اللي درس عند الدكتور بدر (محاسبة) يدخل سريييع

[7toom]

السلام عليكم ورحمة الله وبركاته

شباب اللي درس عند دكتور بدر مادة المحاسبة يقولي كيف شرحه وكيف الحضور والغياب عندو

وكيف حصته مملة ولا فله يعني كلهااا شرح بس

ياريت احد يفيدني بسرعه

وكمان اللي درس عند دكتور خالد سيد مادة الأقتصاد الجزئي كيف شرحه ونفس الأشياء اللي فوق^!

[7toom]

ياشباب عيب عليكم استحو تعرفو تسألو بس لما احد يسألكم تسكتو

يعني معقولة محد درس عند الأادمي ذا

[•♥fŗŌồtą]

^

^

حجاوبك انا على خالد ^^

صراحه ممل جدا حذفت الماده بسببو

درست معاه اسبوعين بس ما ارتحت معاه :)

والحضور والغياب المشرفه كانت تاخذو >> عشان كذا ما اقدر افيدك فيه

بالنسبه للاختبارات صحباتي قالو ليا يعطيهم اسئله اختياري وتجي زيها

اما النهائي الاسئله تكون موحده على حسب ماسمعت

[i2knight]

شوف ياسيدي اذا قصدك الدكتور بدر بن حميد

شرحوا ممتاز تفهم منو ويعطيك تمارين لكل فصل ويحلها معاكم

اسئلته متوسطة تجيب ٨٠ و فوق

ارجوا اني وفيت

[alix]

وعليكم السلام ورحمة الله وبركاته
د. بدر بندر نايف بن حميد درست عندو محاسبة 102
بالنسبة للشرح : تمام راح تفهم معاه والمحاضره طبعا كلها شرح
بالنسبة للحضور والغياب : يهتم بالحضور والغياب والدكتور نادراً ما يغيب
>>>><<<<
بالنسبة لمادة اقتصاد جزئي اذا كنت تقصد د. خالد ابراهيم سيد أحمد ما درست عندوا بس اعرف بعض الشباب اخدوها عندو الصراحة يمدحو في الدكتور ويقولو مررره كويس والدكتور ما يدرس اقتصاد جزئي يدرس اقتصاد كلي شوف قائمة الشعب
واذا تبى تنزل اقتصاد جزئي نزلها عند الدكتور محمد النفيعي

[7toom]

يعني الدكتور بدر بن حميد زي خالد باشنيني ولا افضل

لإني بصراحه يهمني الحضور والغياب

وبالنسبة للدكتور خالد سيد مين افضل هوا ولا خالد الديب؟؟

[د.س]

للرفع

[tofe2000]

الدكتور بدر مادرست عنده بس شفت صاحبي كان معاه وماشاء الله يكتب معاهم
اما خالد الديب انا بالنسبالي احسه شرحه حلو يكتب في السبورة ويمسح يعني لازم تكون مشغل المكينة حقتك الي هي يدك وادنك ومشكلته بس اختبارته يعني يجيب من الكتاب ومن الشرح بس الاختياري الاختبار الاول اعاطانا 130 سؤال قالنا حتجيكم منها بس مش محلوله حتى الثاني اعطانا اسئلة بس كانت محلولة ولمن اجي احل الاسئلة اشوف اجابتها بين السطور في الكتاب
من ناحية اخلاق ماشاء الله كويس

[MIS10]

المشاركة الأصلية كتبت بواسطة 7toom ياشباب عيب عليكم استحو تعرفو تسألو بس لما احد يسألكم تسكتو يعني معقولة محد درس عند الأادمي ذا

والله صدق ان قالوا شين وقوي عين ...

[7toom]

فروتا-اي تو نايت- توفي -د.س-alix

مشكوورين على اثرائكم الموضوع وعالإفادة ...

لكن الحلو مايكمل لازم يجي واحد ملقوف ويسوي انه بطل..! يعني احشفا وسوء كيلة لا انو اللي سكت ولا انو اللي افادني

ايش ارجى من الأوادم اللي على شاكلته.؟!

اكرر شكري للأعضاء المذكورة اسماءهم في البداية

ودمتم....