ممكن موضوع اتصال عن الحوار والاقناع ..؟ (مخالف تم تعديله)

[krystal]

السلام عليكم ورحمه الله وبركاته
محتاجه مساعدتكم ابي موضوع اتصال عن الحوار والاقناع
بليييييييييييييييز ممكن اليوم ؟؟ محتاجه ضروووووووري واسفه اذا طولت عليكم

[د/أسمــــاء]

وعليكم السلام ورحمه الله وبركاته
مممممم انا السمستر اللي فات طلبت استاذتنا مجموعتين كل مجموعه يتكلمو عن موضوع معين

الموجموعة الاولى تكلمو عن البلاك بيري مؤيديين ومعارضيين

ومجموعة ثانية عن عمل المراة في الكاشيرات برضو فريق معارض ومؤيد>>>موضوع حلو انصحك فيه >>>مجموعتي

ومجموعة عن المعسل والدخان للمرأة .... هاذي مواضيعنا للحوار

وبعدين ترا لازم يكون النقاش فري يعني مافي تكلفات ولا اعداد مسبق >>>عشان ماتنقصك الاستاذة

وبس هاذي اللي عندي حاليا....

وسوري على التاخير .. الموضوع راح ورااا مرااا وما انتبهت له .. بالتوفيق لك

[د/أسمــــاء]

ايوا نسيت اذا حابة تجمعي معلومات عن المواضيع اللي قلت لك عليها

بس اكتبي في قووقل ايجابيات وسلبيات كذا وراح يطلع لك بالهبببببل

انا سويت كذا في موضوعي برضو عشان استفيد ... اتمنى افدتك

[krystal]

تسلمي حبيبتي د/اسماء تعبتك معايا الله يعطيك العافيه بس حبيت اقولك انو هذي نفس المواضيع اللي قالت لنا الاستاذة عليها واتوقع انها اتأخذت
امممممممم طيب شو رايك في عمليات التجميل؟؟

[د/أسمــــاء]

^
^
^
حلو بس انتي شوفي مجموعتك عندهم كلام كثييرمعارض ومؤيدعن الموضوع>>>احس استاذتك مريم العقيلي مو

مممممممم طيب اذكر في موضوع لصاحباتي عن سفر المرأة لاكمال الدراسة في الخارج طبعا بدون محرم ..

ترا اغلب البنات اللي كانوا معي تكلموا عن اشياء تخص المرأة ايوا ايش رايك بقيادة المرأة للسيااارة

حلو مررا واكيد فيلو كثير مؤيدين ومعارضين >>>مؤيدة طبعا للضرورة القصوى

وعمليات التجميل برضو حلو بس مثل ماقلت لك حسب مجموعتك اذا عندهم معلومات ولا لا ...بالتوفيق

[krystal]

اممممم اليوم اتناقشنا وحسينا انو المعارضين عندهم ادله وبراهين اكثر من المؤييدين وكمان بقولك على المواضيع اللي اختارتها المجموعات 1/ التبرع بالاعضاء
2/البلاك بيري
3/قيادة المراه للسيارة>> للاسف اتأخذت
اليوم كمان الاستاذة طرحت موضوعين اللي هما: الايمو.. والبويات..
شو رايك؟؟ ايوه وكمان استاذتي مو مريم العقيلي

[د/أسمــــاء]

بالنسبة للايمو>>>> حلو صراحة
أما البويااات فأكيد الكل معارض فكذا ماراح يكون فيه حوار بالمستوى المطلوب
بعدين انتو بنفسكم تقسمو مجموعتين مثلا 3 مؤيدين و3معارضين >>>>مو بالحقيقة حيكون رايهم فيه
لانه الاساس من الحوار معارض ومؤيد فتجي كم بنت تقول انها مويدة والبنت نفسها الحقيقية معارضة >>>احنا كذا سوينا

يعني اكذبوا فكلامكم عشان تمشوا ولا كذا ماراح تخلصو

اتمنى فهمتي قصدي

[krystal]

تسلمي حبيبتي تعبتك كثييييييييييير وفهمت قصدك بس اخر سؤال استاذتنا قالت لازم وحدة تكون محايدة واحنا 6 ؟؟

[د/أسمــــاء]

غـــــريــبة انا اعرف بالنص مو وحدة بس محايدة >>>اذا حسيتي انو صعب عليكم عادي كلميها >>>لاني احس انو راي المحايدة حيكون قلييل ولا
وقولي نبغى بالنص عشان مايسير الحوار ضد المحايدة
بالتوفيق

[krystal]

الله يعطيك العافيه ويسعدك يآآآآآآآآآآآآآآرب مررررررة تعبتك معايا وكمان مرة مستحيه منك بصراحه ماقصرتي انتي الوحيدة الللي كنتي تجاوبي ع اسئلتي الله يحقق امانيك ويخليك لاهلكشكررررررررررررا