه عند الباب.. وادا قالت ممنوع قولي عندي تصرح من الإستاده وماتقدر تهرج.. احنا السنين اللي راحت اغلب اللي يحضرو انتساب .. ياخدو تصاريح من استاداتهم.. وعادي يداومو زينا زيهم..

وبالنسبه للكتب.. ادا بيدوكم كتب .. فهيا نفس كتبنا نحنا الإنتضام .. هدا ادا طلبت الإستاده منكم.. بس اللي ختلف انو نحنا كل شي معانا حفظ.. اما انتو لا.. احيانا يدوكم بدل الكتب ملازم (حسب استاده الماده) .. واحيانا لا كتابكم زينا.. بس اللي يختلف كمان.. يحدو دروسكم.. يعني يراعوكم .. يقللوها عليكم..

والملازم.. احيانا ملزمه مع كتاب .. واحيانا ادا ماعندك كتاب يدوكم ملزمه (حسب الإستاده)
واحيانا يطلبوكم تحضرو ..

دا كل اللي اعرفه وشفتو بعيني بالكليه.. يعني مو خرابيط..

[نبض حياة!]

إنت مستوى كم ؟

[ريشة رسامة]

انا المستوى الاول في الدراسات الاسلامية