"مأساة في بيت الله " لا حول ولا قوة إلا بالله :(

[شمعة الجامعة]

المشاركة الأصلية كتبت بواسطة مَـزٍآج ..}.. المنتديات العربيـه احلى منتديات بصرإأحه في جميع المنتديات الكل يستنكر والكل يقول تخلف والكـل متعلم وفآهم والكل مآشي على النظام نفسي اعرف مين الي يسوي هالاشيآء المتخلفه وتعليقي لا حول ولا قوه إلا بالله . . وبصرإأحه مو بس الحرم . . الاماكن الي حول الحرم كمان فيها عشوائيه ومنآظر لا تسر

ربي يهدي الجميع
بارك الله فيك ونفع بك

المشاركة الأصلية كتبت بواسطة o-dody-o وااااااااااااااااا بجد؟؟ ليش كذا الناس؟؟ غريبه طيب عالاقل وين اللي ينظفون؟؟؟ بجد شي مؤسف اننا نشوف الحرم بذا الشكل معقوله محد فكر يشيلها عالاقل اللي يشيلها ياخذ اجر حتى المارين مافكرو يلمو؟؟؟ طيب هاذا بيت الله المفروض كلنا نتعاون مانقول ذا الشي مو انا اللي رميتو والنظافه من الايمان وديننا امرنا بالنظافه ماقلنا ارمو وامشو وفي ناس يجو يلمو وراكم اماطة الاذى عن الطريق صدقه شعب الايمان مراتب اعلاها قول لا اله الا الله وادناها اماطة الاذى عن الطريق

هلا عزيزتي
بجد ياليت الناس تفكر وتصحى من غفلتها
ربي يسعدك

المشاركة الأصلية كتبت بواسطة طالب منكوب لاحول ولاقوة الا بالله .. فعلاً شيء مؤسف والله , القائمين على نظافة الحرم ماهـم مقصرين لكن مع الزحمه النظافه صعبه جداً والحرم مايفضي .. الحجاج من كل حدب وصوب , فيهم الفاهم والعاقل والجاهل وغيرهـ .. صورة لأحمد الشقيري من المووضوع .. شكراً اختي وكثر الله من امثالك .. تحيتيـ ..

ربي يهديهم ويصلحهم
العفو,,بارك الله فيك ونفع بك

المشاركة الأصلية كتبت بواسطة روان الغامدي ", يديكي العافيه إنتي وأختك على خدمتكم وتقبل الله عمرتك المفروض الوحده اللي تروح مكه تحط في شنتها كيس نايلون عشان النضافه لازم منها وي إحنا في أطهر بقاع وكدا يسير !! " أنآ لاحضت إنو المدينه ماشاءالله مستوى الإهتمام هناك مررا كبير في المسجد النبوي أتمنى الحرم المكي يكثفو جهودهم من دي الناحيه + زيآدة الوعي عند الناس وتشكراتي يا سكررره ",

هلا روان
حياك الله
ربي يهدي الجميع
وبجد ينقصهم الوعي والتذكير بحرمة وقدسية المكان

المشاركة الأصلية كتبت بواسطة نص دافوره كيس باليد يجمع الواحد فيه فضلاته والزايد هو وعايلته ما يضر ولا يكسر الضلع (: وبعدها على أقرب دراام ، ياليتني مسؤوله عشان أوزع عليهم أكياس خخخخ أو على الأقل مطويات يستوعبون فيها أنهم ببيت الله ، وانهم مسؤولين عن نظافته !!! والا اللي يرمي شيء أصكه بقسيمة مخالفة 500 ريال عشان يعرف ذيك الساعه إن الله حق ههههه وما عاد يعوودها ويتوب من بعدها خخخخخ

هلا عزيزتي
واضحة غيرتك على هالتصرفات السيئة
هذا هو المفروض إن كل واحد مسؤول عن نفسه وعن مخلفاته مو يخليها يؤذي بها غيره أو يرفعها عنه
أتحداهم يعملوا كدا في بيوتهم
وحتى لو مافي كيس في حسن التصرف أهم شي ما يخلي شي على الأرض
،,،
في الجامعة مرات ما ألاقي سلة قريبة أو أكون في القاعة أخلي المنديل أوالعصير في الشنطة ولما أخرج أرميها في السلة وأحياناً أفضي الشنطة في البيت
وبعضهم يستصغروا الشي ويرموه على الأرض زي كيس المصاص ,,طيب كيس على كيس صارت كارثة ..ودا الشي كنت دايماً أنبه فيه أطفال الروضة بعد الإنتهاء من الوجبة وأنه يتفقدوا كيس المصاص في الطاولة أو تحت الكرسي ..
لأن بجد لابد من الأساس والتربية والتذكير والتوجيه للأطفال لأنهم عماد الأمة وجيل المستقبل ..
ما نقول هم صغار ونرفع وراهم ,,لابد من تحمل المسؤولية والإعتماد على النفس والأهم التربية الذاتية ..
،,،
إن شاء الله توصل أصواتنا لمن يهمه الأمر

ربي يسعدك

المشاركة الأصلية كتبت بواسطة لانا عبدالعزيز صباح الخير الله يتقبل منك بس حابه اسئلك العمرة بعد التراويح بهالوقت مو زحمه لنو اهلي ليلية 20 موجودين بمكه ومعاهم جدتي كبيرا بالعمر.. مابعرف متى الوقت المناسب وبشوف مكه الآن زحمة عالساعه 6ونص صباح

صباح الورد
هلا بلانا <<أحب هالاسم ,,كانت عندي طفلة اسمها لانا في الروضة
آمين ومن الجميع يا رب
أشوف أغلب الناس تجي من جدة يومياً عشان يصلوا التروايح في الحرم
وبعد الصلاة ماشاء الله أفواج كبيرة خارجة من الحرم فبتخف الزحمة
تشوفيها زحمة في الصباح لأن الأغلبية يقولوا قليل اللي بيجي في الصباح
فشوفي كم شخص بيقول دي العبارة ويروح في الصباح ويتفاجئوا بالزحمة
،,،
اللي أنا أشوفه ومقتنعة فيه أنه أي أحد يبغى يعتمر يتوكل على الله ويروح في أي وقت
لابد من أن تجد المكان الذي يحتويك ..
ربي يتقبل عمرة الأهل والجميع ..