تجمع لمن سيؤدون اختبار القدرات في 10-4 .. قبل وبعد الإختبار

[وعد!]

الله يسهل على الجميع
بس وشهي طريقة التظليل الصحيحه ؟
وش يلزم غير الاثبات اقلام حبر ولا مايقبلون الا جاف ؟ وش احتاج بعد ؟ من زمان عن الاشياء هذي

[ألايزا]

المشاركة الأصلية كتبت بواسطة وعد! الله يسهل على الجميع بس وشهي طريقة التظليل الصحيحه ؟ وش يلزم غير الاثبات اقلام حبر ولا مايقبلون الا جاف ؟ وش احتاج بعد ؟ من زمان عن الاشياء هذي

ماراح تحتاجين لقلم جاف هم بيوفرون لك نوع محدد من اقلام الرصاص

وهذي تجربة لوحدة في منتدى آخر جزاها الله كل خير راح أنقلها هنا:

تجربتي الشخصيه اول شي راح اقول لكم نامووو ا نامووو زين .. واكلوووا كويس واشبعوا بس لا تكثررون شرب سوووائل وذاكرووا زين+ اختبروا اختبار تجريبي لانو مهم وخذووا معاكم الاوراق المطلوبه +قلم رصاص احتياط ورحوا قبل الوقت بنص ساعه منها تعرفون الاجراءات المطلوبه ومنها تفتكون من الزحمه اختباري كان بجامعة الملك سعود بالملز_للطالبات التنظيم اكثر من رائع وناس جدا راقين بالتعامل وجدا ناس متفهمه ,, اول ماتدخلين تلاقين اسمك+سجلك المدني + رقم مجموعتك معلق على الباب الداخلي بعدين تروحين لاحد الموظفات وتسألك طلعي اي اثبات فيه صورتك تشوفه وتعطيك ورق نوته صفرا <عرفتوها<بتجي سالفتها< وعليها اكس بعدها تدخلي بالقاعه .. على بالي مايتجمعون البنات قفلي جوالك او حطيه سايلنت ودخليه بالشنطه وطلعي اثباتك على الطاوله +معاها النوته الصفرا راح يوزعون عليكم قلم رصاص خاص فيهم ويبدون يوزعون دفتر الاجابه وراح يعلمونكم بكل شي بالتفصيل واذا ماعرفتوا شي اسـألوهم عادي جدا وراح تلاقون شاشه < راح يشغلونها انتبهوا لها ويشرح لكم كل شي النوووته الصفرا هذي تكتبون عليها رقم جوالك ورقم اشتراكك ورقم جوال احد اقاربك ياترى ليش؟؟ علشان ماتفتحين الشنطة كل شوي طبعا الاختبار 6 اقسام وكل قسم يحتوي على 15 الى 25 سؤال بالكثير ومدته 25 فقط فقط فيه شاشه تطالعي فيها الووقت وقبل ماينتهي الوقت ب5 دقايق تنبهك بصوت قوي شوي يخليك تتخرعين اهمم ملاااااااااحظه انو كلكم تفتحوون الصفحات مع بعض اذا خلص الوقت ترحون للجزء اللي بعده مع بعض وممنوع ممنوع ترجعون للجزء اللي قبل . طبعا بتجلسين تحلين 3ساعات متواصله الاسئلة ماهي سهله ولا هي صعبه .. فيه اشياء ممكن تكون كلها صح بس انتي اختاري اصح الصحيح وبعدها راح يقولوا لك حطي ورقة الاجابه بالدفتر وتسلمونها بانتظام ملاحظه راح يكون بالدفتر قوانين ممكن تساعد بالحل خصوصا المسائل الرياضيه ارجع واذكركم ذاكروا زين بتركيز لا تسون مثلي وربي يوفقكم ان شاء الله وتجبوون الفل مارك هذا كل اللي عندي ان شاء الله الموضوع تستفيدون منه ويوضح لكم اليه عمل هذي الاختبارات حبيت اشكرا مشرفتنا ليزا< يعطيك العافيه ماقصرتي كذلك الاخت سيزون < استفدت من موضوعها كثير اخيرا وليس اخر هذا اول موضوع لي واعتذري عن اي خطا ان وجد < ترا ماراجعته لانو جالسه اذاكر لاخوي مابي الا دعوووواتكم بس