انا جبت العيد افزعوا لي

[بااتك]

السلام عليكم ورحمة الله وبركاته
ثانيا كل عام وانتم بخير بمناسبة عيد الأضحى المبارك


مابي أطول عليكم أبدخل دغري بالموضوع ... الموضوع ومافيه اني انا من خلقني ربي وأنا وجه نكبه .. يعني مامشي مع الدرب ألا وانا جايب به العيد تقدرون يعني تقولون عني باختصار وباللهجه الكويتيه (قبسه) وأموري كلها منحاسه على بعضها صايره كنها معصوب عسى الله ياقانا بس ...

المهم انا جاي مدرعم قبل كم يوم وأروح أفتح نظام الطالب الألكتروني عاد انا اول سنه منتسب هالسنه هذي وأسجل دخول برقم الطالب والباسوورد رقم السجل المدني .. ويومي دخلت الا الجدول نازل والأموركلها زينه أستانست قلت أول مره ياباتك تمشي امورك صح .. المهم أن نفسي سولت لي وغيرت الرقم السري .. وبعد فتره جيت أبدخل الا اني ناسي الرقم السري حاول اتذكره عصرت مخي وموخيخي ونخاعي المستطيل علشان اتذكره ماقدرت

بس لقيت فيه تحت مكتوب هل نسيت كلمة السر << وعلى طول الا انا داق هالأيقونه ويومي فتحتها الا لقيت خيارين وحده منهم اذا كنت تملك بريد اكتروني والثانيه اذا ماعندك بريد

طبعا انا مافعلت البريد حق الجامعه لذلك رحت للأيقون الأولى والي صدمني انه طلعت لي رساله تقول راجع الشوؤون التعليميه .. وقتها ا فيل ديسبوينتد << يعني شعرت بأحباط شديد لأني أنا بالخبر وعندي دوام ولا اقدر اروح جده علشان رقم سري والأختبارات تعرفون قربت


أسعفوني عسى الله يسعفكم بخيرا من عنده .... وأتمنى منكم الحلول التي تثلج الصدر



تحياتي لك من مر من هنا

[محمد22]

تتصل عليهم ويغيرونه للك

[بااتك]

المشاركة الأصلية كتبت بواسطة محمد22 تتصل عليهم ويغيرونه للك

أخوي محمد أولا شكرا على سرعة الرد والله أنك ريحتني الله يريحك
بس ممكن تعطيني الرقم الي أتصل عليه .. أنا أردي أني ثقلت عليك بس تحملني أشوووي

وفقك الله لما يحبه ويرضاه

[Dr.Suliman1st]

أتصل عليهم وإذا ما نفع ... انا مسافرجده ان شاء الله للدورة 16/12 وومكن افيدك ...لكن تأكد اول هل يفيدونك ...إذا رفضوا ... قل انا راح أرسل طالب عليكم وش المطلوب يكون معه ... وتحت أمرك

[بااتك]

المشاركة الأصلية كتبت بواسطة dr.suliman أتصل عليهم وإذا ما نفع ... انا مسافرجده ان شاء الله للدورة 16/12 وومكن افيدك ...لكن تأكد اول هل يفيدونك ...إذا رفضوا ... قل انا راح أرسل طالب عليكم وش المطلوب يكون معه ... وتحت أمرك

بيض الله وجهك وأنا أن شاء الله بدق عليهم وبكون متواصل معاااك
شاكر لك أخي والله يفرج عنك يارب .. فوالله اني عاجزعن الشكر لكن ماقول الا وفقك الله لمايحبه ويرضاه

[Dr.Suliman1st]

ابد ما راح اسوي شي يجهد ... بس راسلني ويكون افضل على الايميل موجود بالتوقيع ... وبالتوفيق
لكن اهم شيس تسألهم وس الاوراق المطلوبه علشان أخذها منك