ياساااااتر

[الصدوق]

الوقت يمر بسرعة ياشباب الامتحانات 30/6 وجدولي فيه نظرية التنظيم وأخواتها الست يعني سبع مواد . هل يمدينا نتدارك الموضوع في الوقت المتبقي ؟
لاتبخلوا علينا بآرائكم / آرائكن عن طريقة المذاكرة ــ الوقت المناسب لها ــ بأي المواد نبتدي ــ شاكرا ومقدرا للجميع والله يحفظكم ويرعاكم

[الله كريم الله]

بصراحه نضريه التنظيم متعبه في المذاكره
وانصحك احذف ماده خلهم 6مواد ذاكر كل اسبوع ماده
وابداء في الاسهل عشان تخلص بدري

[الصدوق]

رحم الله والديك على النصيحة .
ممكن أحذف محاسبة حكومية ولا سهلة ماني شايف فيها مسائل يعني كلها نظري ولا كيف ؟..

[الله كريم الله]

المحاسبه الحكوميه ماااخذتها المستوى هذا
بس افضلك تحذفها لان مالها متطلب
حتى لو تخليها لاخر مستوى ماعندك مشكله

[الصدوق]

يعطيك العافية وموفقة خير

[يآرب مآخآب من ترجآك]

المحاسبه الحكوميه هي قيود يعني تقريبا حفظ اكثر شي على فهم ،

انا مثلك متوهقه مدري ايش فينا
شد حيلك وقل يالله جايه الاجازه ورمضان ،

الله يعين ويوفقنا :)

[الصدوق]

طيب لازم نشوف أسئلة الأعوام السابقة
مافيه أحد عنده أسئلة هل تحتوي على أسئلة نظرية ولا عملية ؟؟؟.

[حلم الطفوله]

محاسبه شوف ملزمة د.انيسه تركستاني مرره رووعه والاختبار يجي بين النظري والعملي وتراها اسهل من مبادئ المحاسبه
وانصحك تاخذها لان في ماده ثانيه حسابيه (بحوث عمليات)في المستويات القادمه
نظرية التنظيم لازم تاخذها تفتح لك مواد
ادارة خدمه مدنيه مو صعبه بس ركز كويس عند الحفظ نفس الشي لاخلاقيات العمل والمهم في هذي الماده تقرأ بتركييز واختبار اخلاقيات العمل يعتمد على الفهم جانب الحفظ

لو عارف نفسك ماراح تقدر تذاكر كل المواد احفظ قانون اداري لان الماده دسمه وتحتاج حفظ من بدري مع العلم الماده هذي اسهل من مبادئ القانون

نظرية التنظيم تحتاج حفظ من بدري (في ملخص ام حسام يمدحوه الطلاب مع العلم اني ماذاكرت منو)(تطول في حفظها)
بعدها ابدأ بالقانون اداري ولما تختم ارجع راجع نظرية التنظيم حتى تتأكد المعلومات ماتبخرت (تطول في حفظها)
بعدها ادارة خدمة مدنيه راح تمشي معاك بسرعه لو كنت موظف
وبعدها محاسبه حكوميه لو حفظت النظري بفهم راح يمشي معاك العملي بسهوله (لو فهمتها تاخذ معاك 3 ايام إلى 5 على حسب)
اخلاقيات العمل قراااءة بتركيز دون تشتت بعدين احفظ بفهم وحط تحت فهم عشر خطوط (لو طبفت المكتوب تمشي معاك بسرعه)

لما تمسك الماده بعد ما تخلص فصل وتروح الفصل اللي بعدو وخلصت الافضل انك تراجع الفصل الاول ولو خلصت الفصل الثالث الافضل انك تراجع الفصل اللثاني وهكذا الين ماتخلص الباب

موفق اخوي

[محمد بن ناصر]

نصيحتي شيك على الجدول لانه نزل وبعدها تقدر تحكم

[سـجـايـا]

7 مواد يااخوي كثييرهـ حاول تحذف ع الاقل ماده خاصة اذا بعدك مابدأت مذاكرهـ << وجهة نظرري ..^^