عن ماجستير ادارة الاعمال بحائل اسألكم...

[++متفأل++]

السلام عليكم ورحمة الله وبركاتة


أسعد الله اوقاتكم جميعاً


والله يعطيكم الصحه والعافيه على المنتدى المفيد والتجاوب الدائم


احبتي حاب اسألكم متى موعد التقديم على ماجستير ادارة الاعمال بحائل ؟ وكم يستمر التقديم ؟


وايش متطلبات البرنامج هذا ؟ (درجات معينة في التوفل مثلاً)


وماهي فرص القبول ؟


وهل بعد الحصول على الماجستير هذا تقدر تكمل دكتوراة ؟


وهل تقدر تقدم عليه وعلى الماجستيرات التربوية (ادراة تربوية - وتوجية وارشاد ...)


بنفس الوقت او تقدم على برنامج واحد فقط ؟



واخيراً هل البرامج هذي مشموله بمنحة الملك ؟




آسف احبتي على الاطاله وكثرة الاسئله


لكن عزائي ان يكون هذا الموضوع مفيد لمن يريد التقديم على هذا الماجستير


تقبلوا شكري وتحياتي

[Brainiac]

هلا بك أخوي...

التسجيل راح يبدأ مع بداية شهر ربيع الاول... ويستمر لمدة شهرين.

للتسجيل في البرنامج ، لازم يكون درجة اختبار القدرات والكفايات ..والاختبارات هذي راح تكون في شهر 4... يعني ان شاء الله راح تطلع النتيجة قبل لا ينتهي موعد التقديم.

والله فرص القبول هذي بيد الله سبحانه ... لكن برنامج ادارة الاعمال التنفيذي هو أكثر برنامج تجي عليه طلبات تقديم مقارنة ببقية البرامج... يعني فيه منافسه شديدة نوعاً ما.

بالامكان اكمال الدكتوراه بعد الماجستير... وفيه ناس طلعوا بعثات للدكتوراه ومعهم ماجستير تنفيذي ... وبرضو انا تأكدت من جامعات اجنبية بنفسي ( تحديداُ في امريكا) وكلهم قالوا فيه امكانية ان شاء الله.

للاسف ما تقدر تقدم على أكثر من برنامج بنفس الوقت ... عشان كذا لازم تقدم على اكثر برنامج لك رغبة فيه... بخصوص برامج الماجستير التربوي ، لازم تكون شهادتك في البكالوريوس تربوية.. أو يكون معاك دبلوم تربوي بعد البكالورويوس.

جميع البرامج الخاصة مشمولة بالمنحة الملكية بأذن الله.... وانا بديت السنة هذي ، وما دفعت ولا ريال.


بالتوفيق ان شاء الله... ويا رب تكون من المقبولين دنيا وآخرة

[++متفأل++]

الله يوفقك اخي العزيز وشكراً على اجاباتك الوافيه


انا شهادتي بكالوريس في التربية


معليش بس حبيت اتأكد من نقطة معينه


هل اقدر اقدم على ماجستير ادارة الاعمال لوحده؟ اللي يكون في حائل

واحد الماجستيرات التربويه (ادارة تربويه - تقنيات تعليم ...) اللي تكون بالقصيم


او مجبر اقدم على واحد منهم فقط


هذي النقطة اللي حبيت اتأكد منها لأهميتها عندي


وشكراً

[Brainiac]

هلا بك...

للاسف ما تقدر .... لازم تختار برنامج معين وتقدم عليه ....... حتى ماجستير ادارة الاعمال التنفيذي على سبيل المثال، ما تقدر تقدم على حائل وجدة بنفس الوقت .... يعني لازم تختار برنامج واحد .. ومدينة واحدة ( في حال كان البرنامج يتم تقديمه بأكثر من مدينة).

[++متفأل++]

الله يعطيك العافية اخوي Brainiac افدتني كثيراً


الله يجعل هذا بميزان حسناتك


سؤال اخير


وش الافضل اختبر توفل ولا كفايات ؟

[Brainiac]

الله يعافيك اخوي... وحنا كلنا هنا نخدم بعض.

الكفايات أفضل وأسهل بمراحل ... وانا انصح فيه لجميع المتقدمين... ما عدا المتقدمين لبرنامج الترجمة المهنية ( لان الدرجة المطلوبه عليهم عالية جداً).

[++متفأل++]

كل مره اقول هذا اخر سؤال


طيب هل دخولي للاختبار الاصعب اللي هو التوفل ممكن يزيد فرصي بالقبول ؟


او مافي فرق وادخل الكفايات ؟

[Brainiac]

لا عادي خذ راحتك :)

من ناحية زيادة الفرص ، لا والله للاسف ما راح تزيد فرصك بالقبول اذا اختبرت التوفل بدل الكفايات.

لكن ، لو لا سمح الله ما انقبلت وحبيت تقدم في أماكن ثانية (سواء داخل السعودية أو خارجها ) .... الكل راح يقبل نتيجة اختبار التوفل... بس مش كلهم راح يقبلوا اختبار الكفايات ( في جامعة الملك سعود مثلاً بعض التخصصات يطلبون توفل أو ايلتس... ولا يعترفون بشي اسمه "كفايات" !).

[++متفأل++]

عاجز عن الشكر


الله يوفقك