بناات رايكم في معامل الساعة 2-5 ؟؟؟؟؟؟؟؟؟؟؟

[*طالبة العلم*]

انا الترم اللي فات

كنت ابدا من 8 واخلص 5 ،، ضغط مو طبيعي ..

بس الحمدلله عدى على خير ..

معامل الساعه 2 كلها احياء ..

اذا عندك بس يوم واحد معمل من الساعه 2 انا اشوف عادي خليه لاتحذفيه .. واستخيري .. والله يوفقك =))

[معالي]

الله يعينك

[بيو كيميائية ^_^]

أنا أخذت العامـ الترمـ الأول من 8 إلى 5 يومين وراء بعض تعب بس تعودت

والترم اللي فات كان عندي بعد يوم واحد

بس شوفي غيري اللاب ودي خليه على الأقل الربوع

[NoNa al7ellwa]

انا ما اخذت الا مره كانت مادة مايكرو بس ولا كاني اخذ متاخر عااادي كنا نخلص اللاب بالكثيييييير 4
احيانا نخلص 3 يعني بس ساعة بس كان دوامي متاخر يعني ابدا 10 اظن

وحده من صحباتي كان عندها يومين من 8 الى 5 تقول شويا تعب

طيب تسمحيلي اساعدكي و اسويلك جدول حلوو ؟؟

اديني بس المواد الي تبغيها

[Esra'a5992]

حبيبتي أنا كان دوامي من 8 ومعملي مثلك من 2-5 وكان صعب صعب صعب لأن بيكون عندك ساعاااات ماتقدري تستغليها أصلآ ..
بس الموضوع راجع لك لو ماكان عندك بريكات خليه بس لو كان عندك بريكات طويلة رايي تحذفيه ..

[حنان 90]

المشاركة الأصلية كتبت بواسطة nona al7ellwa طيب تسمحيلي اساعدكي و اسويلك جدول حلوو ؟؟ اديني بس المواد الي تبغيها

مشكورة والله
بس شكلي بخلي جدولي زي ما هو

[حنان 90]

شكراااا للجميييييييييييييييييع

[~..candy..~]

ترجعي وانتي تعبانه ومالك نفس تذاكري تخيلي لو عندك اختبار اليوم اللي بعدو مره قلق

[sarona sweet]

السمستر إللي فات كان عندي يوم الاحد من 8 إلى 5 بس

كان بين محاضراتي والمعمل بريك 3 ساعات فمكان عليا تعب والمحاضرة إللي قبل المعمل كانت

أمن وسلامة يعني مررره كانت ماده حلوة ومحاضرتها خفيفة مره...وقت البريك كنت أرجع على

البيت لأنه بيتنا قريب من الجامعة فكان دا الشيء مريحني مره وكمانت سيارة خاصة فكان الشئ

التاني المريح فهوا على حسب ظروفك وعلى حسب ضغط المحاضرات إللي قبل المعمل...

ومن وجهة نظري وأفضل يكون عندي معمل من 2 إلى 5 وضغط في المحاضرات ولا يكون عندي

معملين وراء بعض في فترة الصباح فعشان كدا حزفت دا المعمل في فترة الصباح وخليته من 2 إلى

5

فكري بهدؤ في جدولك وشوفي إيش الشيء إللي كان متعبك وغيريه دا السمستر وكمانت لاتنسي إنه

يكون عدد موادك ما يزيد عن 6 ولا تقل عن 5 عشان لا يكون عندك إختبارات وراء بعض

واخر حاجة إنسي السمستر إللي فات وأبدائ من جديد وبنشاط جديد والله يكتب لك التوفيق والنجاح

[NoNa al7ellwa]

المشاركة الأصلية كتبت بواسطة حنان 90 مشكورة والله بس شكلي بخلي جدولي زي ما هو

زي ما تحبي يا قلبي .. بس لا تشيلي هم يعني اهوو اغلبنا اخذ معمل من 2 الى 5 و لسى عايشيين لوووووول