ايش رايكم بموادي للترم الجاي ان شاء الله....مالي عنكم غناة

[قلب زوجها]

السلام عليكم

طبعاً أول مادة بيلصقوها في ظهري غصب عني مو برضاي

الأخ انقلش 102 كابوس قاعد علة على قلبي مامنه فكه ...حذفته الترم اللي راح ورجعوه ليا

وطبعاً رسبت فيه مع مرتبة الشرف كالمعتاد

يعني راح يكون بالغصب في أول القائمة عسى الله يفكني منه لعب في حسبة معدلي

المهم نرجع لموضوعنا كيف هالانقلش أخذ نصف الهرجه .....هبو منه يالله الخراج يارب .

المواد الثانية كالتالي

مدخل إلى علم النفس ــــــــــــــــــــ> وطبعاً مع فطوم الغامدي

مناهج البحث الإجتماعي ـــــــــــــــ> ونصحوني آخذها مع سهام العزب

علم إجتماع السكان ــــــــــــــــــــــــ> وبدون منازع أو شك مع الأستاذة الرائعة نورة الحمودي بمشيئة الله

وبما انو في الأكيد الساعات المسموح بها ماراح تتعدى 15 ساعة

احترت بالمادة الأخيرة

هل آخذ ثقافة إسلامية (301 ) وأعتمد 14ساعة

أوآخذ أحد المادتين التاليتين وأقفل نصاب الساعات على 15 ساعة

( علم النفس الإجتماعي ) ( النظريات الإجتماعية )


بانتظار مشورتكم ونصيحتكم الله يوفقكم ويسعدكم

[كعبوله]

قلب زوجها يسعد صباحك يالغلا
وشخبارك ماشاء الله من الحين تجهزين الجدول

عني انا اقول لك اخذي ثقافه لانو يمكن هالترم يجي الوقت ضيق والله اعلم

يعني اخذي مادتين سهله مع مادتين شوي دسمه خليها متعادله وعلشان نفسيتك بعد

والله يوفقك ويسهل عليك

[قلب زوجها]

المشاركة الأصلية كتبت بواسطة كعبوله قلب زوجها يسعد صباحك يالغلا وشخبارك ماشاء الله من الحين تجهزين الجدول عني انا اقول لك اخذي ثقافه لانو يمكن هالترم يجي الوقت ضيق والله اعلم يعني اخذي مادتين سهله مع مادتين شوي دسمه خليها متعادله وعلشان نفسيتك بعد والله يوفقك ويسهل عليك

وصباحك أسعد أختي كعبولة

شرفتيني بهالطلة

هذا من زود الشطارة اللي مقطعتني الله يسلمك

أصلاً الانقليزي هو خلى فيني شطارة أو نفسية مرتاحة عسى الله ينتقم لي منه بهالترم ان شاء الله

مشورتك في محلها يوخيتي والتوازن مطلوب

بانتظار الحزب المؤيد والمعارض عشان نطلع الزبدة في النهاية

مرورك عسل على قلبي أخت كعبولة ومنورتني غلاتي

مشكورة على المشورة

وفالك التوفيق والإجازة السعيدة يارب .

[حروف واثقه]

لاياعيوني..

لاتفكرين تأخذين نظريات لاانه بيخسف بالمعدل شئتي ام ابيتي وخصوصا عند حياة الغريبي<< شهرت فيها من كثر مااحذر منها..


توكلي على الله وخذي ثقافه..

ويعجبوني انا المتحمسين من بدري..

الله يوفقك

[sara_2009]

ياقلبي لاتاحذي
مادة دسمة مع الانقلش يمكن انت غلطتك الاترام الماضية تاخذين معه مواد دسمة

خلي الانقلش هو المادة الدسمه والباقي مواد سهلة


انقلش
سكان
مناهج بحث
مدخل علم نفس
ثقافة

شوفي انت وقدرتك

جدولك كذا منووووع بس مو مره ترى سهل

[abo-yazad]

المشاركة الأصلية كتبت بواسطة قلب زوجها هبو منه يالله الخراج يارب .

هههههههههههههه

كنت أقولها قبلكـ مع الانجليزي 1

وجبت ليله الاختبار مدرس خصوصي وجمعت اسئله اعوام سابقه وشرح لي ونجحت بدرجه حلووووه والفضل لله ثم للمصري الخصوصي ههههه

تقدرين تتجاوزينها بأستاذه خصوصيه إن شاء الله...موفقه

[المنسية]

معليش مع أن الإنجليزي مره حلوووو لكن الله يوفقك فية وتجيبين الف مآرك يارب .


نصيحتي لك طبعاً ماينفع ابداً نظريات مع مناهج

خليك على المناهج وعلم نفس ثقافة وطبعاً إنجليزي .


موفقة ,,,

[غيم تايه]

وعليكم السلام ورحمة الله وبركاته

كيفك اخت قلب ؟ وكيف وجدتي قسم الاجتماع ؟؟ عسى الامور ماشيه ..

بالنسبة للجدول ، اللي انصحك فيه حاولي بقدر الاستطاعة تحذفي الانجليزي

وتخليه لأخر ترم ( لأنه يقولون أخر مراحل العلاج الكي ) خليه في أخر فصل ..

إذا رفضوا مو شرط تتقيدين بالجدول هذا ... المادتين الباقيه إذا هي صعبه مره

ممكن تشوفي مادة اخرى من المستوى الخامس مالها متطلب أو من المواد الاجبارية

التي من خارج القسم مثل مادة مبادئ الادارة العامة ، ياليت تحاولي ما تاخذي الانجليزي

في الوقت الراهن ... موفقه ان شاء الله ..

[ميمي_غامد]

انا اخالف غيم تايه خذي الانجلييزي وافتكي منه مرره وحده ولا تنسيين انهم يغيرون الكتاب كل فتره والماده تصعب اكثر واكثر انا لحد الان مدري كيف نجحت منو كان صعب شوي
وخذي ثقافه 3 مرره حلو وسهل ولا تاخذين نظريات الحيين الا اذا تبغين تجيبين العيد