من بكره اختبار القدرات في الجامعه تدخل

[De$eRt Ro$e]

السلام عليكم
أخواتي من بكره اختبار القدرات عندها في جامعه الملك عبد العزيز
ممكن تقولي من اي بوابه؟؟؟؟؟
وفين اروح انا حاسه انى راح اضيع في الجامعه
ياريت واحد تعلمنى بوابه كم
ومبنى رقم كم الاختبار
منتظره الرد ضرووووووووي الان

[dr:sarona]

انا معاكي
اللي اعرفو بمبنى 29 من فين ندخل والا الاشياء دي ماعندي خلفية
جتني مسج اني بمجموعة 6 بس اطمني حتكون في لوحات لحد ماتدخلي ولما تدخلي في استاذات يساعدو
~^^
بالتوفيق

[عندي امل2009]

انا كمان عندي اختبار بس مجموعه 9 وفي خريطه في موقع القياس ممكن تنطبع وتعرفي المكان

[De$eRt Ro$e]

انا مجموعه4
لكن مااعرف شئ راح اروح زي الاطرش في الزفه هههههههههه

[عندي امل2009]

لاتشيلي هم انا اليوم رحت وكل شي واضح انتي بس روحي بدري واسالي الامن اللي عند الباب راح يدللك فين اختبار القدرات هو جنب الاستاد الرياضي اللي في الجامعه مبنى لوحد مكتوب عليه29 مايضيع يعني مو بوابه وبعدين تدخلي تمشي على رجوللك مبنى مستقل لحاله السواق ينزللك وعلى طول تدخلي المبنى
إن شاء الله انك فهمت وكمان كاتبين لوحات في الطريق تدل على مكان اختبار القدرات

[De$eRt Ro$e]

المشاركة الأصلية كتبت بواسطة عندي امل2009 لاتشيلي هم انا اليوم رحت وكل شي واضح انتي بس روحي بدري واسالي الامن اللي عند الباب راح يدللك فين اختبار القدرات هو جنب الاستاد الرياضي اللي في الجامعه مبنى لوحد مكتوب عليه29 مايضيع يعني مو بوابه وبعدين تدخلي تمشي على رجوللك مبنى مستقل لحاله السواق ينزللك وعلى طول تدخلي المبنى إن شاء الله انك فهمت وكمان كاتبين لوحات في الطريق تدل على مكان اختبار القدرات

شكرا اختى الغاليه
الله يسعدك على التوضيح انا سهرانه اذاكر
الله يوفقنا كلنا ياااااااارب

[عهووده]

بالتوفيق يابنات في اختبار اليوم..انا بالمجموعه 10