:: 990 لا تــكـــفـــي + المقطع الذي أبكى طلاب الجامعة ::

[فيصل]

المشاركة الأصلية كتبت بواسطة life as game الله يديك الف عافية فردو وقسما ما تكفي من جد ,,انا عايش في السكن حق الجامعة ,,وياخد مني 250 ريال شهريا ’’ واقول في نفسي حأوفر حأوفر من المكافأة وبلاش دلع لنفسي ,,وقسما ما يجي اخر الشهر الا 50 ريال في جيبي الحمدلله ابويه مو مقصر ابدا ويدق عليا في نص الشهر واي وقت يقول لو محتاج فلوس قول ,, و ما اقول لو الا الحمدلله مرتاح ,,ومرات اضحك عليه اقول باقي معي 500 ريال ,,وتكفيني وزيادة ,, ومرة كفشتني اومي وقالت لابويه ..ترى ما بقي معاه الا 80 ريال خخخخ واصرف الهرجة يمين ويسار ,,لما يقتنع ’’ اومي تقول ياولدي عيب عليك ادا احتجت حاجة ابوك ما حيقصر ..ايش فيها لو طلبت ,,طيب انا حأديك .. <<اقول الله يهديك ,,الحمدلله انتوا مو طفرانين عشان اوفر عليكم بس انا المكافأة تكفيني وزيادة العب فيها ,,وانا كداب والسبب جدا بسيط وهوا انو خلاص يكفي 19 سنة صرف عليا واشترالي سيارة مع انو في كماليات يرفض يجيبها ليا الا اني خلاص صرت اخجل على دمي مرة وادا في يوم اخدت منو شي ,,ما ارتاح وكمان في سني دا اصلا مو مجبور يصرف عليا ,,بما اني خرجت من كرت العايلة,, بس من جد المكافأة والله ما تكفي ’’للطالب لانو في دي المرحلة يجب انو يتخلى عن الدخل الاسري ويبدا يعتمد على نفسو افرضوا لا سمح الله اهلو من ذوي الدخل المحدود ؟؟ او جات عليه مصيبة من مصايب الدنيا ؟؟يروح يشحت ؟ عالاقل ادا مرة مرة خلوها 1300 للي بعيدين عن اهلهم ايش تسوي 900 ريال دي ؟؟ بنزين + اكل + غسيل ملابس + كتب + صيانة للمركبة + سكن + مستلزمات - كماليات تفرق لما الواحد ساكن عند اهلو يغسلوا ملابسو وياكل و يشرب معاهم , وينام ,,يمكن تكفي الـ990 لكن اللي من خارج المدينة والله ما تكفيهم لو ايش,, سوري عالاطالة ’’ يديك الف عافية

كلامك عين العقل أخوي لايف ..
صحيح .. يجب علينا وجوبا نحن كطلاب جامعه الإعتماد على النفس , في نظري الطالب الجامعي لا تربطه مع أسرته إي علاقات مادية , يجب أن يعتمد على نفسه على كل حال ...
لكن مع ذلك , يجب أن نجد الدعم المناسب حتى نعتمد على أنفسنا .. يعني المكافأة الشهرية بالنسبة للبعض راتب شهري .. وبالنسبة للبعض الأخر دخل له ولأسرته ..
أيضا مع غلاء الأسعار المكافأه هذي مثل ما يقول البعض ( ما تأكل عيش ) ..
نحن نريد أن نعتمد على أنفسنا , ونبني حياتنا المستقلة ... لكن الأوضاع ما تساعد

بإذن الله مأمل خير , وسوف تكون هناك زيادة في المكافئات , لكن أتمنى ان يحدث هذا قريبا .. إن شااء الله قبل لا نتخرج :)

شكرا لك أخي فردآسكو .. ألهبت الجراح :(