مهر ابنتي 5 ريالات.. مبادرة سعودي لمواجهة العنوسه ( نقاش )

[موفقة يارب]

،، السلام عليكم ^^

انا معاااكم في انو المهووور صاارت غااالية وصاارو الاهالي كأنهم بيبيعو بيعة ،، لدرجة

انو بعض الناس يوصل المهر لـ 100000 واكتر هدا غير انو لازم يجيب هدايا بالشي

الفلاني لأهلها ،، ابوها ،، امها ،، مني عارفة مين كماان ،، دا عند بعض الناس يعني ،، ودا

مررررة كتير ويعتبر فعلا تعجيز ،،

،، لكن في نفس الوقت في اشياء من حق اي وحدة تبغى تتزوج وترتاح في حياتها اللي

ح تعيشها مع دا الادمي للأبد انو يلبيها لها ،، يعني زي المهر كمان ما يكون مررة قليل ،،

يعني ممكن هيا كمان تكون على قد حالها ومحتاجة المهر دااا عشااان تدبش لنفسها ع الاقل ،،

وبرأيي ما يقل عن 25000 أو 20000 اذا مرة ،، شي تاني ،، البيت من حقها يكوون لها

بيت لحالها تاخد رااحتها ويكون لها خصوصيتها فيهـ ،، دي من اهم الاشياء والدهب انا

ما اشوفو شي مهم بالمرررة ،،

في اشيااااء اهم منو بكتيير ،،

المشاركة الأصلية كتبت بواسطة rubi ومو مهم الرقم برايي قد مايهم الرجال ونضجه بس خمسة ريال شي مرة مبالغ يعني خير الامور اوسطها مو للدرجة دي وانا ضد الاب دا

،، صح انا مع رووبي في دا الكلااام ،، 100 % ،، اش تسوي بالخمسة ريال دي

غير انو ممكن يجي بكرة بعدو يعايرها بالمهر دااا انو اتزوجها بـ 5ريال ولا احد يقلي

مافي كدا لانها قد صاارت ،، واكيد اكيــــد مو اصابع اليد سوا ،، واذا كان في وااحد كدا

مو معناتو انو الكل زيو ،، بس فعلا الـ 5 ما تسوي شي ,,

،، دا رأيي واتمنى محد يزعل منو ،،

،، يعطيك ألف عاافية داارس ^_^