بعد الإخلاء في جده ما هو مصير القدرات اليوم ؟

[ROMANILO]

الي ينتقد قرار التأجيل بسبب انه قطع مسافات كبيرة عشان يجي يختبر في جدة أحب أقوله مين قالك تختار مكان الإختبار (جدة) ؟؟؟

إذا انت ما فكرت إلا في نفسك و في المسافة الي قطعتها في آلاف غيرك أهلهم يخافوا عليهم و يفكروا في ارواحهم

وبالنسبة للي خايفين من السيول اقول لهم احنا ماراح نختبر في وادي او في الشارع

طيب افرض لا سمح الله و الطلاب رايحيين للجامعة أو خارجين بعد الإختبارات و جات سيول و صارت المصايب !!!

خلي تفكيرك منطقي و يكون عندك بعد نظر لا تفكر في الأمور السطحية رجاء .

ولو انتوا مكان اللي جايين من بعيد كان عرفتوا مقدار صعوبة الوضع اللي هم فيه

و لو انتا مكان الطلاب و الطالبات الي انحجزوا يومين في الجامعة بدون أكل و بدون شرب و بدون أي شي
كان عرفت مقدار المعاناة الي عشناها .


أنا من الطلاب الي كنت في الجامعة يوم السيول من 8 الصباح و ما رجعت بيتي إلا ثاني يوم الساعة 4 العصر
و ما كان معايا لا أكل ولا فلوس و كل الصرافات خربانة و الشوارع مقفلة .


يعني أكثر من 30 ساعة عايش تحت رحمة ربي

و انتا جاي دحين تفكر في نفسك و بس !!



بالله روح أختبر في أي مدينة غير جدة
عشان لا تتأجل اختباراتك و تزعل علينا