رد على رسالة أكاديمية وصلتني بخصوص تخصص اداره سكن و مؤسسات :) ..

[Twix~}..]

انا كنت افكر اخذ علم نفس عام + ثقافه 4 صيفي

تعرفي اذا يدرسوه في الصيف ولا لا ؟؟

ثقافه 4 تنزل بالصيف إذا كان مجموعه كبيرة حابه تدرسها .. بس غالبا تنزل لانها مادهـ عااامه للجامعه كلها ..

علم نفس عام الترم الصيفي الي راح ما نزلت وما اعرف اذا كانت تنزل صيفي ولا لا .. بس خذيها وريحي نفسكـ ترآ مادهـ حلوهـ ولزيزهـ ..

المواد الي تنزل بالصيف اغلبها مواد حرهـ وعامه واختياريه .. بس كليتنا الصيف الي راح ما نزلت مواد اختياريه لانو ماكان في استاذات ..

حلو الجدول اللي عملتيه بذات انو مواد التخصص هذي لها اظن لها متطلبات

طيب لو ما نزلو السكن وتأثيثه الترم هذا ايش تقترحي انزل بدالو ؟ ابغى ماده عمليه

تنسيق زهور حاولي انك تأخذي بكل سميستر مادهـ عملي .. بس انا اتوقع انها راح تنزل لانها ماده اساسيه ولها متطلب ولو ما نزلت البنات راح يتعطلو .. بس معرفش عن كليتنا وقراراتهم ..

تحسي 6 مواد كثيير ولا عادي ؟

محتاره انزل 6 ولا 5 لانو نفسي على قد ما اقدر اخلص مواد

ونفسي اجيب معدل حلو

حابه تتخرجي بأربع سنووووات اضغطي على نفسك في اول سنتين من التخصص واخر سنه حترتحي لانو حتفضلك 8 او 9 مواد .. مو هامك تتخرجي باربع سنوات خوذي مرآآ 5 ومرآآ 6 ..

انا اول سميستر ليا بالتخصص اخذت خمسه وارتحت مرآآ كتير .. وبعد كدا اخذت سته سته سته صح شوية تعب خصوصا لما يكون مواد تخصص اكتر شي لانو تكاليف وشغل ومعرف ايش بس كنت بشد حيلي الحمد الله وماشاء الله عليا معدلي ما كان ينزل عن الاربعه ونص اهم شي انكـ ما تهملي بالمادهـ ترآآآ دكتوراتنا مرآآ بيساعدو واختباراتهم صح مقاليه بس من المنهج ومن الورق الي يعطوكي هو ..

ودحين باقيلي 9 مواد على السنه الجايه ان شاء الله بس حزود ترم وكل ترم بآخذ 3 مواد وكل دا بسبب ظروف زوآجي المصون :d حيخرب عليا خطتي الدراسيهـ << روحي من هناك بس ..

انتي لا تشيلي هم وشدي حيلك ورآآح تجيبي آحلى معدل ..