إحصاء (البيانات غير المبوبه)

[Miss louda]

طبعاً يا ستْي اولا بالنسبة للوسط الحسابي:
خلي القاعدة دي في بالك انو الوسط الحسابي حاصل جمعهما مقسوم على عددها تمام
ورمز الوسط الحسابي: الحرف ميو (u) هينا ماينكتب ..الموهم
رمز متوسط العينة: اللي هوا الاكس بار (x) اللي فوقها شرطة..

نشوف كيف نحسبها في حالة البيانات الغير مبوبة:
1- بيانات المجتمع= مجموع بيانات المجتمع على عدد بيانات المجتمع
وقاعدتها صفحة 65 (3-1)
2- بيانات العينة= مجموع بيانات العينة على عدد بيانات العينة
برضو صفحة 65 (2-3)
مثال:(1-3)
في المثال دا طلب منك العينة فيعني ح تستخدمي القاعدة التانية
طبعا كاتب لك كدا
اجورهم:
60 90 80 70 50
وهادي العينة مكونة من خمسة عمال زي ما قلك
طبعا ح تاخدي الاجور دي وتجمعيها وبعدين تقسميها ع عددهم زي القاعدة
حنقول:

60+90+80+70+50=350
بعدين ناخد هادي 350/5= 70
طلع متوسط اجورهم= 70
ملاحظة:لابد ان يكون متوسط الحساب اصغر من الوسط الحسابي .

اتمنى انو وصلتك المعلومة لاتنسيني من دعائك