الأسئلة والاستفسارات عن كلية طب الأسنان ..

[Dr.لولو]

السلام علييكم كيفكم حبااايبي ان شاء الله بخييير. ً المهم انا بدخل في الموضوع ع طوول وابغاااكم تفيدووني الله يجزاااكم الجنه يااارب انا تخرجت من الثانوي وكانت نسبتي حلوه الحمد لله وقلت بقدم منحه وكنت ماسحه عبد العزيز من بااالي لان كل الناااس يقولون صععبه ومحد يدخل طب الا الدااااافووووور مررره اللي يقطع الكتب وانا اتمنى طب اسناان من اعماااق قلبي واستخرت كثيرر بس سبحان الله راحت فكرة المنحه من بالي وسجلت عزوز وقبلوني في السليمانيه ولله الحمد وانا وررربي الحين خاااايفه ماني عايشه اجازتي زي الناس كله من السنه التحضيري الناس كلهم يقولون معضله وانها صعبه واناااا حلمي طببب وقلت بجتهد ان شاء الله بس احس حتى لو اجتهدت اني مابجيب مدري ليه فاااتمنى منكم ياااطلاب الطب اللي ياااارب اصير مثلكم في المستقبل ان شاء الله اتمنى تعطووني نصايح وايش سويتوا وكيف ذاكرتوا وكيف كان نظامكم في ايام المدررسه وكل شي تسووونه والله لادعييلكم من اعممممماق قللللبي واشكررركم جزيييل الشكككر

[hadeel a]

و عليكم السلام و رحمة الله و بركاته
و الله العظيم فكرتيني بنفسي أنا السنه اللي فاتت كنت خايفه من السنه التحضريه و قدمت في جامعة مكه و قدمت على منحه في جامعه خاصه كلو خوف من السنه التحضريه و الحمدلله أنقبلت في كل اللي قدمت في بعدين أستخرت ودخلت جامعة الملك عبدالعزيز و بداية السنه مرره كنت خايفه وحاسه أني ما راح أكمل فيها بعدين قلت بما أني أستخرت و ربنا كتبلي أن أدخلها فأكيد أن ليا خير فيها فأهم شي أنك تداكري أول بأول و تركزي في المداكره و تكوني فاهمه و إن شاء الله على بداية السنه حتلاقي نصايح كتيره من بنات دفعتنا في منتداكم و أستمتعي بإجازتك و لاتشيلي هم و ربنا يوفقك و يسعدك إن شاء الله .

[مَـزٍآج ..}..]

وعليكم السسلام . .

اول شئ مبـروك على القبول . .

المشكلـه انك قلتي صعبه بنآء على كلآآم النآآس !!

ودآ اكبر غلط .. مو بس في الدرإأسه . . في الحيآهـ بصفه عامـه . .

لا تحكمي على اي شئ الا لما تجربيـه بنفسكـ . . عشان لا ترسمي صوره سلبيه وتستصعبي الشئ . .

وبالنسبه للسنه التحضيريـه بالعكـس والله انا اشوفهـآ سهله . . الي لازم تعرفيه دحيـن

انه نظام الجامعه غير نظام المدرسـه . . بمعنى انك ما تعتمد على دكتور المادهـ 100% . .

لازم انت تدور وتتعب شويآ على اسئله وتحل . . وملخصآت كويسه تراجع منها . .يعني زي كدآ .. !!

وفي منتدى التحضيري ي كثرها المواضيع الي تتكلم على الأشيآء هذي . . لازم تتطلعي عليها . .

وحآولي تنبسطي في الاجازهـ الآن .. !!

[Dr.لولو]

هديل اسعدني مرورك جداوان شاءالله اقابلك في الجامعة ونكون اصحاب عارفه انتي الحين دكتوره مش فاضيه لي لكن الله يعينك عليه هههههههههههههه حبيبتي انا ممنونه كثيرانك رديتي عليه والغريبه ان ظروفي نفس ظروفك قدمت على منحه وكمان على ام القرى وانقبلت فيها لكن الخيرة فيما اختاره الله اتمنى تعطيني طريقه تناسبك اتواصل معاك اذا احتجت اي استفسارلاني حيرانه مررررررره واكيد انتي حاسه فيني ولن تجدي مني مقابل الاالدعاءلك بظهرالغيب الله يسهل لك كل صعب اميييييين ،،،،،، الاخ العزيزدكتور مزاج نصايحك درر ثمينه وفي محلها الله يوفقك والدنيا لسى بخيييير مداام فيها واحد زيك وزي الدكتورررره هدييييل ودمتم.

[hadeel a]

المشاركة الأصلية كتبت بواسطة dr.لولو هديل اسعدني مرورك جداوان شاءالله اقابلك في الجامعة ونكون اصحاب عارفه انتي الحين دكتوره مش فاضيه لي لكن الله يعينك عليه هههههههههههههه حبيبتي انا ممنونه كثيرانك رديتي عليه والغريبه ان ظروفي نفس ظروفك قدمت على منحه وكمان على ام القرى وانقبلت فيها لكن الخيرة فيما اختاره الله اتمنى تعطيني طريقه تناسبك اتواصل معاك اذا احتجت اي استفسارلاني حيرانه مررررررره واكيد انتي حاسه فيني ولن تجدي مني مقابل الاالدعاءلك بظهرالغيب الله يسهل لك كل صعب اميييييين ،،،،،،.

طبعا طبعا دكتوره مو فاضيه .. أمزح إن شاء الله يارب أقابلك و نشوفك السنه الجيه في كليتنا و نسير صاحبات .
حبيبتي أي حاجه تبغيها أرسليلي هيا عالخاص هنا بالمنتدى .
و الله نفسي أعطيكي ايميلي بس أعرف أن قوانين المنتدى ما تسمح تبادل ايميلات .
و اي شي تبغي قوليلي و إن شاء الله أقدر أساعدك .

[Dr.rori]

اصلاً ماخرب التحضيري الا كلام الناس ،،، ترا كثييير من اللي درسوا ثانوي عام مو مطور يقولوا انو التحضيري مرررررة اسسسهل ،، و اصلاً مافي شي جديد كلو اخدناه في الثنوي بس الماث منهج دسم لازم مذاكرة باستمرار ،،، ربي يوفقكم دفعة ١٢ =)

[~RAN~]

ياعسل
وربي السنه التحضيريه مو بالصعوبه هذيك
وانا اعرف بنااات كثير جايبين معدل 5
والنسب الموزونه من 95 وفوق ماشاءالله
يعني ابدا لاتشيلي هم ومادامك مااشاءالله نسبتك في الثانوي مرتفعه
اكيد انك شطوره فلا تستصعبي السنه التحضيريه
بالعكس ترا مره سهله للي يذاكر ويركز اول باول

وشوفي هذا الرابط راح يفيدك كثيير اقرأي الردود والاستفسارات راح تفيدك برضو


http://www.skaau.com/vb/showthread.php?t=422282
ربي يوفقك ^^

[THE HILL]

دكتر لولو يا قلبي ترا التحضيري اسهههههل من الثانوي والله <~ صدقيني

بس يبغالها مذاكرة اول باول لانك تعرفي انو تحديد التخصصات ع حسب نسبتك الموزونه وانتي كل ما اجتهدتي كل ما صارت نسبتك اعلى ,,


وكلام الناس لا تعطيه وجه



ونصييجه مني اقري المواضيع اللي عاملتها المشرفه غلا روحي " في قسم المنتظمين " حتفييدك كثيير..



وبنات دفعتنا ما راح يقصرو معآكم ف النصايح ^^




الله يوفقك ياارب ونشوفك ف كليه الاسنان نهايه السنه الجايه ^^- اذا استخرتي و ما تغير رايك طبعا - :)~





....

[Dr~NanoOok]

كلام الناس حيبقى دايمًا كلام.. وحيبقى زي ماهو
مُحبط و سلبي ومخيف !

فـ يا إننا ناخده ونستفيد منه ..
أو هو يستفيد مننا ! بأن ياكل من صحتنا و راحة بالنا.. وبالأخير نخسر كل شي

خديها تحدي.. وهو أكبر حافز ممكن يساعدك على تخطي أي شي صعب بحياتك
وغضّي الطرف عن كلام الناس ولا كأنك سمعتي شي منهم

الشي سهولة أو صعوبته.. جماله أو بشاعته
انتِ بنفسك اللي حتحدديها .. لما تجربيها وتعيشيها بنفسك

توكلي على الله وحيساعدك.. وأعملي افضل ما عندك
وتأكدي ان ربنا ابدا ما يضيع تعب أحد
اذا ما كان هنا.. فأكيد بالجنة ! وفي أجمل وأعظم من كده .. فلله الحمد دوما


~


أنا من الدفعات اللي ما درست سنة تحضيرية .. فالأخوة قبلي ماشالله ما قصّروا وقالولك عن تجربتهم فيها

لكن ممكن أخبرك عن سنة أولى طب اللي عشناها
أول سنة لينا في الجامعة.. عالم جديد وكل شي جديد
ومسمى اننا دخلنا كلية طب يخلينا نرتعب من الداخل !

لكن مرّت على أحسن حال.. وعشناها بكل مافيها.. وكانت أروع أروع سنين حياتي فعلا
برغم "صعوبتها" نوعا ما ببدايتها.. لكنها جميلة وما تتنسى أبدا


بالتوفيق لك عزيزتي.. وباذن الله نشوفك معنا بطب الأسنان الجاية الجاية
^_^

[Evil Teeth]

سلام عليكم ورحمة الله وبركاته

أنا ولله الحمد تفكيت من السنه التحبيطيه

همممــــ سنه تحضيره صعبه من حيث أن الجدول مليااااان والإنجليزي يجيب صرع من كثر الوقت ولااااكن المواد سهل ولااااكن لاتتكاسلي وإلا حتروحي في خبر كانَ وأخواتها.

بعض النصائح :
1- لازم تلاقي ملخصات كويسه من البدايه
2- ما تقدري تتوقعي صعوبة أو سهولة الإختبار
3-قد تكوني جايبا في بعض المواد درجه نوعا ما غير جيده وفي نهايه تلاقي إنك دخلتي تخصص إلي تبغيه ( لا تفقدي الأمل أبداااااا ) <<<< من تجربه

وهذا إلي أذكرو حتى الأن وإذا ذكرت أي شي بأحاول أرجع أكتبو مره ثانيه


إذا في أي استفسارات عندك دكاتره ودكتورات ما شاء الله يكفوا ويوفوا. أنا إن شاء الله موجود إذا في أي استفسار.

والحمد لله رب العالمين .