ابشركم اخيرا تخرجت الحمدالله وعقبالكم ان شاء الله

[خالد انجلش]

اشكركم الف مليون شكر على تهنئتكم..وعقبالكم انشاءالله.بلسنبه لكيف طلعة النتيجه.فبصراحه مااخفيكم اني رابطت عندمكتب الدكتورباسلامه والدكتور محمد الغامدي من يوم السبت الى يوم الاثنين واخر الدوام حنوعلي من كثر الانتظار وانا ماكلمت الدكتور بس جالس قدام مكتبه من الصبح لظهر واخيرا سالني الدكتور وقالي ايش عندك للك 3ايام قدام مكتبي وقالتله يادكتور انا والله من الطائف ومستاجر وجالس هنا بس علشان اعرف النتيجه وبدال مااقعد في الشقه واوسوس في النتيجه جيت اجلس قدام مكتبك ياليت ترحمني من التفكير وتعطيني النتيجه واسلم الشقه واتوكل على الله قالي ابشر بس بشرط لو ماطلعة ناجح ماتطلبني ولاتزعجني انا مدوووووووش بلنتائج قلت ابشر ولايهمك وعد انا راضي بلنتيجه واعطيته اسمي ودخل المكتب ووثواني الا وخرج من مكتبه وقالي شد حيلك الترم الجاي..والله العظيم صابني شعور مااقدراوصفه ذهول تام المهم مقدرت اتكلم قلت لدكتور شكرا ومشيت وتعرفون الممرالي عرضه مترالي يودي لمكاتب الدكاتره والله العظيم واناماشي كانه 20سم من الضيقه الي في صدري وكان وراي الدكتور وانامادري المهم اخر الممر قالي الدكتور ياخالد ياخالد ياخالد والله ماسمعته الابعدمانبهني سكرتير القسم قالي ياطالب الدكتور يناديك وانت مطنش قلتله ايش..قالي ايشبك ماتسمع فلتفت لدكتور الاوهو يضحك وقالي مبروك التخرج يااستاذ خالد وزاد الطين بله من الفرحه وقلتله يادكتور لاتلعب باعصابي قولي ايش النتيجه وقالي وهو ميت من الضحك والله انك ناجح وتخرجت فسلمت عليه وشكرته والدموع نزلت من عيني من غير شعور والله وقمت اقول كلام ماني داري عن نفسي من الفرحه زي المهسترمبسوط وسلمت على السكرتير الي كان يختبر معنازمان ويقوم يسلم ورقته ويراقب علينا وقالي انت 4واحد اليوم ياخذ نتيجته ويبكي من الفرحه قلتله لاتلومنا شفنا الموت في الجامعه سهر ومذاكره وايجار وظروف العمل الي مايجلسون لنا الالطلبنا اجازة اختبارات ....الخ.المهم اخذت النتيجه ونسيت والله وين وقفت السياره فجلست اتذكر وانا اضحك ولاحصلتها الابعد مالفيت المواقف كلها المهم احلى مشاعر عشتها من الجامعه الين عانقة سحايب الهداوضبابها..سامحوني على الاسلوب ولكن هذي الحقيقه والله يوفقكم دنيا واخره..اخوكم المحب لكم خالد.