بلييييييز احد يجاوبني عن احوال شخصيه2 وعن دكتورتها لاني ماخدتها اختياري

[روووني]

السلام عليكم ورحمه الله وبركاته

بنات بليز انا ماخده الاحوال عند شاديه وابغا اعرف كيف اسئلتها لانو في بنات قالولي اسئلتها صعبه في فقه عبادات بس ماادري كيف في الاحوال

رايكم اخلي الماده ولااحزفها واشوف غيرها وياريت تجاربكم معاها من غير مجاملات

الله يوفق كل واحده ترد عليا

[روح محلقه]

شاديه رهيبة تجنن أسلوبها حلو لا توفتيها
بنسبة للأسئلة الله أعلم أنا الآن باخذ معاها فقه2
وإذا تبغي مع فاطمة الجلسي بر ضو جنان أسلوبها ممتاز
كلتا الأستادتين جميلتين
بالتوفيق..

[روووني]

مرررره شكراااا روح طيب معليش ازا ماعليكي كلافه اسأليلي البنات لاني سمعتواحده تقول انها جابتلهم سؤال عن رأيك في الماده وعليه سته درجات ونقصت عليه وانو النهائي كان مررره صعب
معليش تعبتك معايا بس تعرفي ابغا ارفع المعدل ان شاءالله

[روووني]

بناااااات مو معقوله مااحد يعرفها

[][غسق][]

رووني حبيبي انا اخذت معاها فقه عبادات 2 محاضراتها كتير حلوة ومسليه اسئلتها انا شوفتها انها حلوة تجيب صح وخطأ واختياري تجي واضحه ومقالي مثلا ماحكم كذا مع الدليل يعني اسئلتها واضحه اما عن الاسئله الي مارايك في الماده كانت حلوة يعني ماكانت تحتاج لذكاء بس عبري عن رايك عليه 6 درجات مافيها شي صعب بس حبيبي روني لازم تراجعي ورقتك بعد التصحيح لانها احيان تلخبط كثير في التصحيح .,.,.,وسامحيني ع الكلام شكلو مو مرتب .,.,.,
تحياتي^_^

[روووني]

مرررره شكرااا غسق والله يوفقك ياااااارب ويعطيكي كل ماتتمني
بس معليش اخر سؤال اسفه ثقلت عليكي
رأيك اتوكل واخلي الماده؟؟بحكم اني اخدت المستوى الاول وجبت الحمدالله95 بس البنات فجعوني قالولي ماحد يجيب معاها ايه بلس ؟؟
صح كلامهم ولا لا؟؟ودرجتك اخدتيها على قد تعبك ولا اتفاجئتي فيها؟؟وكمان واحده قالتلي الدكتوره شاديه احنا نشرد منها؟
ومرررره اسفه طفشتك

[][غسق][]

عادي حبيبي خوذي راحتك ع الاخر والله شوفي البنات قالو انهم انظلمو في الدرجات وماتوقعو درجات زي كذا والله انا جبت درجه على قد مجهودي ماحسيت اني انظلمت الحمد لله امممم ترى انا زيك لما اخذت معاها كل البنات قالو احسن لك لاتاخذي معاها ترى متشدده ومدري كيف بس لما دخلت واخذت عندها مرررة غير وحتى هي تقول انا زمان كنت متشدده الحين صرت كبيرة خلاص صرت ارحم البنات بس والله شوفي انتي اهم شي تكوني شطوره<<<مو زي اختك في الله
اطباع الناس تختلف وكل شخص له نظره للناس وانا هذا الي شفته منها يمكن انتي ماتعجبك عاد انا انا وانتي انتي ههههههه.,.,.,.اتمنى اكون افدتك
حبيبي اي سؤال عادي لاتخجلين<<<يعنني فاهمه
تحياتي ^_^

[ذنبي طيبتي]

رووني ليش ماريحتي راسك واخذتيها مع فاطمه وربي مرررره عسل بس ماادري ليش انتي كارهتها

[روووني]

^^^^
ياختي قالولي في المستوى التاني فاطمه اصعب لانو كلهم بنات تخصص واسلوبها غير عن المستوى الاول واعتقد وقتها كمانا يتعارض معايا

ومرررره شكرا ياغسق اعطيتيني اجابات وااافيه وان شاء الله تكون كويسه واجيب معاها درجات تمام
طيب معليش اخر سؤال تعرفي احد جاب معاها ايه او ايه بلس؟؟<<من اول اقول اخر سؤال