الحقوني توني محول عليكم وابي الفزعه

[ღ ابوفهد ღ]

مساء وردي لقلوبكم الطاهرة

احبتي الكرام

توني محول عليكم من كلية الاقتصاد

وللاسف ماعرف اختار مواد ولا احذف <<< من زود الفهاوه

ابي فزعتكم

لاني دخلت على ايقونة الحذف والاضافة ولقيت رموز قسم الشريعة الموجوده 3 مواد فقط والباقي كله مواد حره وتفاجئت ان فيه رموز لثلاث مواد من المحاسبة وثلاث مواد من الادارة العامه وهكذا

انا في انتظار فزعتكم

[غيم تايه]

وعليكم السلام ورحمة الله وبركاته

حياك الله في قسم الدراسات ، بالنسبة للجدول لاز تتطلع على المفردات ...

اضف مادة فقة العبادات 1 ومادة العقيدة 1 ومادة علوم القران .. او القران الكريم .. مواد مهمه مداخل في الدراسات

ما ادري كم عدد الساعات المسموح لك ؟؟ وكيف معدلك ؟؟؟ وهل احتسبوا لك الساعات او كيف تم التعامل معك ؟؟

طالما محول ياليت تشرح لنا الخطوات .. لان فيه كثيرين يرغبون في التحويل ... وحياك الله بينا مجدداً

[أميرة تكافل]

يب يب صح كلام الاخ غيم

[ღ ابوفهد ღ]

يالبية ياغيم تايه

الله لايخلينا منك يالغالي

بخصوص التحويل عن طريق المعاملات الإلكترونية تلقاها على اليمين اخر شي

فيه ايقونه اسمها تقديم معاملة إلكترونية تقدر تكتب ترسل لهم المعاملات الي تبيها وتفتك من عناء المشوار ولكن تنتظر يوم او اثنين على بال مايردو عليك

وبخصوص الساعات ولا كاني حولت
كل شي موجود ومحسوب

ومسموح لي بـ 18 ساعه

ياليت تقولي وش اخذ مواد غير الي كتبتها فوق


تحياتي الك

اميره شكرا لمرورك

[هدية]

الله يحيييك بالقسم
خذ مواد الفصل الثاالث من الخطة الدراسية
عقيدة1
تحرير كتابي
ثقافة 2
فقه عبادات
علم نفس الشخصية
قران
وبالتوفيق اخوي

[غيم تايه]

حياك اخوي وشاكر لك التوضيح ولان اي استفسار بخصوص التحويل موجود المادة ..

بالنسبة للمواد فتكون كالتالي :
فقة العبادات 1 ( 3 ساعات ) مادة تحتاج إلى تركيز ومذاكرة ، مقررها كتاب الروض المربع للبهوتي تدرس كتاب الطهارة والصلاة والجنائز .
، العقيدة الاسلامية 1 ( ساعتين ) تحتاج ايضا للحفظ كتاب شرح العقيدة الطحاوية لأبن أبي العز الحنفي .
القران الكريم ( 3 ساعات ) حفظ جزءين كاملين ( 28 و29 ) الاختبار تسميع قراءة مجودة صحيحة .
علوم القران ( 3 ساعات ) مادة حلوه من كتاب الفصول الحسان في علوم القران للدكتور عبدالله الأزدي .
- الثقافة الاسلامية - ما ادري انت سبق اخذتها ولا لا ؟؟ مادة من ساعتين ..
- علم نفس الشخصية ( هذه من المواد الاحبارية اللي من خارج القسم ) وعددها ثلاث ساعات ..
- اللغة العربية 2 ( ثلاث ساعات ) من المواد الحرة على الكليات ... ما ادري اذا سبق اخذتها ولا لا ؟؟
- الإقناع ( ثلاث ساعات ) من المواد الاجبارية من خارج القسم كتابها سيكولوجية شخصية لدكتور خالد محمد القيلوبي الفصول السبعة الاولى ..
اظن كذا كفاية عليك اختار المواد اللي سبق قلناها واضف اللي تشوفه .. حتى تكمل نصابك وبالتوفيق ان شاء الله ..