الأسئلة والاستفسارات عن كلية طب الأسنان ..

[hadeel a]

المشاركة الأصلية كتبت بواسطة sweet dreamz السسسلام عليكم .. اول شي احب اشكر د.مزآآج & د.نانوك على مجهودهم وتعبهم ربي يتقبل تعبكم ان شاء الله .. ثاني شي انا قرأت كل صفحاتكم وردودكم احس خفت زياده هههههه ما ادري انا نفسسسي ادخل كليتكم احسسس عاجبتني ومزاااجي يعني دم وتشريييج وكذاا << مجرمه ههههههه واهم شي انو مافي رياضيات بس متخوفه من الصعوبات اللي بتواجهني احس لو شفت صعوبات بستسلم بأيش تنصحوني ؟؟ وياليت تفيدونا كيف طريقه المذااكره في السنه التحضيريه عشان كل واحد يوصل للي يبغاه بإذن الله .. ويعطيكككككم ألف عااافيه ..

و عليكم السلام ورحمة الله و بركاته
الله يوفقك و يسعدك و نشوفك السنه الجيه مقبوله في التخصص اللي تبغي و يكتبلك الخير في..
بس زعلتيني لمن قلتيلي حتستسلمي لو لقيتي صعوبات لأن مافي تخصص مافي صعوبات وخصوصا طب الاسنان صح أنا ما بدأت دراسه في التخصص بس عندي ناس أعرفهم درسو و أتخرجو و شفت قد أي كانو بيتعبو خاصة في التطبيق مع المرضى .. بس ادا انتي حبيتي شي كل التعب إن شاء الله حيهون .. و بانسبه للسنه التحضريه حتلاقي مواضيع في منتدى السنه التحضريه وأكيد على بداية السنه بنات دفعتنا إن شاء الله ماراح يقصروو معاكم و عموما السنه التحضريه مرره حلوه وموصعبه بس يبغالها مداكره بتركيز أول بأول إن شاءالله أكون أفدتك .

[Dr~NanoOok]

المشاركة الأصلية كتبت بواسطة ريال سعودي عندي اسئلة بسيطة عن كلية طب الأسنان انا اعرف انو في مواد تدرسوها في سنة ثانية على ترمين (زي البايوكمستري) هل الترم الأول من 100 والترم الثاني من 100 ام مجموع الترمين =100

الدرجات غير مقسمة بالنصف مابين الترمين

وغالبا يكون على الترم الأول 40% و الترم الثاني 60%

بالنسبة لمواد التخصص للأسنان فيكون توزيع النسب 25% ترم أول تقريبا .. و 75% ترم ثاني !
لأن الترم الثاني يشمل معاه الترم الأول

اتذكر هذا النظام عملوه معانا خلال دراستنا في السنة الثالثة والرابعة
وممكن يتغير توزيع النسب من كل سنة لسنه

السؤال الثاني : في الطب البشري .. الطالب الي يقل معدله عن 2 تنقطع عنه المكافئة ويحول الى الطب الموازي هذا هذا الشيء موجود في كلية الأسنان ولا لا ؟؟

نظام الجامعة بكل أقسامها أن الطالب اذا نزل لمعدل 2,75 أو أقل يُحرم من المكافأة


-------------------------------------------------------------

المشاركة الأصلية كتبت بواسطة Sweet Dreamz السسسلام عليكم .. اول شي احب اشكر د.مزآآج & د.نانوك على مجهودهم وتعبهم ربي يتقبل تعبكم ان شاء الله .. ثاني شي انا قرأت كل صفحاتكم وردودكم احس خفت زياده هههههه ما ادري انا نفسسسي ادخل كليتكم احسسس عاجبتني ومزاااجي يعني دم وتشريييج وكذاا << مجرمه ههههههه واهم شي انو مافي رياضيات بس متخوفه من الصعوبات اللي بتواجهني احس لو شفت صعوبات بستسلم بأيش تنصحوني ؟؟ وياليت تفيدونا كيف طريقه المذااكره في السنه التحضيريه عشان كل واحد يوصل للي يبغاه بإذن الله .. يعطيكككككم ألف عااافيه ..

استخيري قد ما تقدري عزيزتي وربي يوفقك

اتفضلي دا الموضوع واقري الردود بالصفحتين .. وحتعطيك فكرة عن الأسنان وبعض تجاربنا فيها
http://www.skaau.com/vb/showthread.php?t=225358