يَ حآسوبيآت تعآلوا هنآآ شوي =) ..

[كرستال33]

وعليكم السلام و رحمة الله و بركاته

انا بتكلم عن المواد من وجهة نظري

اولا البرمجة ١

بالنسبة لدفعتنا العام درسنا لغة c عاد سمعت انهم غيروها الله اعلم المهم لا تخافوا في البداية يمكن تلخبطوا لانها لغة جديدة لكن بعدين بإذن الله تتيسر راح تسير سهلة لانها تعتمد على الفهم اهم شي اكتبوا مع الاستاذة في المحاظرة لان الاغلب كان يذاكر من الدفتر و السلايدات

ثانيا الحوسبة

بالنسبة لي المادة حفظ في حفظ علشان كذا احسها اصعب شي عندي في الجدول رغم ان البنات يشوفوا الاساليب اصعب لكن انا احب الفهم اكثر يمكن تلاقوا بنات يقولوا احسن تفهميها لكن انا اقولكم رأيي

ثالثا الاساليب

افتكر في البداية اخذنا كيف تكتبي سيرة ذاتية جدا مفيدة تعتمدي عليها لما تتخرجي بإذن الله و سهله بعدين اخذنا طريقة كتابة بحث علمي الصعوبة تكون في البداية لما تختاروا المواضيع بس كل ما تتقدموا كل ما تسهل .. المادة ترى بتفيدكم بإذن الله حتى في الاترام الجاية إن شاء الله ومنها تعلمنا كيف نسوي بحث الحمد لله

رابعا الثقافة

ماله داعي اعلق

خامسا الاحصاء

عاد ذي وقفت عندها لان افتكر استاذتنا ما تشرح عربي فكانت عند البنات مشكلة في الفهم معاها لكن بإذن الله لو كل يوم رحتي البيت وقعدتي تراجعي اش اخذتوا بتكون سهلة اشياء كثير كانت من احصاء التحضيري

بالنسبة للابات انا احبها غالبا تكون سهلة ياليت تشدوا حيلكم فيها علشان بإذن الله تضمنوا تقريبا ٢٠ درجة

قلب ينبض لله

انا اتمنى يكون عندي اوف لكن اغلب المحاضرات اللي تكون ٣ ساعات او ساعتين ياتكون (سبت واثنين وربوع مع بعض) و الا (احد و ثلوث) افتكر وحدة العام كانت تقول كان عندها في ترم من الاترام اوف

انا اهم شي اخرج بدري ياسلااااااااااااام احساس رائع

اتمنى من قلبي اني افدتكم وكل اللي كتبته يمثل رأيي واي استفسار حياكم

في امان الله