موقــــــــــــــع الأستـــــــــــــــــتاذة غادة مطر

[miss-soso]

السلام عليكم ورحمة الله وبركاته:
حبيت افيدكم خصوصا اني شفت البعض يطلب موقع الاستاذة غادة مطر
جزاها الله الف خير،تشرح بأمانة وتقول ذا معاكم وذا مو معاكم..يعني تبين لنا.
شفت انا تبع الاستاذة حنان باطرفي لقيت صح مثل حق الاستاذة غادة وبعضة لا.واتحترت
وصراحة بمشي على نفس ما قالت الاستاذة غادة والله يوفق
gmatar.kau.edu.sa

[نونا التعمونا]

من جد دي الانسانة ربي يسعدها ياااارب والله ماشفت بجامعه عزوز كلها انسانة زيها بشرحها وطيبة قلبها
انا العام كنت معاها وجبت علامة جدا حلوة الحمدلله بفضل الله ثم بفضل الدكتورة غاده وركزو على الي تقولو
وربي شرحها كلو يجي زيو بالاختبار

[ღ ŊOόOήé ღ]

مشكوره يعطيك العافيه
أنا كمان تبع حنان باطرفي شرحها سريع كانها تكلم نفسها وما وضحت شئ كل اللي قالت خذوا المفردات من الموقع
والله مره حايسه بالرياضيات الله يعدي الإختبار على خير وننجح يآآآرب

[miss-soso]

المشاركة الأصلية كتبت بواسطة نونا التعمونا من جد دي الانسانة ربي يسعدها ياااارب والله ماشفت بجامعه عزوز كلها انسانة زيها بشرحها وطيبة قلبها انا العام كنت معاها وجبت علامة جدا حلوة الحمدلله بفضل الله ثم بفضل الدكتورة غاده وركزو على الي تقولو وربي شرحها كلو يجي زيو بالاختبار

الله يطمنك،،وحقيقي الكلام عنها ما يوفيها

[miss-soso]

المشاركة الأصلية كتبت بواسطة ღ Ŋoόoήé ღ مشكوره يعطيك العافيه أنا كمان تبع حنان باطرفي شرحها سريع كانها تكلم نفسها وما وضحت شئ كل اللي قالت خذوا المفردات من الموقع والله مره حايسه بالرياضيات الله يعدي الإختبار على خير وننجح يآآآرب

لا تحوصي ولا شي ركزي في شرحها والا الي تقول عليه امشي عليه..
وان شاء موفقة

[بنت آبوهآ]

وآلله فعلآ كلآمك سليم شرحهآ توب توب توب

تدخل آلمعلومه في رآسك غصب

وهدآ موضوع نزلتو لشرحهآ

http://www.skaau.com/vb/showthread.p...=1#post3254294

آتمنى آلكل يحمل آلمحآضرآت ولآ رآح يندم

بآلتوفيق جميعآ

[Exotic]

طيب معليش هل تنفع الدروس اللي منزلتها للطلاب ؟؟

يعني نفس المنهج او فيه اختلاف ؟؟

لاني بصراحه نزلت كل الدروس اللي منزلتها على موقعها وجالس اذاكر منها