ألف مبروك لدكاترة الأسنان الجدد ... تجمع دفعة 11

[Fran]

أحب أبارك للجميع :)

بالنسبة لسبب رغبتي لطب الأسنان ، هو هوسي بالنظر لأسنان أي أحد قدامي أشوف مرتبة أسنانه\ أسنانها ولا لأ << معليش عبط شوية :p ، كنت طول عمري أحب أشوف الناس مبتسمة على طول عشان الإبتسامة تخلي الإنسان أجمل ، و تخليه مرتاح نفسيًا كمان << أهم شي طبعًا

في ناس كتير حبطوني إني أخترت أسنان ، يقولولي إنتي أخترتي أسنان عشان سهل !! ، أنا صراحة مني شايفة إنه الأسنان أسهل من التخصصات الباقية بس مدري ليش الناس نظرتها للأسنان كدا ، و للأسف ليّا كم يوم محبطة من كلام الناس اللي يحسسني بالندم على إختيار طب أسنان ...

بس الحمد لله إن شاء الله آمل إنها تكون فترة و يرجع لي الشغف بطب الأسنان مرة أخرى

و شكرًا على الموضوع :)

[amiwa]

المشاركة الأصلية كتبت بواسطة Fran أحب أبارك للجميع :) بالنسبة لسبب رغبتي لطب الأسنان ، هو هوسي بالنظر لأسنان أي أحد قدامي أشوف مرتبة أسنانه\ أسنانها ولا لأ << معليش عبط شوية :p ، كنت طول عمري أحب أشوف الناس مبتسمة على طول عشان الإبتسامة تخلي الإنسان أجمل ، و تخليه مرتاح نفسيًا كمان << أهم شي طبعًا في ناس كتير حبطوني إني أخترت أسنان ، يقولولي إنتي أخترتي أسنان عشان سهل !! ، أنا صراحة مني شايفة إنه الأسنان أسهل من التخصصات الباقية بس مدري ليش الناس نظرتها للأسنان كدا ، و للأسف ليّا كم يوم محبطة من كلام الناس اللي يحسسني بالندم على إختيار طب أسنان ... بس الحمد لله إن شاء الله آمل إنها تكون فترة و يرجع لي الشغف بطب الأسنان مرة أخرى و شكرًا على الموضوع :)

هههههههههههههههههه حبيت الهَوَس (Teethmania <<< ألَّفْتَها )

Fran... لا تزعلي ولا تتضايقي من كلام الناس .. ، هادي رغبتك انتي ومستقبلك انتي، يا انك تسمعي كلامهم وتخليهم يأثرو فيكي ويحبطوكي (ولاحظي 6 سنين حتقعدي على دي الحالة المحبطة وبقية عمرك)، او انك تحطي فــ بالك شي.. "هذا اختياري واختيار ربنا لية وربنا ماكتبلي هوة الا لإنو فيلو خير ليا" . وحتوقفي فــ وجه كل اللي يوقفو في طريقك،وتقوليلهم يا تبعدو او اكمل طريقي من فوقكم لاني بإذن الله مكملة مكملة D:<
شوية شوية حتشوفي انو دا الاختيار الصح ومرررة حتنبسطي {ولسوف يعطيك ربك فترضى}

انا صراحةً مرررررررررررة اتشجعت واتحمست من كلام الدكاترة الاسنانيّين (عـ قولت صحبتي) وان شاءالله كووووووووولنا راح ننبسط وما حنندم ابدا على دا الختيار وكلنا حاضرين بنوقف بجنبك وجنب كل اخـت/اخ يمرو بمثل دي الظروف

معليش طولت عليكي.. واخيرا :

هــــاكـــونا ماتــــاتـا يا صَحْبي (أي أنَّ : لما الدنيا تديك ظهرها.. إدِّي ظهرك للدنيا)

[Dr~NanoOok]

اهلييين بالجميع ^_^

مره استمتعت بقراءة قصة كل واحد منكم ..

سبحان الله تغيرت الأسباب لكن الهدف واحد إن شاء الله
وكلنا نقدر نفيد ديننا بعلمنا

~


على فكرة الهوَس الأسناني << واعترف إني مصابة بيها
اسمها
Dentomania

لأنه معنى Dent = Tooth
mania = madness

وترا دراسة المصطلحات الطبية حتكون زي دي الطريقة

تاخدوا الكلمة و تفككوها الى معانيها.. وهي مرررره سهلة
حاستكم ماخدين همها .. لكنها حلوووة

[Fran]

المشاركة الأصلية كتبت بواسطة amiwa هههههههههههههههههه حبيت الهَوَس (Teethmania <<< ألَّفْتَها ) Fran... لا تزعلي ولا تتضايقي من كلام الناس .. ، هادي رغبتك انتي ومستقبلك انتي، يا انك تسمعي كلامهم وتخليهم يأثرو فيكي ويحبطوكي (ولاحظي 6 سنين حتقعدي على دي الحالة المحبطة وبقية عمرك)، او انك تحطي فــ بالك شي.. "هذا اختياري واختيار ربنا لية وربنا ماكتبلي هوة الا لإنو فيلو خير ليا" . وحتوقفي فــ وجه كل اللي يوقفو في طريقك،وتقوليلهم يا تبعدو او اكمل طريقي من فوقكم لاني بإذن الله مكملة مكملة D:< شوية شوية حتشوفي انو دا الاختيار الصح ومرررة حتنبسطي {ولسوف يعطيك ربك فترضى} انا صراحةً مرررررررررررة اتشجعت واتحمست من كلام الدكاترة الاسنانيّين (عـ قولت صحبتي) وان شاءالله كووووووووولنا راح ننبسط وما حنندم ابدا على دا الختيار وكلنا حاضرين بنوقف بجنبك وجنب كل اخـت/اخ يمرو بمثل دي الظروف معليش طولت عليكي.. واخيرا : هــــاكـــونا ماتــــاتـا يا صَحْبي (أي أنَّ : لما الدنيا تديك ظهرها.. إدِّي ظهرك للدنيا)

أهلييييين والله يا أختي amiwa ، ما تتخيلي قد إيش كلامك ريحني و حسيته جاي من القلب ، و من جد دي الرغبة يمكن من الأشياء القليلة اللي في الحياة من جد أبغاها ، وأنا استخرت الحمد لله وربنا كتب لي هي ، و بالنسبة للهوس هاهاها إيوا فيّا هوس بطاااال للأسف ، و عجبتني التأليفة حقتك .

"وحتوقفي فــ وجه كل اللي يوقفو في طريقك،وتقوليلهم يا تبعدو او اكمل طريقي من فوقكم لاني بإذن الله مكملة مكملة D:<"

دي الجملة مررررة عجبتني ، و إن شاء الله كلام الناس حأعدي من فوقه و أطنشهم و مالهم أي صلاح فيّا

شوية شوية حتشوفي انو دا الاختيار الصح ومرررة حتنبسطي {ولسوف يعطيك ربك فترضى}

ونعم بالله :")

انا صراحةً مرررررررررررة اتشجعت واتحمست من كلام الدكاترة الاسنانيّين (عـ قولت صحبتي) وان شاءالله كووووووووولنا راح ننبسط وما حنندم ابدا على دا الختيار وكلنا حاضرين بنوقف بجنبك وجنب كل اخـت/اخ يمرو بمثل دي الظروف

أنا دحين كمان مرررة أتحمست لأني حسيت من جد في ناس طيبين في القسم ، و إن شاء الله ننبسط فيه و نساعد بعض كمان

معليش طولت عليكي.. واخيرا : هــــاكـــونا ماتــــاتـا يا صَحْبي (أي أنَّ : لما الدنيا تديك ظهرها.. إدِّي ظهرك للدنيا)

بالعكس والله ما طولتي ولا شي ، استمعت بالقراءة و شكرًا لكي على كل الكلام دا اللي من جد خلاني مبسوطة ، الله يسعدك دنيا و آخرة و جزاك الله خير .

المشاركة الأصلية كتبت بواسطة Dr~NanoOok اهلييين بالجميع ^_^ مره استمتعت بقراءة قصة كل واحد منكم .. سبحان الله تغيرت الأسباب لكن الهدف واحد إن شاء الله وكلنا نقدر نفيد ديننا بعلمنا ~ على فكرة الهوَس الأسناني << واعترف إني مصابة بيها اسمها Dentomania لأنه معنى Dent = Tooth mania = madness وترا دراسة المصطلحات الطبية حتكون زي دي الطريقة تاخدوا الكلمة و تفككوها الى معانيها.. وهي مرررره سهلة حاستكم ماخدين همها .. لكنها حلوووة

جزاك الله خير مشرفتنا العزيزة ، والله إني أحسك ماشاء الله إنسانة مرررة طيوبة ماشاء الله ، و أتحمست لحكاية المصطلحات أنا دحين حأسمي نفسي Dentofran هاهاها .

والله إني مررررة فرحانة شكرًا لكم Dr.amiwa و Dr~NanoOok
الله يسعدكم دنيا و آخرة ، و إن شاء الله ربنا يكتب لنا عمر و نتقابل في الجامعة .


دحين بروح إن شاء الله أغير صورتي و أبحث عن شي فيه أسنان عشان أدخل في الجو الأسناني