لكل طالبات الاكادميه الدوليه للعلوم الصحيه بجده ..

[i DonT Care]

السلام عليكم ورحمة الله وبركاته

انا طالبه ادرس في جامعة الملك عبدالعزيز انتساب
انهيت المرحله التحضيريه
والان تخصص ولقد اخترت تخصص تاريخ لتدني المعدل ولكن قدمت اعتذار لهاذا الترم حتى اعيد الترم الثاني واشد حيلي وارفع المعدل واحول اداره

لكن جا فبالي الاكادميه الدوليه للعلوم الصحيه
ففكرت اسحب من الجامعه لان للان مو ضامنه المعدل حيرتفع واحول اداره او لا لان مستحيل اكمل في الاداب ..
فقلت اشوف حظي مع الاكادميه واسجل فيها فأذا قبلوني ان شاء الله ومشي كل شي تمام راح اسحب ملفي فالجامعه واكمل الاكادميه قسم تمريض للعلم اني قسم ادبي يوم تخرجت من الثانوي

ابغى اعرف هل يوجد تسجيل فالترم الثاني ومتى يكون التسجيل
لان سمعت انه من السنه الجايه ماعد راح يقبلوا قسم ادبي فالاكادميه اذا اللي قريته وانا اتصفح النت

والله اعلم

اللي يعرف اي شي عن الاكادميه ياليت يفيدنا

وهل الاكادميه الدوليه افضل ام معهد السباعي

انتظركم بفارغ الصبر =(

لكم ودي

[الصـــLOLOـــغيرة]

وعليكم السلام ورحمة الله وبركاته
اتمنى صراحة اني افيدك
شوفي ياعسل انا كنت فيها الترم الي فات بس طلعت منها لان نفسيتي مرررة مارتحت فيها مو من شي بس كدا هيا مافيها شي يخوف بس انا كدا
المهم ع التسجيل والله ياقلبي انا سويت تأجيل ترم وقالولي ازا تبي ارجعي عالترم التاني
يعني الي انا فهمتو منهم انو في تسجيل للترم التاني
والله اعلم
بس عشان تتاكدي من الوضع اتصلي عليهم
وياريت تروحي بنفسك تشوفي عشان انتي تطمني بنفسك
وان شاءالله اكون افدتك واي شي تاني انا في الخدمة
وتمنياتي لكي انك ياااارب تتوفقي والله يختارلك الي فيه الخير

[daniah]

ياعزيزتي اذا الاكاديميه ماتقبل تقدري تروحي معاهد تانيه زي البترجي اللي في السعودي الالماني وفي غيرها بس مو فاكره اسمها المهم يعني حاولي في كذا مكان والصراحه اكتر واكتر دوري على شهادة بكالوريوس في المجال الصحي افضل من الدبلوم لانه الدبلومات ماعاد لها مستقبل مضمون وخاصة انه في اشياء كتير حتصير السنتين الجايه انا ماابغا احبطك بس انا حابه انك تكوني في الصوره

[الصـــLOLOـــغيرة]

مرحبا مرة تانية بس حبيت اعلق على كلمة اختي دانية على انو الدبلومات مالها مستقبل

اول شي الارزاق بيد الله وتاني شي انا كل ماقلت لاحد اني ابغا ادخل اخد دبلوم يقولولي مررررة حلو في وحدة من بنات جيرانا ماخدة دبلوم وتقولي الدبلومات دحين مرررررررة مستقبلها قوي وسارو ياخدو بنات الدبلومات اكتر من بنات البكلوريوس

والله يقدملك الي فيه الخير

ماحبيت ادخل بدون مااقول الي اعرفو