استفسار الله لا يهينكم

[little_star_]

المشاركة الأصلية كتبت بواسطة طموحهـ ولكنـ هلا فيك .. مبروك التخرج . همس المشاعر ماقصرت معاك كفت ووفت . بالتوفيق للجميع .

هلا فيك اكثر

الله يبارك في عمرك قلبوو

صحيح همس المشاعر ماقصرت الله يجزاها خير ويسعد قلبها دووووووم

[little_star_]

المشاركة الأصلية كتبت بواسطة عماد الحسن حياكم الله جميعاً .. نظام التقديم لغير السعوديين تغير الآن وأصبح متاح لكم التقديم مع كل الطلاب في الأسبوع القادم، وبعد القبول النهائي بحول الله يتم رفع طلبكم إدارة الجامعة للحصول على منحة الدراسة، توكلوا على الله وقريباً نبارك لكم على القبول في الماجستير.

حياك ربي اخ عماد الحمد الله حسيت اني عندي فرصه وان شاء الله هقدم والله يكتب اللي فيه الخير دعواتكم بس

انا دخلت علي الموقع اللي اعطتني اياه اخت همس وعندي شويه استفسارات

اولا شروط القبول

تنقصني التزكيه واختبار لغه انجليزيه لازم اعملهم قبل ما اقدم صح ؟

المستندات المطلوبه

السيره الذاتيه : ممكن نموذج للسيره الذاتيه ؟

هل المقصود بصوره من شهاد اللغه الانجليزيه اللي هوا اختبار التوفل
لازم اختبر توفل حتي لو كان تخصصي من الاساس انجلش

انا اتخرجت هالترم والي الان لم استلم الوثيقه ولا اعرف متي ؟
متي الموعد النهائي للتقديم للماستر ؟

الحين لو كملت هالمستندات فين مكان التقديم بالضبط ؟
اسفه طولت اسئله
انتظر ردكم

[عماد الحسن]

تفضل أختي .. موفقين إن شاء الله

التزكية العلمية مهمة للقبول ولا يقبل الطلب بدونها ولازم تحصلي عليها من الآن.
اختبار اللغة سيكون في شهر 4 وممكن تقدمي الآن وبعدين تدخلي الاختبار.
موقع التقديم الالكتروني هو نفس الجامعة بعمادة الدراسات العليا ولا داعي للحضور الأن.
وثيقة التخرج مطلوبة ولابد من الانتظار لحين الحصول عليها والفرصة أمامك لحد شهر 5
السيرة الذاتية هي ورقة عادية فيها معلوماتك الشخصية والشهادات والدورات وغيرها ولا يوجد لها شكل محدد.

[little_star_]

جزاك الله اخ عماد

وين ممكن اقدم علي اختبار اللغه الانجليزيه ممكن تعطيني اكثر من خيار؟

[فتاة العصر]

تقدري تختبري اختبار الكفايات الذي يقدمه المركز الوطني للقياس والتقويم بشهر 4 هجري
ومطلوب اختبار القدرات ايضا وهو ايضا بشهر 4
راجعي الموقع http://www.qeyas.com/Qiyas/info/Default.aspx

افتحي ملف ببياناتك وسجلي لما يفتح باب قبول الاختبار

تحياتي

[little_star_]

سوري ما فهمت اختباركفايات وقدرات

من الشروط اللي قراتها احتبار توفل ولازم احصل علي 500 درجه ما قرات شي عن شروط القدرات والكفايات

ارجو التوضيح من الاخوه والاخوات

هل لغير السعوديين اختبار قدرات واذا كان نعم لماذا لم اقرء عنه هنا بشروط القبول

http://dgsscholarship.kau.edu.sa/Acc...=AR&SYS_ID=284

[فتاة العصر]

نعم حبيبتي لغير السعوديين اللي يبغوا يحضروا ماستر بكلية اداب لابد لهم من اختبار قدرات وكفايات
والرابط اللي انتي واضعته هذا للأجانب اللي جايين من بره المملكة مو اللي مقيمين بالمملكة
الرابط والشروط الخاصة للمقيمين باللمملكة ويحلموا اقامة نظامية سارية المفعول اهووو
http://graduatestudies.kau.edu.sa/co...g=AR&cid=96184

والاختبارات المطلوبة للدراسات العليا اهو
http://graduatestudies.kau.edu.sa/Co...g=AR&cid=97320

اتمنى تكون الصورة وضحت لكي

تحياتي

[little_star_]

امممممممممممممممممم ما اختلفنا يعني هو اختبار انجليزي ولكن اختلفت المسميات قدرات او كفايات انا اسميه اختبار توفل صح هو واحد

[فتاة العصر]

صح هو النهاية اختبار انجليزي لكن اختلفت المسميات ومن يقدم الاختبار
التوفل يقدمه مراكز عالمية او عن طريق النت حسب نوعه
اما الاستيب او الكفايات يقدمه المركز الوطني للقياس والتقويم وهو اسهلهم
اما الايلتس فيقدمه المجلس الثقافي البريطاني

تحياتي

[little_star_]

جزاك الله خير فتاة العصر

ممكن تنصحيني بالانسب وتعطيني خلفيه عن الاسعار لكل منهم ؟

الله يوفقنا اجمعين