قروووب المستجدين ..... وبعض الاسئلة لتحديد المستقبل

[BLUE VEIL]

سديـــــــــــم وأم ريمــــــــــــا...

وكل واحد قلقان على بداية السنه...

انا بقولك قصتي يمكن فيها شي يخفف عنك

انا خريجة ثانوي دفعة 27-28 ادبي

تخرجت وانا ببالي ان الاقسام تستناني انقي واختار منها وكان طموحي لغه هدفي مو تحدث الانجليزيه بطلاقه وبس لا كنت ابي بكالوريوس لغه واللي بعدها واللي بعدها....

بدت فتره القبول والتسجيل في جامعة ام القرى ((اقوى جامعه في العالم)) قدمت عالانجلش
وكان فيه اختبار وانا جالسه انتظر دوري عشان اخذ بطاقة دخول الاختبار الا سمعتهم قالو خلاص اكتفينا؟؟؟
وقفو على نسبة92,6 وانا نسبتي 92,3
شفتي القهر!!!!
لكن لعله خير
طلعت من عندهم اجر نفسي جر مو عارفه وش مصيري.. لقيت ان الاقسام قفلت ومابقي الا العربي.. بلاغة وادب ونحو..

اخترت بلاغه وامري لله وقلت اول ما تبدا فترة التحويل بحول عالانجلش

ما اطول عليك بدت الفتره وجهزت اوراق التحويل
طبعا لقسم اللغه وطلبو اختبار ودخلت الاختبار.. وكان عددنا يفوق 300 طالبه موزعين في 4او5 قاعات كبيره

انتظرنا النتايج للقبول تفاجانا بالورقه المعلقه عالقسم تحتوي على 18 اسم فقــــــــــــــط!!!

وطبعا انا مو منهم..

الحمد لله .. على نهاية السنه كلمت وحده من صديقاتي تدرس بالكليه ((نسبتها واطيه)) قالتلي تخيلي فتحت الموقع لقيت تحت اسمي لغة انجليزيه كيف ما ادري وانا ما دخلت اختبار تحويل حتى!!! وهل يعقل!!؟

قالتلي ان ابوها جاب طاري لواحد صاحبه بس جاب طاري الموضوع قاله ولا يهمك!!
سبحان الله يا سهلها على ناس وناس!!

المهم انا جاني احباط من الجامعه ومن الدراسه مع ان كان معدلي 3,25 من 4

كان حلو.. وكانو البنات يوم يعرفون معدلي ينصدمون.. يقولون كيف انتي تلبسين وتتشيكين وتتكين معانا للعصر وفله وتجيبين هالمعدل!!!؟؟؟

انا من بعدها ما شفت خير

زود على كرهي للجامعه كرهت المذاكره والدروس والمحاضرات

سرت اغيب كثيييييير

حتى عن الاختبارات

بس يوم افكر اني بروح للجامعه او بذاكر تجيني خنــــــــقه واذا ضغطت على نفسي اتخدر واحس ان راسي ثقيييييل وانام وانا ما ادري عن نفسي بعدين افوق واجلس ابكي

المهم تعذبت هذيك الاختبارات حتى رئيسة قسمي شافتني باختبار الورقه ففاضيه حست ان فيني شي وشافت شكلي مو طبيعي المهم سويت فلم هندي وقالتلي روحي انا بعلق لك الماده لاني اعرفك مو لعابه

ومن بعدها ما دخلت الجامعه لا لاختبارات ولا لدروووس بعد ما خلصت 3 سنين فيها
يعني المفروض اكون متخرجه الحين....

بعدها سحبت ملفي وقدمت على دبلومات في نفس الجامعه ما قبلوني ((انتم عارفين الوضع هناك ما يحتاج)) يعني خريجة السنه مالها مكان وشلون بيطالعوني انا وخشتي دفعة28!!

مع هذا كله كنت دايم اقول اني احس ان الله مخبيلي شي كنت حاسه انه ربي بيوفقني وانا متوكله عليه

فكرت اخذ دورة حاسب في معهد وجلست عالنت وبحثت وبحثت

طحت بمعهد كويس الاسعار والمكان والشهاده من حيث الاعتماد

دقيت عليهم ردت علي وحده بنت حلال سالتها عن المعهد والخدمات وكل شي بعدين سالتني ليه تركت دراستي حكيتها السالفه وقامت تحكيني عن اخواتها ووحده منهم قدمت على نظام التعليم عن بعد جامعة الملك عبدالعزيز وانا ما كان عندي ادنى فكره عنه.. بعدها جاني بصيص امل واستفسرت عنها اكثر واكثر وطلعت الادميه بنت حلال وما بخلت علي بمعلومه جزاها الله خير... وتحول الامل لحمااااااااااااس !!! من يصدق انا بقدر ارجع ادرس واخذ البكالوريوس وبكالوريوس زي الناس من جامعه زي الناس فرحت مرررررررررره ودخلت الموقع وقدمت ولله الحمد اني لحقت عليه وعقبال ما تجيني الرساله

بعد الهرج الطويل ذا ابيك تعرفين ان كل انسان له رب كبيييييييييييير قادر على كل شي انا كنت ادعي الله وخاصة في الايام الاخيره ان الله يرزقني العلم النافع.. وان الله يسخر لي عباده.. شفتي من خدمني!! موضفه في معهد وخسرت زبونه وهي لها نسبه!!!

كل واحد/ة محتار/ة يستخير الله بامره ولا عاد يفكر ويقلق

يدعي الله ليل ونهار انه يعينه ويساعده ويقضي جوائجه ويصلح شأنه..

عليك بالدعا ترررااااه راحه خصوصا وانتي مقبله على دراسه جديده .. تحتاجين توفيق الله اطلبيه واطلبيه واطلبيه...

اسفه عالاطاله .. وأرجو اني افدتك ولو باليسير